ÉLOGE DE BAYARD
Les bourgeoys de Mézière.s aux bons capitaines et protecteurs du dict Mézihes.
1 Dieu doint honneur et longue vie Aux bons protecteurs de Mézière, Qu'ils nous ont saulvé notre vie Tant par devant que par derrière.
Ceulx qui sur nous avoient envie Ont trouvé si forte barrière, Que maulgré leur dens et leur vie Furent contrainctz courir arrière.
2 On doibt bien avoir souvenance De Bayart, Montmoreau, Boucart, Larochepot, et leur vaillance.
Bayart mordoit comme ung liepart ; Moreau rua trop par oultrance, Lorge secourt, confort Boucart.
Sans eulx le royaume de France Estoit en danger d'ung bon quart.
5 L'aigle ne sceut pas enfronter Hochepot plus forte que pierre.
Nansot ne Toza confronter; Maulevrier la brèche tint serre
Tous ensemble foirent troter Les faiilx Henouycrs de grand lierre.
Le roy les commanda f roter A Bapaulme, dedans leur terre.
4 Et faut il mettre en oubliance L'ardent et furieux couraige Qu'avoit diceulx toute aliance?
Piéton françoys disoit : J'enraige Que nous ne marchons en deffense.
Brief n'y avoit pas le bagaige
Qu'il ne voulsist mourir pour France ; Combien que soit ung dur passaige.
5 O très chrétien roy de France, Si vous sçaviez Tardent désir De batailler, et la vaillance, Les labeurs qu'ont voulu saisir Vos bons adventuriers de France, Tant qu'il en a fallu gésir,
Leur donriez quelque récompense, Se c'estoit vostre bon plaisir.
YIIT
2e CHANSON
SUR LE SIEGE DE MEZIÈRES
La Réplique des bourgoys de Mézières au comte de Nansot et à ses gens.
1 Comte Nansot, Félix, Francisque, Qui cuydés user de finesse, Fauîse nacion trop inique, Comment avez la hardiesse
Contrevenir au roi Francisque?
A dit par foy de gentilesse.
Puys qu'à luy vouliés avoir picque, Qu'il se vengeroit par rudesse.
2 Vous avez bruslé des vilïaiges Qu'à vous fut grande villenie; C'estoyent voz nutriiifz passaiges»
Pour venir en France jolie Quérir meracieux bruvaiges, Des quelz vous faisiez thère lye.
Fusfes plus sotz qu'oiseaulx vollaigfs D'avoir commis ceste follye.
5 Lors disiez que le roy couvoit, Puis qu'il ne venoit en défense, En son noble cueur concevoit La vostre folle oultrecuydance.
Contre vous guerre ne mouvoit, De sa foy n'avoit oubliance.
Quant a congneu qu'on le grevoit, S'est venu venger de l'offense.
4 Vous veniez par une couverte Commencer la marche assaillir, Avoit encoires la main verte Contre vous ne vouloit faillir.
Vostre pensée fut ouverte Dedans Mouzon, et au saillir Toute trahison fut aperte; Vérité ne peult défaillir.
5 Combien que fussiés grosse armée, Gantoys, Hespagnoltz, Bourguygnons.
Guerre de paysans amassée, Lancequenetz et Brodions.
Hennoyers, coupeurs de ramée, Vous ne valiez pas cleulx ougnons, Car vostre avant- garde affamée Eu Yain goeta tous ses canons.
G Vous ne vouliez aucun dommaige, Au royaulme de Fiance, faire ; Sembloit à vostre doulx langaige Que n'estiez motifs de l'affaire.
ITung faulx mauivais traistre couraige Vous avez faict tout le contraire. L'on se vengera du dommaige Et s'on ne vueilt comme vous faire.
7 Après que vostre aigle trop fiere Eut baUi l'air sans povoir praudre La nostre petite Mézière, Craingnant moult fort la salamandre, Elle s'envolla par derrière, Cuydant à Saint Quentin descendre.
Le blanc lyon de sa griffière Luv feit bien ses aelles descendre.
3e CHANSON
SUR LE SIÈGE DE M EZ 1ER ES
S%ensuyl une ballade.
Cbeval fauveau, au pied blanc, demy mort, Fut à Mouzon aveugle, sans voir goutte ; Honte le suyî. qui le pique et le mort Comme vieillard efféminé par soutte.
Bayart lianist et demande la joulte; Bourgoigne fuyt, l'empire est en decours, France poursuyt, boutefeux ont eu cours, Lorrayne dort, Escosse est en escoutte ; Allemans ont peur, Metz les assauts redoute, Flandres ymagine à recouvrer secours ; Les Henoyers se mutinent tousjours.
Espaignolz sont esbahiz sur tout homme; Bannys ne sont bien asseurez à Rome, Crainte conduict hors Neapolitains, Gueldres en secret fait ouvraiges haul tains. On fait à tort grand oultraige à Guyse Qui est absent : son fer trempe, aguyse; Mars brûle et art ses glaives de sang tains.
La salarnand nourrist et s'y estainct ; Quant du lyon assiz sur la terrasse Le cerf -voilant espérance conduict, De soy venger le tigre prent déduyt.
Promesse court entre France et Yenize; Pape est pensif, et Leuter prophétise.
Le Liège est tainct de rouge, espérant De faire l'aigle à Millau impérant.
L'aigle a dueil de quoy son bien expire, Mais de deux maulx fault éviter le pire. Ne veult Murger plus de florins bailler, Ne Allemans sans argent batailler.
Suysses plus prestz à manier la picrjne Que maistres aux arts recouvrer pragmatique; Navarre entend à recouvrer le sien :
Quant de la Marche on n'y entend plus rien.
