MORALITÉ
d'vne
PAVVRE FILLE VILLAGEOISE
laquelle ayma mieux auoir
la teste couppée par son
père, que d'estre violée <
par son Seigneur.
A quatre
Personnages.
LE PERE
LE SEIGNEUR
LA FILLE
LE VALET
LE PERE commence.
Ma fille!
Que vous plaist, mon perer
NOVVELLE MORALITE
LE PERE
Que fais-tu ?
LA FILLE
le cuis le potage.
LE PERE
Ha! Dieu ait l'ame de ta mère.
Ma fillel
LA FILLE
Que vous plaist, mon père?
LE PERE
Ne m'est-ce pas douleur amere Que mort m'a deffait mon mesnage.
Ma fillel
LA FILLE
Que vous plaist, mon perer
LE PERE
Que fais-tu?
LA FILLE
le cuis le potage.
LE PERE
Mort infidelle, lien de rage, Qui te meut d'estre si hardie De mov auoir osté l'image
De mon espouse et chère amie : Mort détestable et fort haïe, Ton rude dard m'a fait grand tort Quand m'a rauy ma compagnie.
LA FILLE
Père, cessez ce desconfort.
Ne vous plaignez tant de la mort.
LE PERE
Fille, mort n'est point droicturiere,
LA FILLE
A elle est le foible et le fort.
LE PERE
Si est : mais quant ceste archere Trait sur vne personne chère Deuant fin d'aage naturel.
Mourir le fait et mettre en bière, A tort sans pouuoir faire appel.
LA FILLE
le concède assez qu'il soit tel :
Mais la mort assault genre humain, Et occit de son dard mortel Tant le gentil que le vilain.
Nul nest huv seur d'estre demain.
NOVVELLE MORALITE
Pourtant, mon père et mon facteur, Seruir ie vous veux pour certain Tant qu'il plaira au Créateur.
LE PERE
Fille, tu mesiouys le cueur Quand i'entends ta douce loquence.
Ta bonté passe ma douleur, Tu restaures mon impuissance.
Dieu triumphant en digne essence, Soit de nous hautement loué, Quand il nous donne la science De patience en pauureté.
Pauureté en cueur prinse en gré Est au bon Dieu tant aggreable Pauureté est le seul degré De haute gloire inénarrable :
La puissance inestimable Nous doint en pauureté régner, Si bien qnen ioye perdurable Soyons receuz au deffiner.
LA FILLE
Mon père, il est temps de disner.
Vous plaist-il ccste bûche tendre
Afrin que mieux puisse haster Le feu que ie ne puis esprendre.
LE PERE
le m'envoys ma cognée prendre, Et mes coingz approche les ça.
De fendre ne me faut apprendre.
LA FILLE
Tenez, mon père, voy les là
LE PERE
Par le sens que Dieu me donna.
Quelle buschaille! qu'elle est dure!
Fille, mamye, entendez ça, Car vous estes ma nourriture :
Ma vie me seroit trop dure Si vous me laissiez, mon enfant.
LA FILLE
le contreuiendrois à nature De vous laisser en mon viuant.
Non, non, i'ay le cueur désirant Seruir soubz vostre discipline.
Mon père, ie le dis pourtant Que l'enfant qui bien s'enracine, Son propre sens le morigine Tant naturel comme l'acquis.
NOVVELLE MORALITÉ
N'ay-ie donc droit se détermine Destre auecques vous comme ie dis.
LE PERE
Louange à Dieu de Paradis Soit de tous les biens qu'il m'enuoye.
LE SEIGNEUR
Mon valet, ay-ie beaux habis?
Qu'en dit-on quand ie vas par voye?
LE VALET
On dit que dicy en Sauoie N'y en a point vn aussi net, Soit en ville ou soit en voye.
LE SEIGNEUR
Ha ! que tu es un bon valet.
Pourtant te veux dire mon fait :
le sens amoureuse ieunesse Qui m'a nauré d'vn soudain trait, Prétendant de ujure en liesse, Et puisqu'il plaist à sa noblesse Qu'amoureux soye, ie l'accorde :
Se tu sçais fille ne princesse, Pour m'esbastre. si la recorde.
LE VALET
Len sçay vne où beauté s'accorde; Mais bonté la tient en sa riuc.
Son chaste cueur homme n'abborde, Trop est à honneur ententiue.
Plaise à Amour que i'y arrive, Par ma foy i'en suis ià féru :
Qui est-elle? qu'on la poursuyue.
