NOUVELLES ADMIRABLES

Lesquelles ont envoyées les patrons des gallées qui ont été transporte^ du vent en plusieurs et divers pays etysles de la mer, et principalement es parties des Yndes. Et ont veu tant de diverses nations de gens et de testes que c'est merveilles. Desquelles la déclaration appert en ces présentes lettres. Escriptes en la cyté d'Arjel, le vi^ jour de jnay {iyg/\.*).

Nos chiers et parfaictz amys seigneurs de Porion et de Saint-Germain , frequentans la mer en la région occidentalle, nous nous re-

I . On ne connaît decette pièce curieuse que l'exemplaire, peut-être unique, que possède la bibliothèque de Nantes.

commandons à vous et à tous noz amys de par delà, vous faisans savoir que depuis nostre partement à la fortune des vens, nous avons esté transportez en plusieurs pays et ysles en la mer. Et premièrement en l'ysle de Coquelicaris , où les hommes sont de merveilleuse figure et sont bonnes gens. Hz nous ont consolez et confortez en leur langaige,qui est bien estrange. Et ont le stature de grandeur environ comme géans ; leurs yeulx esclèrent la nuyt comme torche et voyent plus de nuyt que de jour; le nez long de trois piez et la barbe longue jusques à terre, verte comme pré , la queue comme ung lyon, et mengent ung mouton à l'heure. Ils boivent, le jour, la mer sallée, et, la nuyt, chascun bien douze potz de vin; ilz sont de telle nature que ils s'endorment par l'espace de trois jours et trois nuytz, et quant ils sont reveilliez, ils font un si grand et si horrible cry qu'on les orroit braire de quatre à cinq lieues ; ils tyrent à la charue comme chevaulx, et font labour sans ayde de bestes. Leurs femmes sont petites comme nayns,

et ont deux queues, et sont vestues de peaulx de garapotz, qui sont grandes bestes comme beufz; la teste longue de six piez , le corps comme ung cerf et à six piedz, ceulx de devant comme griffons, ceux du parmy comme ung beuf, et ceulx de derrière comme ung lyon ; le poil jaune, vert, noir et blanc, et long de trois piez.

Item, les cocqs portent laine vermeille de quoy on fait les draps fins, et sont grans comme grues , la creste blanche et longue d'une aulne, et au bout la dicte creste a une pierre si excellente qu'on ne la sçauroit estimer : car l'hostel où les dictz coqs seront, le tonnoire, l'escler, la fouldre ne la tempeste n'y pourront faire aucun mal, pour la grant vertu et dignité de la dicte pierre. Ils ont le bec large comme une becque , et les fault tondre tous les mois , et les dictz coqs et poulies chantent tousjours ensemble si trez mélodieusement qu'ilz endorment les gens : car il semble qu'ilz soient luz et harpes de ouyr leur chant.

Les poulies sont perses comme azur et n'ont point de plumes, si non en la queue qui est blanche et comme miroer de paon, et ponnent des œafz tous cuvtz , pour la grant chaleur qui est en eulx; et est bonne et excellente viande, et qui les veult mengier clerez, il les convient mettre en eau chaulde.

Item, avons esté en une aultre ysle nommée l'ysle de Rude-Fridaga , où les femmes ont deux couillons, et sont moit ié noireset moitié blanches, et filent la soye le plus excellentement que jamais on sçauroit veoir. Les hommes ont les chevculx trainans jusques en terre, et sont jaunes comme fil d'or, et ne font rien, ne aussi ilz ne veulent rien faire, sinon danser, ryre et galler.

En la dicte ysle a une manière de bestes qu'on appelle opj^ loripha, grosse comme un onnel, et est toute ronde, le poil blanc, jaune, noir et vert; le col long bien dix aulnes, et a la teste comme une gargouille. Elle gette feu par la gueule, qui sent le souffre, especiallement quant il tonne, et se resjouyst

tant du tonnoire qu'on l'orroit braire et crier de plus de sept lieues.

Item, en l'ysle de Sosorogo, qui est grande, en la quelle nous avons esté bien l'espace de trois sepmaines, et est auprès du pays d'Albanie, merveilleuse cyté et grande près de Alexandrie , où madame saincte Catherine fut née et où les marmotz sont. En ceste dicte ysle les vaches n'ont point de cornes ne de queue, et semblent estre painctes, et le laict qu'elles donnent semble estre vin blanc, et est aussi bon que l'on sçauroit trouver, et sont tonsées deux fois l'an^ et de la laine qu'elles portent on en fait ces draps de veloux blanc.

