DE LA PR1NSE DE LA CHARITÉ
Sur le chant : Dames d'honneur, je, etc.
1 O Charité, ne dois être nommée, Car perdu as toute ta renommée, Contre ton Dieu, et ton roy Tes bandé : Et comment, tu luy voulois commander,
2 Quoyî pensois-tu vivre en ceste sorte, Faisant venir gensdarmes à ta porte, Faisant venir artillerie et canon?
Mais aussi bien tu as eu ton guerdon.
5 Car le mardy d'avril le huictiesme, Monsieur ayant envoyé le jour mesme, C'est pour savoir leur bonne volonté, Et s'ils vouloient rendre La Charité.
A Eux ont respondu que jeslois bien gardée/, Et qu'il y vint avec son armée; Incontinent, monsieur y est arrivé Et son armée, qui bien les a estonnez.
6 Voicy arriver le comte Marti nengue, Aussi Monsieur lui faisant une harengue, Tout quant et quant a fait ses gens armer, Et de furie une place ont gaigné.
6 Monsieur le comte combattoit à puissance, Et les soldats allans d'une allégeance ;
Ils ont gaigné la cheveîine du pont, Où ils avoient posé leurs gabions.
7 Hélas! ils ont choisi ce noble comte, Mesme Payant osté de nostre conte, Et d'un mousquet droit à luy ont tiré, Droit à l'espaule, dont il est trespassé.
8 Pour tout cela n'avons perdu courage, Car dessus eux avons eu l'avantage, Mesme est venu le seigneur de Biron, Qui dessus eux descharge ses canons.
9 11 a commencé à saluer la ville,
Et eux entrant en une peur terrible, Et le mardy vingtiesme dudit mois Ils sont entrez encor' en grand esmoy.
10 Monsieur de devers, aussi le duc de Guise, Ils les ont saluez d'une telle furie.
Et incontinent ils se sont avancez, Dans la contrescarpe ils les ont deschassez.
11 Voyant cela, ils ont perdu courage, Considérant n'avoir pas l'avantage, Mesmes estans battus de tous costez, Ne se pourvoyent nullement remparer.
12 Estant saisis d'un grand peur extrême, Tous les soldats et tous les gentilhommes, Et eux cherchant les lieux pour se cacher, Mesme à grand peine ne le prouvant trouver.
13 Près de deux jours dura cesîe musique, Et entre nous chacun se communique, Et eux voyant deux arcs rompus du pont, D'artillerie et de sept gros canons.
14 Subitement gentilhommes s'assemblent Et les soldats pour deviser ensemble, Prier Monsieur qu'il les print à mercy, Et ne jamais porter armes contre luy.
15 Ce que à eux Monsieur ne le refuse, Que les soldats s'en iront sans arquebuse, Et les gentilshommes avec leurs chevaux, Qu'ils s'en iroient sans leur faire aucuns maux.
16 A Dieu, à Dieu, Charité fort rebelle^ Car à ton prince tu as été cruelle, Trois fois y a que rebelle as esté, C'est à ce coup que Ton t'a chastië.
VT
CHANSON NOUVELLE