LE VALET
La fille au pauure Groux-Moulu, Esglentine au beau corps menu, La plus belle qu'on peut requerre.
LE SEIGNEUR
Son père est à moy tenu, C'est vn des hommes de ma terre El mon subiect. Va tost t'enquerre Si d'elle on pourroit fixer :
Dy luy s'elle vient en ma serre, Qu'après la feray marier Si bien, qu'elle pourra porter Sainture d'or, robbe fourrée.
Et tousiours grand estât mener.
LE VALET
De moy sera bien escrouUée Vous en aurez vue accollée Se ie ne faulx a bien blandir.
NOVVELLE MORALITE
LE PERE
Ha! a! i'ay l'eschine lassée De ceste bûche en deux partii .
LE VALET
Belle, où tous biens sont sans partir, Dieu vous doint ioye souueraine.
LA FILLE
D'honneur ne puissiés départir.
Validire. qui vous ameine?
LE VALET
Gracieuse gente et humaine, Salut vous fais pour mon Seigneur :
Car vostre amour tant le pourmeine Qu'exprimer ne puis sa douleur.
Sa douleur! Divin Rédempteur, A il pour moi douleur ainsi?
LE VALET
Ouy par ma foy, belle soeur, Vostre beauté son cueur transi.
LA FILLE
Femme n'y a pour luy icy.
N'en parlez plus, vous me tannez.
DVNE JEUNE FILLE. ,
LE VALET
Si de luy vous n'auez mercy Sans coup ferir vous l'occirez.
LA FILLE
Or s'il a froit, si le couurez :
le ne vous sçaurois plus que dire.
LE VALET
Mieux vaut que vous vous modérez Que si fièrement l'esconduire.
On ne doit point pour vn peu d'yre Perdre vn bien s on le peut auoir.
LA FILLE
Ha! cest bien soufflé. Validire, Vous me cuidez trop decepuoir; Mais pour vous dire tout le veoir, Lentens assez bien vos attaintes.
le n'ay cure de vostre auoir :
Amour en fait c'eceuoir maintes.
Maintes en ont esté restraintes, Lesquelles ont régné peu d'espace :
Car quand leurs couleurs sont estaintes, Soudain sont mises hors de grâce.
NOVVELLE MORALITE
Sur toutes belles l'outrepasse, Monsieur ne m'a fait cy venir Que pour vous honorer.
LA FILLE
Passe Touret, laisse le mentir.
LE VALET
Au moins, pour faire vn plaisir A Monseigneur quon doit aymer, Venez vous en pour l'esiouyr Deux motz (sans plus) à luy parler.
LA FILLE
Escoutez. ie ne puis aller.
Par ma foy, mon amy, ie cloche :
Vne langue y pourriez user Plus dure quvn batail de cloche.
LE VALET
Il n'y a d'icy en Escosse De respondre si aduisée.
LA FILLE
L'archer qui tient l'arc mal encoche Tire bien souuent sans visée.
D'VNE JEUNE FILLE. i3
LE VALET
Vous vous estes trop diuisée, Contre moy vos motz sont poignans.
LA FILLE
Point ne veux estre rauisée, Partez de moy, il en est temps.
LE VALET
A Dieu, bien estes ieune dans.
LA FILLE
A Dieu, plus fort qu'vne massue.
Tirez, tirez, il est dedans.
Nous sommes bien, madame sue.
LE PERE. i
Ma busche est presque fendue.
LE SEIGNEUR
Que tu as long temps demouré.
LE VALET
Si ay-ie ma peine perdue.
LE SEIGNEUR
C'est assez mal labouré.
LE VALET
Certes vous estes malheuré
14 NOVVELLE MORALITE
LE SEIGNEUR
Ces motz me donnent peu de ioye.
LE VALET
Vostre congé est asseuré.
LE SEIGNEUR
A quoy tient-il au moins qu'on l'oye.
LE VALET
Elle est ceinte d'vne courroye, Que pour cent mille marcz d'argent N'en finiriez n'en champ n en voye.
LE SEIGNEUR
Retourne y hastiuement, Et luy dy tout pleinement, Comment c|u'il soit, que ie l'auray Soit par force ou autrement.
Très volontiers ie le feray.
Selle fait bruit, ie te diray, Voyant refuser ma demande, "Vne autre voye t'addresseray, A son père me recommande.
Et luy dy que ie luy commande Qu'il me convient auoir sa fille,
D'VNE JEUNE FILLE. i5
Ou vaillant vne vieille mande Ne luy restera, par sainct Gille.
