PISANT ADTEU A SON PERE ET A TOUS SES AMYS

Et se chante sur le chant de :

Vienne qui pourra venir, il ne m'en chault quoy ne comment.

1 Adieu, mon père, mon amy, Adieu le noble roy François; Donné vous m'avés un mary, Le prince et roy des Escossois.

Aller m'en fault à ceste fois

Hors du païs, Puisque m'avés donné mary.

2 Adieu mes frères et amis, Adieu vous dis piteusement Les regretz que j'ay à celuy Qu'on a fait mourir meschamment, Croies tout véritablement,

Je vous le dy, Plus de mille sont mors pour îuy.

5 \ dieu Orléans, adieu Blois, Adieu Rouen, adieu Paris, Genlilz homes, nobles bourgeois, Toute là fleur de noz amis.

Aller m'en fault à ceste fois

Hors du païs, Puisque m'avez donné mary.

4 Adieu jeunes dames de choix, Adieu demoiselles de pris ; Chanté avons à aulte voix Maintes fois parmi noz amis.

Maintenant entrez en souci,

Puisque m'en vois, Adieu vous dy à ceste fois,

5 Aller nous convient par la mer Et passer parmi les Anglois ;

Il y peult avoir du danger Car elle est rude aucune fois.

A Dieu me confie toutes fois,

Yoilà le sy, Et au roy qui est mon mary.

6 Les regretz que j'ay au païs D'aller parmy les Escossois, Je n'y entents mot ne demy, Sinon de parler bon François.

Quant je y pense maintes fois,

Je ditz ainsi Adieu mon père et mon amy.

7 Je prie à Dieu de paradis Qu'il veuille apaiser la fureur,

Que tous royaumes soient unis; Qu'il vueille amodérer le cueur Du roy de France et l'empereur,

Soient bons amis !

Dieu nous doint à tous paradis.