ACTE II

A la tasse les faut changer :

Par quelque finesse subtile J'ay ia pensé un tour habile.

Laisse donc faire à moy tout seul , Et tu verras qu'il n'y a nul Meilleur que moy en cest affaire.

Atlens moy et me laisse faire.

RIPAILLE, lAQUELINE.

RIPAILLE

Dieu vous doint, Dame, paradis.

Monsieur vous mande ces perdris, Et par moy vous mande ceste heure Que vous les faciez, sans demeure , Bien apprester soudainement :

Car il doit venir maintenant Souper icy en compagnie Quelques docteurs en Chirurgie.

Mesmement il m'enuoy icy A tin que luy mandiez aussi La coupe qu'il vous a transmise,

A fin d'y faire sa deuise

Auec ses armes engrauer.

le le veux aller retreuuer

Là ou il est, dont Je vous prie,

Despechez moy qu'il ne s'ennuye,

le crain que je ne sois trop long.

lAQUELINE.

You vous la baillaray ben donc, Mai que seas vous, se non vous graue , Que mon mari pues non mi braue ?

Donte seas vous, de que mestier?

RIPAILLE

le demeure chez Couquetier, Où je répétasse des peignes.

Ce n'est pas à fausses enseignes Que je viens la coupe quérir.

lAQUELINE.

Mon marit mifarié mourir, Vou mi darié malo iournado, S'you ery tant desuergognado De vous la baillar autrament.