LE VALET
Mais s'il me donnoit de l'estrille Qui s'appelle le boys au dos?
LE SEIGNEUR
Pendu seroit à hart de tille, Ou bruslé entre cent fagotz.
LE VALET
Sainct- lean I voicy de beaux ergotz, Bien, i'y reuois encor vn coup.
LE SEIGNEUR
S'on te refuse, tranche propos, Car longue attente m'ennuye trop.
LE PERE
le suis aussi panure que lob, Mais toutes fois i'ay suffisance, Mon Dieu cy a des biens beaucoup Plus qu'il n'en faut pour ma substance. Puisque ma fille en patience Me tient loyale compagnie, Tespere honneste plaisance
Auoir tous les iours de ma vie.
i6 NOVVELLE MORALITE
LA FILLE
Douce mère du fruit de vie Régnant en gloire triumphante Dessus la haute Gerarchie Des Anges, où chascun d'eux chante En vous louant, Vierge puissante, Par les doux chants très amoureux, Preseruez vos panures semantes.
Par grâce, de faitz vicieux.
LE VALET
Fille au corps gent et gracieux, Pour Dieu mercy, ne vous desplaise, le vous reuiens vn mot ou deux Dire, mais que bien il vous plaise.
LA FILLE
le seroye par trop mauuaise.
Si ie ne vous pouuois ouyr.
Ce ne mest aise, ne malaise.
LE VALET
Maintenant vous en faut venir Plus ne pouuez desobeyr.
Par ma fov. comment qu'il en soit.
LA FILLE
Et qui y voudroit conuenir, Où seroit qu'on se trouueroit?
LE VALET
Ha! Monseigneur, si vous voudroit Tenir en nuit en sa chambrette Pour fournir l'amoureux exploict.
LA FILLE
Allez à Dieu, l'aumosne est faicte.
Esglentine, gente gorgette, Rien n'y vaut vostre refuser.
Venez devant ains qu'on vous traicte Par force ou par rude parler. i
LA FILLE
Me cuydez vous ainsi mener :
C'est trop haut compte sans rabatre, le me feray devant tuer.
LE VALET
Par Sainct-Mort, vous vous ferez batre,
LA FILLE
Telz motz ne me peuuent abbatre.
i8 NOVVELLE MORALITE
LE VALET
Vostre excusance n'y vaut riens.
LA FILLE
Si mon père vous oyt débattre, Vous auriez l'office Damiens.
LE VALET
Voulez vous perdre tant de biens Que Monseigneur vous fait promettre?
Pensez y.
LA FILLE
Ce n'est que fiens Des biens mondains ce dit la Lettre.
Pour eux ne veux péché commettre.
Fol est qui à eux trop s'attend.
LE VALET
Certes, fille, s'il vous plaist estre Amye à celuy qui attend.
Vous aurez or, argent content, Habitz fourrez, ioyaux, ceincture, Pour vous marier richement.
Ce seroit tresbelle parure ; Mais mon corps ne serait qu'ordure.
LE VALET
Escoutez ce que ie diray.
LA FILLE
le vous dy à plate cousture Que pour mourir rien n'en feray.
LE VALET
Par force donc ie vous auray.
LA FILLE
Père, venez moy secourir !
LE PERE
Ha! faux loudier, ie te tueray :
Mais qui t'a faict tant enhardir?
LE VALET
Vous me faictes le sang bouillir, le suis au Seigneur de la ville.
LE PERE
Mais qui te faict icy venir?
LE VALET
Vous me faictes le sang bouillir.
LE PERE
le te feray d'icy partir, Que veux tu à ma tille? dy le.
20 NOVVELLE MORALITE
LE VALET
Vous me faictes le sang bouillir, le suis au Seigneur de la ville, Son messager le plus habile, Regardez à qui vous iouez.
LA FILLE
Il en est assez de sa stille.
Pour Dieu ne luy touchez.
Vous en seriez enfin tuez, Et moy à honte diffamée :
Mais ce qu'il veut luy demandez.
LE PERE
Très volontiers, ma bien aymée, Vien ça : (à peu que ne maugrée,) Mais que viens tu icy quérir?
LE VALET
Vostre fille tant désirée Pour Monseigneur viens requérir Son amour le fera mourir.
LE PERE
La veut-il prendre en mariage ?
LE VALET
Nenny : mais c'est pour s'en seruir.
LE PERE
Lentends, auoir son pucellage.
