ACTE IV

lEROSME.

Plus patienter ie ne puis D'ouir jargonner ceste beste.

BERTRAND

Pas ne leur ay troublé la feste.

Avant le clystere donné

La siringue ilz n'ont desgainé.

ierosme.

Quelque malade y pourroit estre.

Hau, Bertrand.

BERTRAND

Oh! voyla mon maistre.

ierosme.

Hola, Bertrand, n'entends tu point?

BERTRAND

Oh, mon maistre, que Dieu vous doint Supporter vostre malencontre.

lEROSME.

Voy! quel triste visage il monstre.

Dy moy que c'est que maintenant Tu allois tout seul barbotant?

BERTRAND

He, pauvre maistre!

ierosme.

Quoy? dy, qu'est ce?

BERTRAND

Tout va mal.

ierosme.

Comment?

BERTRAND

Ma maistresse...

IEROSME. Ta maistresse! Quoy? Qu'y a il?