DE LA VICTOIRE OBTENUE PAR MONSEIGNEUR LE DUC DE GUYSE
A l'encontre des réistres avec le nombre des morts. Sur le chant ; Las! que dict-on en France.
1 Las ! que dict on en France Du camp de Tennemy, Qui par outrecuidance Nous pensoit faire ennuy !
Mais le bon Dieu de gloire Donnera la victoire
Au noble roy chrestien, Lequel a prins les armes Et s'est mis en campagne Contre les Calviniens.
2 Le noble roy Henry, Lui estant adverty
Que les Réistres rebelles Ne prenoient son party, Mandit monsieur de Guyse Qu'il vint sans nule faintize Au secours vistement, Se mettant sur les aisles De tous les infidèles Et maudicts Allemans.
— iOi —
Le bon duc de Lorraine, Noble prince chrestien, Mandit monsieur du May ne, Lequel print son chemin Avec le duc d'Aumalle, Qui a chargé leur malle De terrible façon; Puis le bon duc du Mayne, Qui chargit la cuysine Au sieur de Chastillon.
Quand ces Réistres infidelles Se virent avancez, Se voyant sur les aisles De nos gens bien armez, Monsieur le duc de Guyse Il promet sans faintize Y demeurer plustost Comme prince doit faire, Ayant tousjours mémoire A nostre Dieu très hault.
3 Sitost qu'ils furent en France, On les vint à charger A grands coups de noz lances, Dont cuydèrent enrager.
A monseigneur de Guyse Voulurent sans faintize Le jour parlementer, Et luy savoir à dire Qu'ils vouloient sans mot dire Tretous leur en aller.
~ io;> —
t> Alors monsieur de Guyse, Hardi comme un César, Fit l'ennemy poursuivre Tant d'amont que d'aval, Lequel fist grant cleffaicte, Sans aucune retraicte, Auprès de Montargis ; Seize cents mis par terre En faict de bonne guerre De ces Reistres maudits.
7 Les braves gentils -hommes, Capitaines et soldats, D'une grâce fort bonne Marchant de toutes parts, Avec le duc de Guyse
Qui vint sans nule faintize Pour charger Tennemy, Et leur livrer bataille A tout ceste canaille Oui viennent en ce pays.
8 Le jour vingt deuxiesme De novembre dernier, Le duc, chose certaine, Les envoie attaquer
Par monseigneur de Vince ; Afin qu'il les atteinse, Lequel fit son devoir, Mettant des embuscades, Lesquels firent bravades, Taschant à les avoir.
Alors monsieur de Yince N'avoitque cens chevaux, Leur disant qui se tinsent Auprès du pont d'Auneau.
Dont sortirent sans honte Lieutenant et deux comptes Les vint à poursuivir; Mais monsieur de La Chastre Ayant l'heur de combattre, Neuf vingts ils ont occis.
40 Lors monseigneur de Guyse Ne fut pas endormy, Et sans longue devise Poursuivre lennemy.
Et pour bonne enseigne Veille saincte Catherine, Tint en la tour d' Auneau , Et va de grand furie Avec Tinfanterie Et monsieur de Sainct-Paul.
11 Quand monsieur de Sainct-Paul Vint à donner dedans, Par le pont du chasteau Où entrèrent nos gens, Il sortit sept Cornettes Dont cinq furent deffaictes, Trois cents de prisonniers.
Leur chef fut mis par terre, En faict d'homme de guerre Deux mille cinq cens tuez.
12 Ces Reistres infidelles, Chargez d'apointemcnt, Lors se délibérèrent De fuyr vistement; Se mestant tous en route, Ne pouvant en leur troupe Avoir pain à manger ; Puisqu'ils sont en la France, Leur faut fendre la pance Et les faire crever.
15 Huguenots pleins de rage, Yous estes bien faschez , Plus n'avez de courage; Vos Reistres sont cassez.
Ils voudroient d'assurance Estre hors de la France Ou en pays lointain ; Ou bien à La Rochelle, Avec les infidelles Disciples de Calvin.
14 Ils pensoient bien nous mestre En tribulation; Mais Jésus nostre maistre A eu compassion De l'armée catholique.
Celle des Reistres unique A faict son testament ; Dont le pays de Beauce Leur a servi de fosse, Jamais n'y en eut tant.
13 Par toutes les églises Te Deum fut chanté, Pour monseigneur de Guise, Prince bien redouté.
Pour l'heureuse victoire Obtinse dont mémoire Sera à tout jamais, Dont la loy ancienne Et l'église chrestienne Vivra mieux désormais.
CHANSON NOUVELLE
