PAR MONSEIGNEUR LE DUC DE GUYSE
Sur le chant : Pauvre Verdun, etc.
1 O puissant duc de Guise?
O excellent floron, L'honneur et gloire acquise De ta noble maison Redouble tous les jours, Car par ta vaillantise
Ton bras tu fais sentir Aux haineux de l'église.
2 Comme duc magnanime, Ainsi que tes aveux,
Tu clos de gloire insigne Tes œuvres en tous lieux ; Tu n'épargnes ton corps Pour faire au Roy service.
Chacun en est recors Qui suit ton exercice.
3 La noblesse de France T'ayme de tout son cœur; Pour ta grande vaillance Chacun te fait honneur.
Les grands et les petits, Tout chacun te révère, Et ont intention De suivre ta banière.
4 Quand tu as sceu qu'en France Yenoyent les Allemands,
Et qu'à grande puissance Reistres entroient dedans, Tu t'es mis sur les rangs Pour leur couper passage, Employant tous les moyens Pour leur livrer bataille.
5 Sachant que leurs cornettes, Près d'Anneau de renom, Pensoyent faire retraite Logez à l'abbandon,
Ce prince valeureux
Leur fit rompre leur chance
Et la dévolion
De revenir en France.
6 II despécha à l'heure Deux mille hommes vaillans Pour aller sans demeure Trouver ces Allemands, Oui ont donné dedans, Faisant telle deffaicte Qu'on deffeit à l'instant Bien vingt-cinq cornettes,
7 Chariots et bagages, Jumens et bons chevaux, Furent en proie et pillage Aux bons soldats joyaux.
Oui d'un cœur valleureux Combattirent ces Reisttes.
Qui venoient courageux Entrer dans noz limites.
8 Leurs cornettes par pièce Furent jettez à bas Tant qu'il ne resta pièce De ces Reistres couarts.
Bien beureux se tenoient Ceux qui par la fuitte Pensoient éviter la mort En gaignant la gueritte.
9 Ils accouroient en France, Pensant leur remplumer Et nous mettre en outrance Comme le temps passé.
Dieu les engardera,
Car le roy et les princes Les feront retirer Jusques à leur province.
10 La noblesse françoise Et gens de tous estais, A la gent Genevoise Feront sentir leur bras.
Leur tranchant coutelas Feront rougir et taindre Au sang de ces pillards, S'ils le peuvent attaindre.
il Là on voit les enseignes Marcher de toutes paris, Pavillons et courtines, Et force bons soldats.
Gentils hommes et seigneur-, Qui de volonté bonne Vont hardis courageux DefFendre la couronne.
12 Dieu doint au roi victoire Contre ses ennemys, Pour servir d'exemplaire, Tant qu'ils soyent à mort mis, Aux princes et seigneurs, Deffenseurs de l'église, Accompagnez de cœur Le noble sang de Guise.
