LA VRAYE

Afin que mieux je détermine Ma médecine, et puis c'est tout,

Pour le mal de teste,

Malo testus, c'est mal de teste.

Pour la gûarir, prendre vous faut De bon vin, sans faire la beste, Et l'avaliez, soit froit bu chault; Puis vous couchez le cul en haut Et que la teste pende en bas :

Ainsi sera guary Michaut.

Qui ne le croit damné n'est pas.

Pour le mal des ouyes,

Malorillas, vous vueil apprendre Pour guarir ceux qui y ont mal, Comme sours, qui ne peuvent entendre Ce qu'on leur dit, ou bien, ou mal ; Prennent des cornes d'un cheval, La vjgille de la Toussains, Et puis frottent là oii est le mal, Et ils seront guaris tous sains .

Pour guarir des dens,

Maillotins, entendez-moy bien, Voicy chose de grand merveille :

Pour les guarir qu'il n'y ait rien, Prendre faut plaine une corbeille De vent, et le mettre en Toreille Gauche, et de froit une livre, Boire de l'eaue plaine une seille.

Puis s'en aller coucher tout yvre.

Pour le mal des rains.

Reni maulos est bien mauvais Et bien terrible maladie A cause de la mère ; mais Il faut bien qu'on y remédie :

Car ces femmes de Normendie En sont bien souvent tourmentées ; En danger sont d'en perdre vie, Si d'hommes ne sont confortées.

- Pomr le mal de jalousie.

Jalousie est maladie Collerique et bien btcheuse.

Que Qous appelions jalousie, A toutes gens impétueuse; Prenez de soucy plaine beuse Et de pensées plain un minot.

Femme riante, hardie, jo;^euse, Et vous aérez guary tantost.

Pour la maladie fiamours.

Amourois si sont amoureux ; C'est maladie fort commune.

Tant à Rouen comme à Evreuz ; Mais je vous en donneray une :

Il faut veiller trois jours la lune, Et ne dormir ne jours ne nuicts, Et puis, s'on en ayme quelcunc.

Baiser la cliquette de l'huis.