SUR LA PRISE DE BOULOGNE
Pour toy ton prince, hélas ! povre esgarée, Souffre beaucoup de travail et nuysance ; Mais que d'orgueil tu ne sois emparée , Il te rendra sous son obéissance.
A grand malheur t'a pris en alliance Un étranger par trahison congneue ; Mais à grand heur, pour reparer l'offense, Reçoy ton roy au moins à sa venue, (bis.)
Sîit un autre chant.
Réveillez-vous, réveillez, Boulongnois ; Ne songez plus, chascun vienne en personne Pour recevoir Henry, roy des Franeoys.
{foriez, canons, tant que l'air en raisonne;
Phifres, tabours et trompettes qu'on sonne, Avec le bruyt de tout bon instrument, Et ne pensez qu'en tout esbatement, Dancez, ballez, rages, saillés,
N'ayez soucy,
Ne crainte aussi.
lre CHANSON
SUR LE SIÈGE DE METZ
Chanson nouvelle, composée par un souldart faisant la centinelle
sur les rampa rs de Metz, et se chante sur le chant :
Les Bourguignons mirent le camp, etc., ou Les regrets que j'ay
de m'amye, etc.
1 Le mardi devant la Toussains Est arrivé la Germanie, A la belle croix de Messens, Faisant grande escarmocherie :
Mais les François de chère hardie Au-devant d'eux s'en sont allez ; C'estoit pour rompre leur folie De recognoistre en noz fossez.
2 Double canons il ont menez A la belle croix dessus dite.
Pour batre le palais de Metz, Les grans églises et petites :
Mais ilz ont trové les reliques Aux Carmes, et aux Cordeliers De deux pièces d'artillerie, De quoy on les ha saluez.
3 Le samedy, jour en suivant, Est retournée la Germanie, Les Espagnolz, Italiens;
Le duc d'Albe et sa compagnie Se sont campez en l'abbaye De Saint- Arnoult près noz fossez :
C'estoit pour assiéger la ville, Et la bastre de tous costez.
4 Hz ont fait faire gabions, Mener canons en abondance ; C'est pour batre nos bastillons, Nos rampars, murailles, défenses.
Tranchées par bonne ordonnance, Ils ont fait touchant noz fossez, Pensant prendre soudarts de France Et la noble ville de Metz.
o Monsieur de Guise est dedans Avecques beaucoup de noblesse ; De Vandosme les deux enfans, De Nemours plein de hardiesse :
Le seigneur Strosse sans cesse Se promenant sur les rampars, Nuit et jour plain de grand adresse, Faisant Metz fort de toute pars.
6 Et monsieur de Montmorency, Aussi le vidame de Chartres, Le vieil gendarme Saint-Rhemy, Nuit et jour cherchant dans les caves,
En escoutant sut' les murailles L'ennemy qui nous veult miner.
Mais il leur ha donné la haie, Car les ha contreminez.
7 Vingt et deux pièces ont amenez Tout auprès de noz faulces braies, De quoy ilz nous ont canonez La tour d'Enfer et noz murailles, Faisant des bresches assez larges Environ cent pas pour le moins, Mais ilz n'ont pas eu le courage De venir combattre François.
2e CHANSON
SUR LE SIEGE DE METZ
1 Le dernier mercredy de Tan, François ont fait une sortie Dessus les pouvres Alemans, Gens de pied et cavalerie,
Se rencontrant au hault des vignes, Tirant au camp de Barbanson ; Et là jouèrent à l'escrime, Dont TAlemant n'eut pas le bon.
2 Quand les Allemans ont cogneu Qu'ilz n'ont que rompu la muraille, Leurs munitions despendu,
Et mangé toute leur vitaille,
Ils ont dit à monsieur d'Espagne :
Retirons-nous en noz païs, Dedans les terres d'Alemagne, Afin qu'au printemps n'ayons pis.
5 Pour conclusion ont levé De devant Metz l'artillerie.
Et tout leur camp ont fait marche, Qui leur est grande moquerie.
Le noble seigneur de Guise Sur la queue leur feit aller Grand nombre de cavalerie, Pour leur apprendre à cheminer.
4< Et toy, marquis de Brandebourg, Ailleurs te faut jouer ta chance.
Retire toy dedans un bourg, D'entrer à Metz n'aye fiance, L'on ha bien cogneu ta meschance, La croix blanche avois chargée :
C'est pour tromper le roy de France, Sans jamais l'avoir méritée.
