SUR LE MASSACRE DE VASSY

Chanson à la louange, de monsieur de Guy se, el du discours

fait à Vassy, sur le chant :

Nous aurons un nouveau roy, très-beau par excellence.

1 Honneur et salut à Dieu Et au roy nostre sire, Qui nous a en ce bas lieu Si bien gardez de Tire

Des Huguenaux

Remplis de maux, Qui nous vouloyent occire;

Un jour viendra

Qu'on les fera ïrestous crever de rire.

2 Nous avons un bon seigneur En ce pays de France, Et prince de grand honneur, Vaillant par excellence,

Et très-humain, • Doux et bénin, C'est le bon duc de Guise :

Qui, à Vassy,

Par sa mercy, A défendu l'Église.

5 Le premier jour du moys de mars, Qui estoit le dimanche, Les Huguenaux de toutes pars Se mirent en une grange,

Pour y prescher

De manger chair, Quatre-temps et caresmes,

Et du lard gras

Comme les rats Quand ils se trouvent à mesmes.

4 Ainsi qu'à la messe estoit Le bon prince de Guise, Que le prestre se vestoit Pour chanter à l'église, Les Huguenaux, Infaits crapaux,

S'en vont sonner la prcsehe Qui, en ce lien, Service de Dieu Et saincte Église empeschent.

5 Monsieur de Guise parla, Et dit aux gentilshommes :

Allez-vous-en jusque-là, Et leur dit en somme

Qu'ils ayent un peu

Dedans ce lieu Un peu de patience,

Pour rendre à Dieu,

Grâce et honneur Et aussi révérence.

6 Mais ces Huguenaux mauldits

Ont fait tout le contraire, Ont respondu par leurs dits Qu'ils n en avoyent que faire.

Ils ont frappé

Et molesté Ces nobles personnages :

De leurs canons

Et leurs bâtons Ils leur ont fait outrage.

7 Monsieur de Guise y alla

En grande diligence, Qui de tous ces méchans-là A bien prins la vengence;

Il a tué La plus part de leur bande;

Et les laquests

Par leurs conquests Ont montré chose grande.

Prions à Dieu de paradis Qui nous donne la grâce Que nous soyons en luy unis En despit de leur race;

Qu'au ciel très-hault

Sans nul défaut t, Soyons avec les anges;

Que nostre esprit,

A Jésus-Christ Tousjours rende louanges.

CHANSON