LA SOMMATION D'ARRAS

Allons faire une aubade, Souisses et Françoys, Allons cbeminons rade, Criant bault le boys!

Allons et despaichons :

Le temps d'esté approche, Donnons des esveillons, Faisons sonner la cloche.

Faisons sonner la cloche, Allarme et allassaull !

Si ferons grant reproche Au pays de llHiault.

2 Prenons tous bon couraige, Et combatons de cueur; Faisons maintenant (raige), Nulz de nous n'aye peur.

Le noble roy Francoys Le pais si nous donne; Vestons noz blancs harnois Malgré qui qu'en grogne.

Menons l'artillerie Pour dancer à plaisir Une très grant frerie, Fêtons devant partir.

5 Le faulx conte de Flandres Ne scait où reculer, La noble Salamandre S'en va pour l'aculler.

Il a dit de nous tous Que faisons la couvade ; Maintenant sommes esclos Dont il est fort malade.

Il a la coqueluche Dieu le vueille tuer Dont a mys son ausmucbe Pour tousser et huer.

4 Rens toy donc, Valenciennes, Rens toy subitement, Ou tu souffriras peine Et très cruel martir. Rendez vous tous, banis, Au noble roy de France.

De crier sainct Denis Chacun de vous s'avance.

Ayez en vous mémoire Les faicts du roy Françoys ; De vous aura victoire, Si Dieu plaist ceste fois

Arras, bien te souvienne

Du roi Loys passé,

Avant que Sainct-Jehan vienne

Tu seras trespassé.

Se ne te rens de cueur

Je pariray ta perte;

Tu n'es point trop asseur

La chose est trop apperte.

Sainct Orner compaignie

Et Douay leur tiendront ;

Et à ta confrairie

Ensemble danceiont.