LE VALET
Voylà le poinct : mais héritage Luy donnera, et beaux habis, Tous les ans aura dauantage Deux cens liures de parisis.
LE PERE
l'ayme mieux que mourions chetifz :
Il n'est auoir qui vaille honneur :
Qu'en dis-tu fille?
Que l'en dis?
Foi que doy à Nostre Seigneur lesus-Christ, ie le dis de cueur, Mieux aymeroye estre bruslée.
LE PERE
Dieu te tienne en ceste valeur, Plustost voir la teste couppée, Que ta bonté tust diffamée De si vile immundicité.
22 NOVVELLE MORALITE
LA FILLE
Point ne veux estre abandonnée D'endurer impudicité.
Ne la chair par sa fragilité, Ne promesse, ne courtoisie Ne m'osteront la chasteté.
Fy? serois-ie en si bas lieu miser Nenny : pour tout lor de Venise, A Dieu le prometz de ma foy.
LE VALET
Vous n'entendez point la deuise, Panure sotte, à ce que ie voy.
LE PERE
Validire, sçauez-vous quoy Guidez? pensez desloger.
Ou vous en aurez, par ma foy, Se ie vois ma cognée charger.
LE VALET
Icy plus ie ne veux songer, Maudit soit qui plus y sera.
LE PERE
Voyez, fille, quel messager.
le croy que plus ne reuiendra.
LE VALET
Par le sang que Dieu me donna, Le Groux-Moulu est tout desué.
LE SEIGNEUR
Or ça, mon valet, comment va?
Tu me semble fort eschauflfé.
LE VALET
A peu que n'ay esté tué.
LE SEIGNEUR
Tué ! Nostre Dame ! et de qui:
LE VALET
Du Groux-Moulu où i'ay esté Tirant sa fille m'a ouy.
LE SEIGNEUR
Comment! n'a el' point obey?
LE VALET
Pas ne l'aurez de vostre vie.
LE SEIGNEUR
Non : de par Dieu? à qui tient-il?
LE VALET
A sa bonté qui y obuie, Et son père qui la chastie,
Et m'a dit vn mot absolu,
24 NOVVELLE MORALITÉ
Que ie mourray de sa cognée, S'il m'y trouue plus : mot conclu.
Comment ! ce vilain malostru, Lui faut-il mon vouloir briser?
Tien, prens ce vouge esmoulu, le portera/ mon branc dacier; Foy que ie doy à Sainct Richier, Il aura des coups plus de cent.
LE VALET
le me veux bien de luy venger.
Monseigneur, allons maintenant.
LE SEIGNEUR
Vilain de rude entendement, Qui te meut d'estre si hardy D'offenser mon commandement?
LE VALET
Vilain de rude entendement,
LE SEIGNEUR
Ratu seras présentement. Tien.
LE VALET
Ta cognée n'est pas icy.
LE SEIGNEUR
Vilain de rude entendement.
Qui te meut d'cstrc si hardy?
LE PERE
Ha! Monseigneur, pour Dieu, mercy !
LE SEIGNEUR
Mercy! coquin, vous y mourrez, De coups aurez le corps noircy.
LA FILLE
Ha! Monseigneur, pour Dieu, mercy!
Par Bieu vous en aurez aussi, Fausse garce, ou vous passerez.
LE PERE
Hé! Monseigneur, pour Dieu, mercy!
LE SEIGNEUR. i
Mercy ! coquin, vous y mourrez.
LE PERE
Mon cher Sire, vous me tuez.
LE SEIGNEUR
Lemmeneray ta tille, par bieu.
LE PERE
Tout votre plaisir en ferez.
Où force règne, droict na lieu.
26 NOVVELLE MORALITÉ
LA FILLE
O lesus-Christ, souuerain Dieu De pitié et miséricorde, le te supplie en ce bas lieu Mon père à Monseigneur accorde.
LE SEIGNEUR
Liée seras d'vne corde, Se ne t'en viens en ma maison.
LA FILLE
Helas! faut-il que ie l'accorde.
LE VALET
Liée seras d'vne corde.
LE PERE
Telle pitié nul ne recorde, Droict va par force à reculon.
Liée seras d'vne corde Se ne viens en nostre maison.
LE SEIGNEUR
Venir il vous faut à raison.
Sus tout sera vostre proffit.
LA FILLE
Seigneur, ie vous requiers vn don, Pour Dieu qu'il ne soit contredit.
LE SEIGNEUR
Quel don r
LA FILLE
Vne heure de respit.
LE SEIGNEUR
Cela, et que vous peut-il faire?
