TOURNES1S

La guerre a faict maintz orphelins mendis.

Je la mauldis du père souverain,

En la parfin quant Tournay je rendis,

ix mois ou x fus je veillant tousdis;

Et ce tandis quasi mourant de faim;

Paille ne grain n'euz demy an tout plain,

Loing fus du pain, prochain de grand dangier ;

Trop est bastu qui n'a de quoy menger.

PICARDIE

Trop est bastu qui n7a de quoy manger.

Au vray juger expérimenté le ay ;

Je vidz mes bledz dessus Teaue chergier

Et m'eslogner pour pays estrangicr,

Par nauffragier que oncque si n'en pariay,

Lors tant alay et tant dissimulay,

Que je branslay de faim parmy la rue;

11 est bien fol qui le sien au loing rue.

TOURNESIS.

Il est bien fol qui le sien au loing rue. Chose perdue a dangier recouvre on ; Par point avoir ma besongne preveue, J'en ay veue ma maison mal pourveue, Et moy en mue en estroite prison.

Ceste saison, sans reigle et sans raison, Du mal foison euz par famine de guerre ; A double assault on ne peult durer guerre.

PICARDIE

A double assault on ne peut durer guerre. Guerre tient serre et famine est faillie ; Le Dieu du ciel, que chacun doibt requerre, Pour grâce acquerre a faict porter la terre, Plus ne fault querre ailleurs grain ne paillie; Oultre Saillye ay esté assaillye De maladie et de mort en la fin ; En la queue gist tousjours le venin.

TOURNESIS.

En la queue gist tousjours le venin.

Dieu tout begnin nous reçoive à mercy,

Si j'ay esté bastu comme ung matin,

Soir et matin vous n'avez du butin,

Pas eu bustin dont nul soit enrichy ;

Ne ceulx aussi dont je suis prins ainsi, ^

Dueil et soulcy n'est que ung cri général ;

Chascun se plaint selon qui sent son mal.

PICARDIE

Chascun se plaint selon qui sent son mal. Le principal est de prier Jésus Qu'il mette en paix par amour libéral, Le sang royal, fin que, au point final,

Eu bniyt royal nous soyons remis sus; Car se les jus de guerre sont mis jus L'amer vert jus de peste enfin faudra; Il n'a pas pieu tout ce qu'il plouvera.

TOURNESIS.

Il n'a pas pieu tout ce qu'il plouvera. Ung jour venra que serons exaulchiez, Celuy qui bons et maulvais jugeras, Quant luy plaira son yre adoulcyra Et mettra en hault les tresbuchiers, Trop mal couchiez sommes et courrouchiez ; Par les péchez dont le monde est honny; II n'est meffaict qui demeure impugny.

PICARDIE

Il n'est meffaict qui demeure impugny.

Dieu tout uny fera quant à ce pas,

Que feront donc ces reignieurs icy,

Ne cil aussi qui l'autruy pille ainsi,

Sans droit, sans sy, sans reigle et sans compas,

Ne voit-on pas tout marcher le faulx pas.

En tous estaz on ne voit que douleurs;

Les jours passez sont tousjours les meilleurs,