QUI NE VEULENT R GNOISTRE LE ROY
Et se chante sur le chant :
Le dix-huit septembre dernièrement passé , etc.
1 François, que faisons-nous? sommes-nous endormis? C'est à vous qu'on en veut, ce sont nos ennemis, Dont nous devons avoir entière cognoissance, Qu'on veut bouleverser la courone de France.
2 Dieu nous a bien monstre qu'il nous tendoit la main, Quand il a appelle ce prince tant humain,
Noslre roy naturel, à la foy catholique ; Il n'y a que le Ligueur qui le dit hérétique.
5 Le Ligueur Espagnol s'est fort scandalisé Quant il a veu le roy s'estre catholisé; N'ayant plus de subjet pour luy faire la guerre, Chacun d'eux s'est bandé pour occuper sa terre.
4 Maintenant, disent entr'eux qu'il faut premièrement Estre absouz du passé, ne pouvant autrement Estre oingt ny sacré qu'il n'ait fait pénitence, Et qu'il ne peut avoir la couronne de France,
5 Ce roy doux et bénin, sans se montrer divers, A Rome a envoyé le prince de Nevers ;
Il n'y fut pas receu si bien comme mérite
Un prince ambassadeur d'un roy d'un grand mérite.
6 Par la nous voyons bien que l'Espagnol ligueur, Qu'à tor et sans raison il veut gagner le cœur Du pontife romain, afin que point ne donne Prompte absolution à ceste grand' couronne.
7 L'Espagnol voudroit bien la France gourmander, Mais Dieu vous sçaura bien dé ses traits nous garder En assistant le roy et toute sa noblesse
Dont nous luy chanterons une hymne d'allégresse.
8 Je vous prie, François, monstrons-nous de bon cœur, Obéyssons au roy pour le rendre vaincueur ;
C'est un roy valeureux, haut, puissant et sublime, De courage invaincu, d'une âme magnanime.
9 L'Espagnol nous transmet, force doubles doublons Pour mieux entretenir leur Ligue et union,
Pour faire assubjectir sous son obéissance
Ceux qui n'ont recongneu encor le roy de France.
10 Le gouverneur de 3Ieaux a faict un brave traict, Lorsque ces beaux doubluns il leur a arresté, En suivant son devoir il remet à son prince
La ville de JMeaux et toute la province.
11 Cela doit estre exemple à chaque gouverneur De suivre le party de nostre roy vainqueur, Lequel maugré leurs dents est leur roy légitime, Des autres surmontant le renom et l'estimé.
12 Ces traistres Espagnols ont cherché tout moyen De nous intimider par Tost Italien, Mais faire il ne le peut sans clomage et esclandre, Il luy faut des soldats pour le pays de Flandre.
15 O pauvre tiers-estat! tu porte tout le hast, Tu es tousjours folié au milieu des débats ; Tousjours les assassins se trouve dans la terre Manger ton revenu en te faisant la guerre.
14 Le pauvre paysant, mort de fain est troublé, Et le goujat bélistre est de son bien saoulé. Voilà les beaux esbats que rapporte la Ligue, Le desgats du pays par la meschante brigue.
15 Pourquoy empesehe-il que le Roy valeureux Ne soit bien obéy? Il faut en dépit d'eux
Qu'on le révère au Throsne estant bon catholique , Selon le droict divin et nostre loy salique.
16 Quoy qu'on aye trasmé, quoy qu'on aye entrepris, De l'oser massacrer il leur en est mal pris;
Dieu Ta tousjours gardé par sa saincte puissance, Il aura soing de luy par sa douce clémence.
17 II nous faut espérer que Dieu nous gardera, Et qu'enfin le Ligueur confus se trouvera ; Car son intention se déborde en tout vice, Hay^sant tout bon ordre et la bonne police.
18 Qui a faict la chanson? c'est un soldat françoU Qui a tousjours porté les armes pour ses roys. Et ores encor1 plus qu'il s'est fait catholique, Vive la saincte foy romaine apostolique!
— oOi —
COMPLAINTE