5 Empereur, tu peux bien plorer, Prendre tristesse et doléance, D'avoir perdu si beau merœer, Chemin et passage de France.
Tu as bien cogneu la puissance Du roy Henry asseurément.
Des quatre villes de l'empire, La plus belle tient maintenant.
6 Celuy qui ha faict la chanson Est un souldart, je vous asseure, Estant en Metz en garnison, Nuit et jour coucher sur la dure,
Endurant aux pîedz grand1 froidure, Voyant les ennemys si près, Luy souvenant de son amie, Pensant ne la revoir jamais.
3e CHANSON
SUR LE SIEGE DE METZ
Chanson faicte sur le département du camp de l'empereur de devant
la ville de Metz, et des grans prouesses des nobles Françoys
de dedans ladicte ville; sur le chant :
Que peult on dire en France du camp de Luxembourg.
1 Que peult on dire en France De la ville de Metz ;
Il y a grand'puissance De fort nobles François Qui jamais ne s'estonnent De voir gens de Bourgongne Campez tout à l'entour.
Et mesmes en personne Ils font force besongne Du marquis Brandebourg.
2 Des trois parts de la ville Ils nous ont assiégez, Qui est une chose ville, Sans assaultz nous donner.
Car les trais très infâmes Entendent bien leurs games
Par force d'espions.
Et. mesme le duc d'AIbe, Qui meine l'avant garde Pour faire trahison
3 Le noble duc de Guise, Lieutenant pour le roy, Il entend bien la guise De faire son debvoir Avec ses gendarmes ; Leur donnant force allarmes Tant de jour que nuict,
Et devant qu'il se couche Leur faict faire escarmourche Pour leur donner ennuy.
4 Monseigneur d'Anguian, Prince de grand renom, Vrai chevalier errant , Cherchant les Bourguignons , Il est party de France ,
En grande diligence , Pour combatre hardiment, Et avec grant vaillance A donné coups de lance Contre les Allemans.
5 Le prince de Condé , Il y prent grant soûlas, Le scait bien seconder A coup de coustellatz.
Car d'une grand'furie Ils font, je vous affie, Chascun à leur costé, En bonne compaignic
Jusques à l'artillerie
Les Bourguignons trotter.
6 Le prince de La Roche Il est fort diligent,
On n'a point peur qui cloche, Ne lui ne tous ses gens; Car luy mesme en personne Faict faire la besongne Des rempars et trenchées ; Et sans fin il travaille Du long de la muraille, Sans point estre fasché.
7 Monseigneur de Nemours, Qui est preux et vaillant, Avec sa compaignie, Aussi son lieutenant,
Ils font force sorties D'une chère hardie Dessus ses Allemans ; Lesquelz n'ont pas puissance De faire résistance Contre si vaillans gens.
8 Le seigneur duc Orace , Prince de si grand pris,
Le grand-prieur de France, Monseigneur le marquis, Tous trois d'une alliance, Ils donnent coups de lance, Acquerans bruit et los ; Et n'ont point de doublance De faire résistance Contre ses Espagnolz.
9 Le seigneur Pierre Estrosse, Vaillant comme un César, Jours et nuictz aux aproches Faisant faire rampars, Pour mettre artillerie A faire baterie Contre ses ennemis ; Car jamais ne s'ennuie De prendre grant envie, Jusque ilz soient à mort mis.
10 Monseigneur le vidame, Donnant cueur aux souldars, Faict sorties extresmes
En plusieurs lieux et pars ; Avec ses gentilz hommes , Grans coups de masse donne , Combattant vaillament, Et faict, je vous affie, Jusques à l'artillerie Fuir les Allemans.
11 II y a tant de noblesse Dont je ne scay le nom , Vaillans , plains de prouesse, Seigneurs de grand renom ; Les fils du conestable , Hardiz et redoutables, Acquérant bruit et los.
Souvent leur prent envie
De faire des sorties Contre les Espagnoîz.
12 Quant à la fanterie
De tant nobles soldars,
Ils font, je vous affie, Leurs ennemis couars ; Car tous leurs capitaines , Lieutenant et enseignes , Ils ont le cueur si hault Que jamais ne se faignent De recepvoir l'assault.
VTII
U* CHANSON
SUR LE SIEGE DE METZ
Chanson nouvelle des bourgeois et marchands de Metz, sur le chant : Peronne sur le Sonne , etc.