En la balance est la paix et la guerre Pour en juger en mode d'Engleterre ;
Mais Luxembourg n'atend plus cpie hazart : Tel veult sans droict le bien d'autruy conquerre Qui du sien propre il pert la plus grand part.
4e CHANSON
SUR LE SIÈGE DE MEZIÈRES
Sur le chant : II n'est chance qui me retourne.
1 L'empereur a faict une armée, Monsieur de ^ansolt, lieutenant; Il a monstre qu'il est meschant, Car il ne Ta pas bien menée.
2 >ous n'yrons plus à Yalenciennes, Car l'empereur s'en est allé;
Au départir il a plouré,
Car sa bource n'étoit pas plaine.
5 Chasteau Bouchain sur la rivière, Le roy passa le pont d'Aulgny, Et là trouva ses ennemys; Il les a faict tourner arrière.
4 Millort Cambry a mis grand peine De pourchasser rappoinctement ; Nous leur donnons tresves ung an, C\st pour reprendre leur alleine.
Nous n'yrons plus à \ alencicnnes, En Fiance nous fault retourner.
Nous garnisons nous fault chercher En attendant que Testé vienne.
5e CHANSON
SUR LE SIEGE DE MÉZIÈRES
Chanson de la Folle entreprise des Henoyers , dessus le chant : Cy congé prens de mes belles amours.
1 Les Henoyers, remplis d'oultrecuydance, Se sont enjoinctz avec les Flamans , Pour venir faire le vendenger en France, Se sont partiz à tout grosse puissance Tant Barbansons, Namurois, Allemans.
Mais les dronquars, godalliers ignoraus, Du boys tortu n'ont point gousté le fruict \ Sur Henoyers les Françoys ont le bruyt.
2 Ces quenteleurs ont fait plusieurs efforts Devant Mezières sans lui livrer assault, Disant ensemble : Nous sommes les plus fors. Mais aux portes sont venus les Françoys, Sont rués jus et mortz, le cueur leur fault, Mais ung Bayart leur fist franchir leur sault. Car devant luy toute l'armée s'enfuyt, Sur Henoyers les Françoys ont le bruyt.
5 Hz ont cherchez et ne sçavent trouver Le cueur du roy très chrestien Françoys. Par leur follié ils avoient mis couveir Picquars, Normans, Beauvoisins et François Qui sont esclotz drus, puissans, prins au choix, Desqueîz de bref Henault sera destruict.
Sur Henoyers les Françoys ont le bruyt.
4 Povre Henault, regardez à Bapaulme, A Landrecy et Quesnay-le-Conte, Qui sont boutez à feu et flamme, Et n'y habite ne beste, homme ne femme. Il semble à veoir que vous n'en faictes conte ; Vous devenez avoir au cœur grand honte ; Vous enfuyés et l'armée vous suyt Sur Henoyers les Françoys ont le bruyt.
5 Sotz Henotins, laxatiques droncquars,
Vous estes dignes que l'on vous maine paistre. Ne craindés vous ne Françoys, ne Piquars ? j\'estes-vous pas bien glorieux coquars, De vous jouer ainsy à vostre maistre Qui a puissance de vous tous à mort mettre Et de voz biens prandre ce qu'il luy duyt? Sur Henoyers les François ont le bruyt.
6 Marchez, truans, le passaige est ouvert, Venez en France pour requérir voz veaulx ; Vostre grand orgueil est assez découvert, Povres sotars, vous estes prins sans vert. Nus et bastuz, on vous fera la moue ;
Tout est perdu, le roy de vous se joue, Pour réconfort tout le peuple s'en rit. Sur Hanotins les Françoys ont le bruyt.
7 Où est vostre prince, qui estoit si vaillant? .le croy qu'il couve des sotz à la fumée. 11 est allé faire son ny à Gancl ; %
O quel honneur pour prince sy puissant D'abandonner de sy loing son armée!
Il a rayson, car il craint, la trouvée Du bon Françoys dont tout honneur reluyst. Sus, Hanotins î les Françoys ont le bruyt.
6* CHANSON
SUR LE SIÈGE DE MÉZIÈRES
Chanson nouvelle sur Madame a reçu le bont =
1 Parlons du comte de Nansolt
Et de sa grand folye ; Il s'est monstre ung très-grand sot Devant Mézières la jolye ;
Avoit cinquante mille Tous Hanouyers et Allemans;
2 Le roy catholique l'envoya A Mesière mener la guerre ; Le qu'il fist il se y en alla Pour cuyder grand honneur acquerre.
II n'y avoit nulz gens dedans ; Les Bourguignons s'en vont fuyant.
5 A Cedam point ne s'arresta
Au-devant vouloit mettre le siège Car certes trop fort le trouva ; Demandez-le à ceulx du siège Qui a bien souvent payé le paie Au cul d'une prison dedans; Les Bourguignons s'en vont fuyant,
A Quand fut sans ce déclairer Au Françoys à mener guerres Mesière est venu assiéger Où il trouva des gens de guerres.
Et luy, pensant t son affaire, S'en est fuy comme meschant ; Les Bourguignons s'en vont fuyans.
5 Du roy estoit le lieutenant Monsieur de Bayàrt, dans la ville, Lequel c'est monstre bien vaillant Pour leur garder la bastille.
La Rochcpot point je n'oublye, Et Monmoreau, Bayart et ses gens ; Les Bourguignons s'en vont fuyans.
6 Celuy qui a fait la chanson, Il est du pays de l'empire ; Jamais ne fut en sa maison :
Aussi son cas trop fort empire Il a composé tous ces chantz.
Les Bourguignons s'en vont fuyans.
