SUR LA REMONTRANCE A EUX FAITE
Sur le chant :
De la guerre faicte par l'Empereur au Turc.
1 Nostre pauvre Rochelle Que tenons maintenant, Une guerre mortelle
A soustins bravement :
Encore elle fleuronne Soubs les noms des Vallois, Pour eux et leur couronne, La tiendrons ceste fois.
2 O noble roy de France, Henry de grand valeur, En toute révérence
Te tenons pour seigneur.
Oubliant les ravages Et assaults périlleux, Nous te faisons hommage Comme vrais serviteurs.
5 Si n'eust esté, cher sire, Qu'aux Rochellois on dit, Qu'on les vouloit destruire :
Sans aucun contredit,
La ville eussent rendue En vos mains d'un bon cœur, Et n'eussent soutenue Des assaults la fureur.
4 Si nous faisons la garde, Nous avons bien raison, Et à nous prendre garde De peur de trahison :
Pour vous et pour les vostres Les gardons d'un bon cœur, Et des volontés nostres Tesmoing est le Seigneur.
5 Munitions de guerre Avons pour seureté,
Sur les murs devers terre Et de l'autre costé :
Tirant sur la marine,
Y a doubles canons, Et bonne coulleuvrine
De quoy nous deffendons.
6 N'y a homme en cest estre, Habitant en ce lieu,
Qui ne désire d'estre, Sire, à vous serviteur.
Gardant sur toute chose De son roi les esdicts, A l'advenir propose N'y mettre contredicts.
7 Ceste ville et place, C'est bien le plus fort port Où nefs de toute place
Y viennent faire apport
De maintes marchandises, De loing viennent à foison :
Sire, ce n'est la guise, La perdre sans raison.
8 II nous desplait, cher sire, De voir tant de travaux Dans France en tel martire Plaine d'infini maux.
C'est trop tenir les armes Au gré de pauvres gens ; Retirez -vous, gensdarmes, Jureurs et maugréans.
9 Tous habitans de France, Tant nobles que vilains, Ne crains- tu la puissance Du sauveur des humains, Que tu veux faire guerre Contre ton prince et roy?
J>T est-il pas Dieu sur terre?
Malgré toy c'est la loy.
10 À vivre en paix tranquille, Cela nous demandons,
De prescher l'Évangile, A nul mal ne faisons; Estant l'un avec l'autre, Chascun d'un bon accord, Le Seigneur nostre, et vostre, Et nostre dernier port.
11 Pour icy la fin faire, Sire, nous concluons, Sans jamais nous deffaire, Serviteurs nous serons,
En toute obéissance Vous tenons nostre roy, Roy de Pologne et France, Nous vous jurons la foy.
CHANSON NOUVELLE