LA FILLE
le vueil à mon père vn petit En secret conter mon affaire.
LE SEIGNEUR
Point ne vueil vostregré deffaire, le suis content de l'accorder; Mais gardez d'enuers moy meffaire,
LA FILLE
De cela ne vous faut douter, Car ie suis contente d'aller Apres là où il vous plaira.
LE SEIGNEUR
le vous en croy bien sans iurer, Car vostre profïit y sera.
LA FILLE
Maudit soit qui vous en faudra, Si ie ne meurs ie seray preste.
28 NOVVELLE MORALITÉ
Il suffit : mon valet, vien ça.
Laisse luy faire son appreste.
LA FILLE
Las ! de malheure fus-ie extraicte, Pour venir à tel deshonneur.
O Mort! et où est ta retraicte?
Viens tost m'oster de ce malheur.
Faut-il que ie perde ma fleur !
Faulce fortune, c'est par toy.
Faut-il par force de Seigneur Mon corps estre mis en desroy?
O vray Dieu, dont vient cest etîroy Helas! c'est par toi, ma Jeunesse.
Vien ça, beauté, or parle à moy, Tu es cause de ma tristesse.
Gentillesse, où est ta noblesse?
Noblesse on te doit bien blasmer, Quant par ton cruel ettbrt blesse Ce que noblesse doit garder.
LE PERE
le sens mon cueur prest d'entamer D'ouyr telz plaintz de mon enfant.
DVNE JEUNE FILLE. 29
LA FILLE
Las! mon père, il m'en laut aller.
LE PERE
O Mort! vient querre ce meschant.
LE SEIGNEUR
Ne sçay pourquoy demoure tant Esglentine à soy demonstrer, Allons vn peu icy deuant.
Près de l'hostel pour escouter Qui la fait tant demourer.
Monseigneur, à vostre plaisir.
le les oy fort haut deuiser.
Escoutons cy tout à loysir.
LE PERE
Las! pourquoi ne puis-ie mourir Quand voir me faut tel desraison De mon propre enfant, souffrir Qu'il me soit osté sans raison.
LA FILLE
Père, au partir de la maison, Pour vous payer ma bien allée, A genoux vous requiers vn don.
3o NOVVELLE MORALITE
LE PERE
Fille, vostre plaisir m'aggrée, Vostre demande est accordée, Demandez ce que aymez plus cher.
LA FILLE
Tenez, mon père, cest epée,
Et me venez le chef trancher :
le me vois cy agenouiller,
Ma mort vous pardonne humblement.
LE PERE
Vous me taictes esmerueiller, Chère tille. Par mon serment, Dont me viendroit le hardiment, Las! ma fille, de vous occire.
LA FILLE
Père, voicy la cause et comment Le pouuez faire. Pour vous dire, Mon vouloir tellement m'attire A mourir que ie me tueray Deuant qu'homme mortel me tire Au faict qu à force promis ay :
Or vous scauez. et il est vrav.
D'VNE JEUNE FILLE. 3i
Si m'occis, c est désespérance, Dont à touiours me damneray :
Gardez moy de telle meschance.
Extraicte suis de vostre branche, Vostre fille suis naturelle, Vostre sang, donc a telle instance Gardez moy de peine éternelle.
LE PERE
Fut-il oncques parolle telle!
Qu'en pourroit-il sembler aux gens.
Helas! quel' angoisse mortelle Me faict la douleur que ie sens.
Douleur plonge mon cueur dedans Le puis de sa gouffre parfonde, Dont i'ay peur de perdre le sens, Ou que de deuil mort me confonde.
LA FILLE
Père, le texte où ie me fonde,
C'est que ie sois décollée.
le prie à Dieu qu'il me confonde.
Si ie souffre estre violée.
Par vous soit donc ma mort hastée.
Pour empescher ce faict infâme ;
32 NOVVELLE MORALITE
Car si n'étois à mort naurée, l'y perderois et corps et ame.
LE PERE
Voicy bien rengreger ma flamme :
Qui me renforceroit nature.
Quand d"y penser le cueur me pasme.
Que ie misse à mort ma facture.
Mon cher enfant, ma geniture, La chair de mon corps engendré, Possible n'est à créature Humaine. Tenez vostre espée :
Geste chose tant déguisée, Qu'elle surmonte le genre humain.
LA FILLE
Si par vous, père, suis damnée, le proteste m'en plaindre à plain Deuant le luge souuerain :
Car ie le dis de temps et d'heure, Auant ie mourray de ma main Qu'en mon honneur souffre blesseure.
