TOUTES VRAYES ET APPROUVÉES
Premièrement, pour n'avoir jamais povreté.
Pour n'avoir jamais povreté (Sans enquérir d'autre conseil), Il fault qu'amassez en esté Plein grenier d'escuz au soleil; Après, vous pourrez sans traveil En hyver manger la grasse oye, Et dormir quand aurez sommeil En paix, et recevoir monnoye.
i6 LA MEDECINE
Pour n'avoir point faute chargent.
En hyver, durant qu'il faict beau.
Par un temps sec et pluvieux, Emplissez-moy un bon gros tonneau De beaux testons et d'escuz vieux.
Cela fait, soyez curieux De les despendre par mesure, Et je vous promets qu'en tous lieux Il ne vous faudra tant qu'il dure.
Pour n'avoir jamais faim.
Si vous avez peur d'avoir faim, Sans attendre grands ni petis, Mangez pour quinze sols de pain Devant qu'ayez point d'appetis; Puis, si quelqu'un vient qui rosti Quelque chapon ou poulie grasse, Mangez-les, si vous adverti, Devant qu'ayez faim longue espace.
Pour n avoir jamais soif.
Tant en hyver comme en esté,
DE MAISTRE GRIMACHE.
Pour avoir le gosier plus frais,
Il faut, sans contrariété,
Boire souvent et à longs traicts,
Et avoir tousjours le vin près,
Bon de saveur et de couleur;
Et retenez pour tout exprès
Qu'il vaut mieux boire du meilleur.
Pour n'avoir jamais chaud.
En esté, quelque chaud qu'il face^ Si vous redoutez la chaleur, Cardez un plein tonneau de glace, Dès l'hyver, de blanche couleur, Et vous mettez, sans avoir peur, Là dedans sans vous remuer; Et je vous jure de bon coeur Que garde n'aurez de suer.
Pour n avoir j amais froid.
Si vous avez peur d'avoir froid, Sans enquérir autre raison, Faictes bastir, soubs quelque toict, En un four chaud une maison,
i8 LA MEDECINE
Et vous tenez toute saison Là dedans sans sortir dehors, Et, sans brusler bois ny tison, Vous n'aurez jamais froid au corps.
Poiirn'estre point mouillé quand on va dehors.
Si vous voyez l'arc pers ou vert, Ou le temps noir comme une meure, Mettez-vous soudain à couvert Devant qu'il pleuve un,e bonne heure.
Et faites là vostre demeure Jusqu'à ce que le temps soit beau ; Et pour certain je vous asseure Que vous n'aurez jà goutte d'eau.
Pour tiestre point tué en bataille.
En quelque part que débat aille, Gardez-vous bien que, par exprès.
Vous n'approchez de la bataille Qu'à trente lieues au plus près.
Ou que vous n'y alliez qu'après Que tous les coups seront rués,
DE MAISTRE GRIMACHE. 19
Et si vos gens n'ont fort longs traicts. Jamais vous n'y serez tués.
Pour avoir bon marché de vin.
Ainsi que m'a dit un devin Qui ne voudroit me fourvoyer :
Pour avoir bon marché de vin, Il ne vous en faut rien payer; Aussi, pour en bien essayer^ Beuvez-en quinze ou seize fois.
Tant qu'il vous face larmoyer.
Voilà tout ainsi que j'en fais.
Pour garder les chiens de vous mordre.
Premier qu'entrer en un village, Sans enquérir autres moyens, Envoyez homme qui soit sage Pour bien amuseler les chiens.
Cela faict, ne doutez riens, Car, si bien sont amuseleZj Tenez-vous seur que je soustiens Que jà n'en serez affoliez.
Pour garder que les qyes ne vous becquent.
Si vous redoutez les batailles Des oyes, faictes-leur bouter Les testes en belles bouteilles, Que ne les puissent pas oster; En après, s'ils veuUent Jouster, Laissez-les jouster là dedans :
Car de faict vous pouvez noter Que garde n'aurez de leurs dents.
Pour garder les puces de vous mordre.
Si des puces craignez le mors ', Vous qui avez blanche tétine, Prenez-les-moy toutes au corps Et mettez en une botine; Puis leur mettez de turbentine ^ Aussi gros qu'un pois en la bouche, Et je payeray pinte et chopine Si de trois Jours puce vous touche.
