CONTRACT DE MARIAGE
Pardevant Nicolas Thuiot, tabellion d'Auberuilliers, furent presens en leurs personnes Thibault Grand-lean, magister demeurant à Montrouge, et Claudine Coullande, sa femme, d'une part. Colin Ventru, maistre carillonneur delà grande église dudictlieu, et Marie Viton, sa femme, lesquels de leur bon gré ont recognu et confessé auoir fait et font les promesses et accords de mariage qui ensuiuent : A sçauoir, de maistre Pierre Fify, Philippe Tondu, Martin Tiottin et Mathurin Grinbelle, tous bourgeois et parens, tant du costé paternel que maternel, de Nicolas Grand-Iear, tils dudict Thibault cy présent, aagé de dxhuict ans ou enuiron. Et de Guillemette Ventrue aussi présente, aagée de treize ans ou enuiron, lesquels Nicolas Grand-lean et Guillemette Ventrue, pour la grande affection qu'ils se portent pour auoirgardé, par l'espace ac dix ans ou enuiron les vaches ensemble, ils
ont désiré se conioindre par lien de mariage, sous le bon plaisir de leurs parens et amis, lequel Thibault Grand-Iean père dudict Collas Grand-Iean futur espoux , luy a donné ei donne par ces présentes en faueur de mariage trois quartiers d'héritages assis audict Montrouge. Plus une charrue attelée d'vn bœuf et d'vn asne, aagez de quarante-cinq ans ou environ : ensemble ses habits : sçauoir^ un paletheau d'escarlatte noire doublé de iaune cramoisy, vn fond-de-chausse de blanchet gris, et vne chemise garnie de son collet de toille à bouffette, ensemble une paire de guestres et de souUiers de vache tous neufs: en outre la somme d'vnze liures dix sols tournois en belles pistoUes, iacobus, et aultre monnoye blanche. Et quant audict CoUin Ventru père de ladicte future espouse, pour la bonne amitié qu'il luy porte, luy a donné en faveur dudict mariage vn quartier et demi de pré fraischement tondu , assis au lieu dict la Motte, plus tendant d'vne part à la fontaine Bauduse , d'aultre à la rue puante qui conduit au trou de Merdelle, plus une vache sous poil
griuellé, aucc le pot à traire, ctaultresustanciles de mesnage : et oultre son trousseau garny de deux draps et une nappe frangée de trois quartiers et demy ou enuiron, auec ses bague et ioyaulx, desquels ledict Grand-Iean futur espoux s'est tenu et tient pour content, et a doué et Joue sadicte future espouse de la somme de quatorze sols six deniers tournois, pour icelle auoir et prendre sur vne mazure seize en la pleine de Long-Boyau , à luy escheûe par le trespas de Bernade Couïllarde sa tente, et est accordé entre lesdites parties qu'au cas que l'vn desdicts futurs espoux décède sans enfans procréez de leur mariage^ le suruiuant remportera ce qu'il auroit apporté, ainsi qu'ils ont présentement accordé, et quant à tout, etc., obligeant et renonçant, etc. Fait et passé audict Auberuilliers, au logis de la maison de ladicte Ventrue, ez présences de lanot Bontemps, Guillaume Lutrin, et Caresme- Prenant. Signé du bas du coude à Sainct lacques du Haut- Pas, tesmoin ceux qui ne voyoient goutte et ceux qui n'y estoient pas.
