SUR LA DEFFAICTE DES REISTRES
Sur le chant de La victoire obtenue par les Espagnols,
1 Ce joly moys de may, Le premier jour d'esté, Les princes catholiques Commence à assembler Leurs forces qui estoient Plus de quinze mill' hommes ; Prions Jésus-Christ
Que victoire il leur donne.
2 Quant nous vindrent aprocher Près le pont Sainct-Vincent, Pensant donner bataille Contre ces Alemans.
Mais ayant apperceu Qu'ils estoyent si grand nombre, Tant Reistres que François, Bien cinquante mille hommes,
5 Monsieur de Guyse, alors, De près les poursuyvoit, Avec son armée, Qui envie avoit
De leur roonstrer bientost Leur grande outrecuydanee De venir ruiner Nostre pays de France.
4 Estant à Vilmory, Eusmes advertissement
Qu'ils estoient en grand nombre, De Reistres là-dedans, Lorsque pensoient souper.
Pour leur entrée de table, On les a saluez A coup d'arquebuzade.
5 Ne se doutant du faict, Commencent à se sauver, Les uns sur leurs chevaux, Et les autres à pied.
Le duc du Mayne estant A Tentour du village De ces Reistres meschans, En fit un grand carnage.
6 Nostre roy très-chrestien, Sage et bien advisé, Avecq' sa noblesse,
A tousjours empèse hé Les forces qui venoyent Pour le roy de Navarre Qu'ils ne passassent point La rivière de Loyre.
7 Eux estant à Anneau Furent bien ébays,
Que veirent tant d'enseignes
De ces François venir Et qu'ils eurent apperceu Nostre armée en bel ordre, Ils s'en sont enfuis S'épouvantant l'un l'autre.
8 Sainct Pol fut envoyé Et eut commandement, Approchant de la ville Il a dit à ses gens :
Allons, soldats, allons, Par-dessus la muraille Allons tuer le guet
Qui nous porte dommage.
9 Quant le guet entendit Les soldats approcher,
^ Tuans et decoupans Ceux qui pouvoyent trouver.
Les autres sont fuys Pour prendre leur armure, Nous les ont poursuyvis A grans coups d'arquebuze.
10 Capitaine Saint-Pol S'écrie à ses soldats, Sortant de l'embuscade Tenant leurs coutelas :
Tuez, soldats, tuez, C'est à vous le pillage, N'y mettez point le feu Ce seroit grand dommage.
11 Les soldats animez Plus fort que des lyons
Ont commencé la charge De maisons en maisons.
Les Reistres ne pouvant S'assembler pour combattre, Les soldats les tuoyent Estant encore à table.
12 Lors entr'eux fut conclue!
Et soudain arresté Que leur artillerie Il falloir enterré Et bientost se sauver, Ceux qui en avions envie, Sinon qu'on leur feroit A tous perdre la vie.
15 Les princes advisez Ayant bien apperceu Qu'ils n'estoient que canaille Et bien peu résoluz :
Le bon Dieu a voulu Monstre r la grand folie De ces pauvres abusez Ennemis de l'Église.
Ï4i Nous prierons Jésus-Christ Qui nous soit défenseur^ Faisant la grâce au roy Nostre bon gouverneur, Qui puisse mettre à fin Bientost toute hérésie, Et qu'on voye florir Tousjours la saincle Église.
XX vin CHANSON NOUVELLE
