ET DU CARDINAL DE LORRAINE A BLOIS
Sur le chant :
Escoutez moy, ô débile jeunesse, etc.
1 O cruauté! falloit-il que la France Goustast encor1 tes traicts trop inhumains? Faut-il, hélas ! que je sois en souffrance Par toy, cruel, qui souille au sang tes mains? Tu prens plaisir à occir mes enfans, Dont j1ay au cœur mille sousptrs cuisans.
2 Las! falloit-il ma caduque viellesse
Combler de pleurs au lieu de réconfort ? Par toy, Henry, qui me mets en détresse, Ayant occis de France le support; Si la perte n'estoit qu'à mon endroit Avec le temps le mal se passèrent.
5 xMais souz ta foy tu as surprins au piège Mes deux enfans, qui à mal ne pensoient, Et as osé commettre sacrilège Par trahison aux saincts prestres sacrez O quelle foy! d'un tyran apostat, Qui faisoit tant le doux et papelart!
4 Tu as couvert ta trahison mauditte D'un fein semblant, convoquant des Estats, Disant vouloir mettre au pays police Et mettre fin aux guerres et débats, Mais, ô cruel! tu y as bien ouvert Monstrant ton cœur de cruauté couvert.
6 Je ne peux mieux acom parer ta vie Qu'à celle-là de ce cruel JNéron.
Semblable à toy, il estoit plein d'envie, De cruauté, rancune et trahison.
Il feit mourir sa mère sans mercy, Et toy, tyran, tu en veux faire ainsi.
6 Tu veux occir nostre mère l'Église, Faisant mourir son soustien et appuy, Afin qu'après l'hérétique maistrise, C'est ton dessein, on le void aujourd'huy. Aux Huguenots tu fais plus de faveurs Qu'aux gens de bien, du grand Dieu serviteurs.
7 Dedans Rouen, pour palier ta rage, Feis un édict très-catholique et sainct, Donnant ta foy au saint clergé pour gage, Semblant ton cœur environné et ceint D'un bon vouloir humain et cordial; Mais on le voici cruel et desloyal.
8 Si mes enfans t'avoient commis offence Ou au pays fait faute ou trahison.
N'y a il pas des mareschaux en France, Et du conseil pour en faire raison?
N'y a il pas des cours de parlement Pour à chacun donner vray jugement?
9 Tu dis pour tout qu'ils vouloient la couronne, Et le pays par leur force usurper;
Hélas ! cruel, c'est ce que te blasonne Un d'Espernon, ton diable familier, Car on sçait bien que leur bien ils ont mis, N'espargnant rien, deffendant ton pays.
10 Sans eux, cruel, tu n'eusse la couronne Dessus le chef, elle fust à l'estranger. Ils t'ont esté quérir jusqu'en Poulongne, Te conduisant à Rheims pour te sacrer ; Tu as tué celuy qui t'a sacré,
Est-ce pas là une grande cruauté?
11 Pour mettre fin à ma dure complainte, A jointes mains je prie le Tout-Puissant Que tes sujets, d'une révolte saincte, Soient contre toy jour et nuit combatant, Pour recevoir la tribulation
De tes grands maux et de ta trahison.
12 Je prie à Dieu ayder aux catholiques
Qui sont aux champs pour venger ton forfait, Chasser aussi dehors tous politiques Qui t'ont suivi approuvant ton souhait, Afin qu'en paix nous puissions Dieu louer, Et son sainct nom par tout glorifier.
