Grand-oncle

Il s'en va et n'ose mot dire , Et Yuide la place et le lieu ; Il a peur de descouvrir son ire Et prie de cueur et si fait veu A Nostre-Dame et à sainct Mathieu Que plus n'yra en celle part.

Sa femme dit : Loué soit Dieu !

Je suis délivré du vieillart.

Or est maintenant à son aise La vieille , qui est tout par elle , Qui art et brusle comme brèse , Tant est mauvaise et rebesle.

Il n'est engin, art ne cautelle, Qui en femme ne soit trouvée, Et n'y a fille ne puceUe Qui à ce ne soit destinée.

Changeons propos, il en est temps, Et si parlons d*autre matière:

Tant en parler ennuyé aux gens , Et d'escouter les fait retraire; Mais à tous je vous fais prières Que le cas d'un povre gallant

lo LES DROIS NOUVEAULX

Vous retenez en vos mémoires , Ainsi qu'orrez cy en suyvant.

Ce gallois, qui fut esveillé , A quoy tardoit qu'il n'eust mo!ier% S'en alla tost prendre au fille, Comme les autres à brouiller; On luy fit une fille espouser, Qui estoit faicte au mestier, Et, quant vint à despuceller, Ha! fist-elle, vous m'affoUer!

Nostre appliquant se sentit pris Comme les oyseaux à l'en glus.

Et oîi me suis-je, dist-il, mis?

Par la char bien ! je n'en vueil plus. Et dist en luy et fui conclus Que d'autres y avoient fait trace, Et descendit et se mist jus, Et luy dist : Dame , prou vous face !

Le matin vient , Jenin s'en va ;