SUR LA RÉJOUISSANCE DE LA PAIX

Sur le chant de Frère Grisard, etc.

LA PAIX

1 Sus, bon temps, qu'on se resveille, Il n'est plus temps de dormir, Qu'on reveille la bouteille

Qui nous fait tant resjouir.

La guerre est ensevelie

Et tous ses efforts Car Dieu, par la paix jolie,

L'a poussée dehors.

LA FRANCE

2 "Mais qui estes-vou«, pucelle, Qui me venez esveilier?

Laissez moy encores, la belle.

Un peu de temps sommeiller.

Je suis en si grand souffrance,

Je sens tant de maux Que je perds la patience

De mes grands travaux.

LA PAIX

5 Je t'annonce la nouvelle Qui te pourra contenter, La nouvelle la plus belle Que tu sçaurois souhaitter :

Je te dis la paix est faite;

Resveille-toy donq, Je te dis la plus parfaite

Que Ton ne veid onc.

LA FRANCE

4 C'est doncques Dieu qui m'envoye Sur mon malheur ce grand bien, Qu'on face les feux de joye Quant à moy je le veux bien.

Or, sus donc, que Ton s'advance,

Je suis bien contant Mener la première dance Et boire d'autant.

LA PAIX

o Entre vous, noble assistance, Assemblée dedans ces lieux, Ayez parfaite fiance A Jésus nostre grand Dieu, t Jamais ne nous abandonne,

Mais de nous a soing C'est luy qui la paix nous donne Quand il est besoing.

LÀ FRANCE

6 11 nous le faut recongnoistre D'un cœur dévost et parfaict, C'est Jésus nostre bon maistre Qui ce grand bien nous a faict :

Il nous le faut aussi croire

Véritablement, C'est luy qui la paix nous donne Quand il en est temps.

LA PAIX

7 Nous prirons tretous ensemble Pour la lignée des Vallois, Que nous tienne en asseurance Sous l'heureux don de la paix, Puisqu'ils ont fait la promesse

•Nous y maintenir, "Vivons tous en allégresse Sans vivre en soucy.

l'auteur.

8 Qui a fait la chansonnette ?

C'est un fort bon compagnon, Estant en une chambrette

Se résiouyssant du don

De Theureuse paix en France,

Fuyans les discords, En ayant bonne espérance

Nous voir tous d'accord.