PARIS

8 Mon Dieu, ayez pitié

De vostre pauvre France, Vous priant d'amitié Pardonner les offenses Au peuple sans doubtance, Qui est du tout ruiné, Tous priant d'espérance Nous vouloir pardonner.

9 Ne permettez aussi Que tous ces hérétiques, Qui sont hommes transis , Suppôts des politiques, Veulent par l'hérésie Abolir nostre loy, Faisant par tyrannie {Mourir gpns de fov.

10 L'exemple et le fait

En est bien d'apparence, Le monstrant par effet Au royaulme de France, En la ville nostable, Grand cité de Paris.

Ils ont fait exécrable Mourir homme de pris.

11 Est-ce par cruautez D'affamer ceste ville?

Est-ce par cruaulfez

De prendre aussi les vivres ?

Et puis par leur grand ire Faisoit coutelacer Ceux qui les apportoit ; Ils estoient massacrez.

12 Las! ils ont fait mourir, Dans Paris, noble ville, Et de faim fait languir Hommes, femmes et filles, Encor plus de dix mille, Sans les pauvres enfans

Qui mourroient aux mamelles De mères languissants.

CHAINSOiN DE LA LIGUE.

1 Si pour vivre heureux et content Il faut renoncer à la Ligue,

S'il faut estre aussi inconstant En la foy que le politique; Sus, sus, faite-moy donc mourir, Il n'est que de mourir martyr.

2 S'il faut enfin faire la paix Avec les frelus et maheutres, Et s'il faut estre désormais Entre Dieu et le diables neutre, Sus, sus, faites-moy donc mourir, Il n'est que de mourir martyr.

5 Si pour roy il faut recevoir Un prince qui est hérétique Et fait la guerre à son pouvoir Contre l'église catholique, Sus, sus, faictes-moy donc mourir, Il n'est que de mourir martyr.

4 S'il faut que la noblesse soit Du party de la tyrannie,

Quand même !c tyran voudroit Planter en France l'hérésie, Sus, sus, faictes-moy donc mourir, Il n'est que de mourir martyr.

5 S'il faut voir en France preschcr Partout de Calvin l'hérésie,

Et s'il faut veoir aux pieds fouler Le Saint-Sacrement de l'hostie, Sus, sus, faictes moy donc mourir, Il n'est que de mourir martyr.

6 S'il faut que les prédicateurs Catholiques quittent la chaire, N'osans plus reprendre les mœurs JNy faire aux ministres la guerre, Sus, sus, faites moy donc mourir, 11 n'est que de mourir martyr.

7 S'il faut souffrir de profaner Les bénéfices de l'église,

Les vendre, acheter et troquer, Comme si c'estoit marchandise, Sus, sus, faites-moy donc mourir, Il n'est que de mourir martyr.

8 S'il faut veoir les gens mariez Tenir les plus beaux bénéfices, Lt aux putains estre donnez Pour le loyer de leurs services, Sus, sus, faites-moy donc mourir, Il n est que de mourir martyr.

S'il faut acheter chèrement De la justice les oflices,

Et vivre après cola du vent

Ou bien de pvéséns et d'espices,

Sus, sus, faites-moy donc mourir, Il n'est que de mourir martyr.

10 S'il faut qu'en justice faveur, Plus que le droict ait de puissance, Que le meurtrier trait re et voleur Ne soit puny de son offence,

Sus, sus, faites-moy donc mourir, Il n'est que de mourir martyr.

11 S'il faut que la corruption De tous estatz on continue, Et des abuz l'invention

Soit lousjours en France receue, Sus, sus, faites-moy donc mourir, Il n'est que de mourir martyr.

12 S'il faut que la réunion

Que demandent les Politiques Soit mise à exécution, Adieu, c'est faict des Catholiques.

Sus, sus, faites-moy donc mourir, Il n'est que de mourir martyr.

15 Lorsque les Catholiques François Seront par le roy de Navarre Traictez comme sont les Ànglois Par la Jezabel d'Angleterre, Sus, sus, faictes-moy donc mourir, Il n'est que de mourir martyr.

14 Mais si, cornu e Henry de Valois, Tyran cruel et sanguinaire,

Aussi le tyran navarrois Reçoit des tyrans le salaire.

Je veux alors me rejouir De veoir la Ligue refleurir.

CHANSON NOUVELLE