DU MARIAGE DE MONSIEUR LE DAUPHIN' ET DE LA ROYNE D'ESCOSSE

Sur le chant des Bouffons.

' Dois tu pas estre aise, O peuple escossois, D'estre en l'obéissance Du petit roy Françoys !

1 Peuple escossois, Ne sois plus en esmoy, Car tu as maintenant

Un bon prince et bon roy ; C'est François de Valois, Le filz du roy Henry, Qui pourtera le sceptre Semé de fleurs de lys.

Dois tu pas, etc.

2 C'est à votre royne, Blanche comme le lys, Que le bon roy de France A marié son filz.

En grant triomphe Et honneur prefis Dedans la grande église Rostre-Dame à Paris.

Dois tu pas, etc.

2 Quand viendrent à l'église Pour estre espousez, Le bon prince de Guise Marchoit tout le premier.

C'estoit pour donner ordre A tous les assistans, Et voir le roy d'Escosse En aage florissant.

Dois tu pas, etc.

4 Après marchoit en ordre Le noble roy Henry,

Et noble Katherine, Royne des fleurs de lys, Menant la noble royne Dame des Escossoys, Pour la donner à femme Au second roy Françoys.

Dois tu pas, etc.

5 Au partir de l'église, Le noble roy Henry

Et tout le sang de France Sont venus avec luy, Pour conduire l'espouse Blanche comme le lys En la salle royal le Du palais de Paris.

Dois tu pas, etc.

6 L'an mil cinq cens Avec cinquante et huit,

JYostradamus L'avoit très bien préd*t,

Que nopee royal le En France viendroit, Qui sont apparente Du second roy Françoys.

Dois tu pas, etc.

7 Chantez donques louanges Tous nobles Escossois, Au grand Dieu des anges De vostre roy Françoys, Qui, par mariage, Vostre royne a doué

De son florissant aage Et sa grande beauté.

Dois tu pas, etc.

8 Qui la chanson a faicte, Du second roy François Et de la noble royne Dame des Escos9ois, Ce fait appeller Chantre Par nom en ses escrits, Priant Dieu pour son prince, Le roy des fleurs de lys.

Dois tu pas estre aise, O peuple Escossois, D'estre en l'obéissance Du petit roy Françoys.

CHANSON NOUVELLE