1 On va partout disant, Par le païs de France, Que Metz se resjouit Et vit à sa plaisance De veoir ceste croix blanche, La noble fleur de lys.
Ce joly temps d'esté, Verrons le roy Henry.
Vive le roy et monsieur le Daulphin, Et toute l'alliance Du roy des fleurs de lys.
2 Les bourgeois et marchans De Metz, la bonne ville, Ils sont tous resjouis
Et ont faict entreprinse :
C'est de faire un présent Au noble roy Henry, Pour tousjours soustenir La noble fleur de lys.
Vive le roy et monsieur le Daulphin, etc.
3 Les Allemans ont dict Au noble roy de France :
Sire, nous sommes à vous Pour faire voz plaisances; Nous allons à la guerre, Voulons vivre et mourir, Soustenant la querelle Du noble roy Henry.
Vive le roy et monsieur le Daulpbin, etc.
4 Quant monsieur de Vandosme A veu la fanterie,
Dit à monsieur de Guise :
La belle compagnie !
Ce sont tous bons souldars Qui sont de grand valeur; Hz repoulseront bien Les gens de l'empereur .
Vive le roy et monsieur le Daulpbin, etc.
Qui a faict la chanson Do Metz , la bonne ville?
Un enfant de Lyon, Menant joyeuse vie; Avec sa doulce amie Prenant son passetemps.
Il ne s'en soucie mie S'il ne revient de Tan.
Vive le roy et monsieur le Daulphin , Et toute l'alliance Du roy des fleurs de lys.
TX
5e CHANSON
SUR LE SIEGE DE METZ
Chanson nouvelle sur la prinse de Goze, Metz; sur : Retirez -vous, etc.
i Tremblez, Metz et Lorraine, Hanoyers et Flamans, Car le bon roy de France, Avec ses nobles gens, De Paris est party Pour aller en Lorraine, Estant avec luy (bis) Ses princes et capitaines.
2 En une terre neutre Le roy est arrivé ;
Devant une abbaye, Goze se fait nommer, Où estoient Espagnolz Qui ne se vouloient rendre ; Furent tous mis à mort (bis) Par les souldars de France.
3 De l'abbaye de Goze Le roy s'en est allé A une ville forte, Metz se fait appeler.
Et puis la feist sommer, Par un hérault de France, S'ilz se vouloient tourner (bis) Et faire obéissance.
4 Les bourgeois et gens d'armes De la ville de Metz
Furent d'une aliance Ne se rendre jamais , S'ilz n'avoient le canon Pour battre leurs murailles :
Mais leur rébellion (bis) Ne leur valut pas maille.
5 Monsieur le Conestable En estant adverty,
Qui faisoit l'avant garde En fut tout resjoui.
Tôt les vint assaillir De canons et bombardes, De par le roy Henry, (bis) Pour leur livrer bataille.
6 Quant ilz ont veu par ordre Le canon affusté,
Criant miséricorde Par dessus le fosséz, Tenant l'enseigne au poing, Criant tous vive France , Vive le roy Henry (bis) Et toute sa puissance.
7 La douxiesme journée Du joly moys d'avril Que Metz fut retournée Au noble roy Henry, Le Conestable entry Dans Metz, ville gaignée ; Le lundy ensuivant
Le roy fist son entrée.
8 Qui feist la chansonette D'un si très plaisant son, Fut un souldard de France Estant en garnison
Dans Metz, ville de nom, Au pays de Lorraine, En mangeant du bacon Auprès d'une fontaine.
CHANSON
SUR LA BATAILLE DE RENTY
1 Branlez vos picques, soldats ,
A cheval tost, mes gensdarmes ; Boutez feu en toutes parts.
Branlez vos piques, soldats, Qu'on se mette tous en armes, A cheval tost, mes gensdarmes.
2 Allons donner les alarmes Au camp de nos ennemis, Enflez vos cœurs, mes amis.
L'ennemy trop fait l'horrible, Que d'une fureur terrible Soit à sac au plutôt mis.
5 Enflez vos cœurs, mes amis, A mont, à mont, à l'estendart! (bis) N'atendons plus, il est trop tard; Mars nous fait jeu, bien je l'entends , Donnons le choc, il en est temps; Et tellement que cette race, Qui contre nous trop fort embrasse; Soit mise à mort tellement
4 Qu'il en demeure un seulement, Duquel honneur ceste victoire Enrichira nostre mémoire.
Sus dune, prions nostre Sauveur Nous y donner telle faveur Que le tout soit fait à sa gloire.