LE PERE
Mon cœur se rit et mon œil pleure, D'vn costé deuil, de l'autre ioye.
Ta bonté en ioye m'asseure.
Mais griefue tin en deuil menuoye.
Par ma tby bien mourir voudroye.
Car de larmes l'œil me dégoûte, le ne scay comment Tocciroye :
Fille, ma chair en frémit toutte.
LE SEIGNEUR
le suis icy près à lescoute, Mais i'ay de ce que i'oy pitié.
LE PERE
Pour vray en force n'a que doubte le treuue petite amitié En Monseigneur moins de moitié Que n'ay creu^ et veut emmener .
Mon enfant par inimitié Pour à honte la violer.
LA FILLE
Père, il est sur le retourner, Hastez ma mort, ie vous en prie, le ne puis mon ame sauluer, Et souffrir qu'elle soit sallie Du péché de la chair pourrie, Qui enfm ne sera que cendre :
34 NOVVELLE MORALITÉ
le me commande au tilz Marie, Frappez, ie vas le col estendre.
LE PERE
Fortune ! que ne fais tu fendre La terre pout moy engloutir, Quand il conuient mon enfant tendre De mes deux mains ainsi meurtrir.
LÀ FILLE
LasI vous me faictes trop languir, Mon don requiers, qu'il soit tenu.
LE PERE
Promis vous ay de l'accomplir, Va, de par Dieu.
LE SEIGNEUR
Que feras tu ?
Meschant ! tu en seras pendu.
LE PERE
Ha! mon bon Seigneur, ie suis mort.
LE SEIGNEUR
Dont t'est ce conseil cy venu r
Haï Monseigneur, vous auez tort, Vous rengregez mon desconfort.
LE SEIGNEUR
PoLirquoy. mamye. que ^'ous tay-ie?
LA LILLE
Vous me voulez par vostre erfort, Violer mon pucellage.
Et il nest point en mon courage D'ainsi le pouuoir endurer :
l'ay requis en piteux langage Mon père de moy décoller.
Cher Seigneur, vous deuez garder Vos subiectz par vostre prouesse, Et vous me voulez diffamer Pour vn peu de folle ieunesse :
Parquoy desconfort tant me blesse, ( Que i'ayme mieux mon temps conclure, Maintenant honneur et sagesse, Qu 'estre addonée à telle ordure.
LE SEIGNEUR
O vénérable créature!
Sur toutes bonnes la régente, le renonce à ma folle cure.
Pardonnez moy, pucelle gente.
Leuez vous sus tost. excellente
36 NOVVELLE MORALITE
En vertu, la source et fontaine, De chasteté la fleur régnante Est en vous d'odeur souueraine, Ma fresle ieunesse humaine En cherchoit deffloration, Mais vostre constance certaine M'en faict auoir compassion.
// prend vue couronne ou cliappeau de fleurs, et luy met sur la teste, disant :
Or vous aurez pour décoration De chasteté ceste noble couronne Sur vostre chef, pour compensation Treshautement icy vous en couronne
LE VALET
Bien va à qui à bien s'addonne :
Pucellettes, regardez y.
LE SEIGNEUR
En outre, mon vouloir ordonne Vostre père estre enrichy.
l'en fais mon maistre et mon amy.
De mes biens sera gouuerneur.
Plus ne feray que de par luy.
D'VNE JEUNE FILLE. Sy
LE PERE
Vostre mercy, mon cher Seigneur.
LE SEIGNEUR
Mettez vous en habitz d'honneur, Il affiert à vostre bonté.
LA FILLE
De Dieu, mon iuge rédempteur.
Vous soyez hautement bouté.
LE PERE
Dieu tout puissant et redoubté,
le loue ta perfection, ^
Quand ie me voy de pauureté.
De Monseigneur, auec pardon,
Releué par singulier don.
LE SEIGNEUR
Or, fille, par bonté paisible, Vostre honneur mente guerdon.
Vostre chasteté inuincible Font que d'autant qu'il m'est loisible Vous affranchis de scruitude.
38 NOVVELLE MORALITE
LA FILLE
Monseigneur, tant qu'il m'est possible, le mercie vostre Altitude.
LE PERE
Prenez en gré la simple estude De ces motz simplement touchez ; La matière est similitude Pour bonnes filles, et sçachez Si les motz ne sont bien couchez.
Nous prierons le doux Examen Que nous soyons tous mieux logez En Paradis. Dites Amen.
FI N
