DU RENCONTRE DE LARMEE DU ROY AVEC CELLE DU DUC DU MAYENNE

Sur le chant :

Pontoise, afin que l'adveiiir, etc.

1 Le troisiesme jour de mars Se sont trouvez par hazards Le roy et le duc du Mayne Dans une campagne pleine.

2 Pour dire la vérité,

Monsieur du Mayne a faict assez ; Mais ceux du roy de Navarre Les ont renversé par terre.

5 Se voyant les ennemis En bataille se sont mis :

Pour ce jour là d'une gloire Perpétuer la mémoire.

4 Mais Dieu, qui est favory A ce puissant roy Henry, A bien voulu la ruyne De ceste Ligue mutine.

5 Quand par ses faits glorieux A rendu victorieux

Ce preux Henry debonairc Roy de France et de Navare.

6 Le Roy vint fort en bon point, L'espée royale au poing,

F râper d'une grand' furie Dessus la cavallerie.

7 Et monsieur de Montpensier Qui s'en vint d'un cœur bien fier Frapper d'un brave courage Dessus ces Ligueurs volages.

S Et le mareschal d'Aumont, Le sieur Givry et Byron, Et la noblesse de France, Leur ont passé sur la panse.

9 Lors le comte d'Aiguemont,

Escrioit a ces Vallons :

Pour Dieu, sauvez ma cornetle,

Qu'elle ne soit point desfaitte.

10 Se voyant bas estendu :

Las, dict-il, je suis perdu, Yoila la fin de ma guerre, Yray Dieu, le pauvre salaire!

11 Les Suysses et Lansquenets, Comme aussy les Albanois.

Crioyent les genoux en terre :

Vive le roy de Navarre !

12 Les François Ligueurs vaincus, Vers ce bon roy sont venus Demander miséricorde;

Ce grand roy la leur accorde.

13 Quant à ces Ligueurs mutins, Larrons, meurtriers, inhumains :

Le Seigneur par sa puissance.

Les a mis en grand souffrance.

14 Nostre Roy très débonnaire, Voyant ses haineux par terre, Alors il fit sa prière

Que Dieu ne mit en arrière.

15 Prions donc Dieu à recoy Qu'il fasse florir le roy, Afin que bien nous regUsc Et la paix sous luy florisse.

16 Près de Dreux cela fut faict.

Les Ligueurs furent defaicts :

Près de Dreux celle journée, La bataille fut livrée.