PROLOGUE

Our vn petit vous recréer, ! Messieurs, ie vous viens supplier Que nous prestiez vn peu l'oreille, Nous vous ferons ouyr merueille.

Non pas des Indes du Chapon (le voulois dire du lapon), Non pas de sainct ny de miracle, Mais d'vn ioyeux et beau spectacle Qui fera (comme ie prétends) A plusieurs nous monstrer les dents.

Encore que ie vous atfie) Ne sçachions rien en Chirurgie :

Car nous pourrions plustost la chair De dedans le pot arracher, Qu'vne dent de vostre mâchoire.

Mais ie me perds en ma mémoire.

11 est question d'autre nouueau.

Mais quel ? quel ! frais gentil et beau Aduenu dedans ce royaume.

Mais quel r quel ! c'est Monsieur lerosme, Maistre Médecin refrongné Qui, pour n'auoir pas bien soigné Aux affaires de sa maison, Affiné d'vn Traine-baston, Perdit vne coupe n'a guères.

Dont pour recours en tels affaires D'ire vint battre en sa maison Sa femme à double carillon.

Dont elle en courroux sans mesure, Pour se venger de telle iniure, Luy met les cornes finement.

Vous aurez du contentement, S'il vous plait de faire silence, Et d'escouter en patience :