Iterii, les chievres ont le laict si aigre qu'il ne sert que de verjus ou de vinaigre. Les moutons ont sept cornes et deux testes, et la laine verte, et n'est loup qui en puisse approuchier, tant sont courageux ; ilz sont grans comme asnes , et ont la queue comme ung lyon. En ceste dicte ysle, les gens sont vestuz

de peaulx de pyrelmogues, qui est une beste de la grandeur d'un chat, et de longueur demye aulne; le poil de la couleur au col d'un mallart, la teste comme ung synge, la queue comme une marmote blanche, et est très excellente penne; elle conserve et garde une personne de plusieurs maladies, mais on n'en peut avoir ne pour or ne pour argent , tant est précieuse la penne de ceste dicte beste.

Item, en l'ysle de Tapilomugan, qui est auprès de Arcusie et de Samarie, où les enfans mangent leurs pères et leurs mères quant ilz sont anciens ; et est auprès du mont Ostrac, où les oliphans et les griffons sont, qui se combatentaux hommes du pays et leurfontgrande guerre, et de l'autre part le pays où les hommes vivent de l'odeur d'une pomme.

En ceste dicte ysle a une rivière grande qui descent dedans le fleuve de Eufrates, lequel vient de paradis terrestre, où l'on pesche des anguilles de quatre cens piez de long, et saillent hors de la rivière pour ouyr le son de la loure, et en la dicte rivière n'ose aller aucun

navire où il y ait point de fer, car les pierres qui sont au fons le saperoient et tireroyent au fons. En ceste dicte ysle a des oiseaulx grans comme des oes, et quant ilz sont nourriz et qu'ils peuvent voler, le père et la mère en chassent une partie, et par dueil qu'ils ont ils volent si hault que le soleil les cuyt et tue ; et puis quant ils sont cheuz on les menge, et est très bonne viande, et en y a si grant nombre qu'ilz en sont au dit pays tous reffais.

Item, au mont de Tripho, en la partie orientalle, nous avons veu ung chasteau fait d'esquailles de gouffiques et une roche de fin or d'un costé, et d'autre costé tout de cristal; de la quelle montaigne on ne voit point le couppel, et de grosseur tout entour deux lieues, et au couppel de cette dicte roche a un oysel que est plus grand que six griffons, le quel mengue tous les jours de trois à quatre beufz; et n'est homme qui se osast trouver sur terre en ces contrées à l'heure de sept ou de huyt, qu'\l va repaistre; et quant vient environ neuf heures, il s'en va à son dict lieu, et

tout le jour il chante si haultement et si mélodieusement que on l'ot de plus de 2 5 lieues, car il resonne son chant si tresfort que tous les autres oyseaulx de tout le dit pays laissent à chanter, et chacun oyseau se mussent pour la crainte et tremeur du dit oyseau. Ce dit oyseau est appelle ^ri^^'^'"^"'"- Les œufs qu'il pont sont gros comme ung baril , et ne les peut-on casser, et semble qu'ilz soient paingtz de toutes couleurs. Trois ou quatre lois la sepmaine il voile en l'air; il a les yeulx si très reluisans que il semble estre teu , et est aucunes fois bien quatre heures sans revenir. En l'air est pour regarder où il prendra sa proye; il n'espargne foible ne fort; il se boute plainement en la mer pour prendre le poisson, et s'il treuve une balaine, il la mettra à mort.

Item, au pied de la dicte roche a dix grans chasteaulx, les quelz sont tous faiz de pierres précieuses, et il y a des femmes qui les gardent; et en chacun chasteau a sept grosses tours, et en chascune tour a un grand

serpent de diverses couleurs, et moult merveilleux, et dit-on que ces sept serpens signifient les sept péchiez mortelz qui guerroient les dix commandemens que les dictes femmes gardent.

Item, nous avons esté en une autre ysle nomée Vulfepaton, en la quelle a une rivière qui descend au fleuve de Gyon, qui vient de paradis terrestre, et en ceste dicte ysle ne hante que femmes ; on ne les peut congnoistre d'avec les hommes, tant sont vaillantes en guerre. Et auprès a une autre ysle qu'on appelle Tripongalagan, et fault qu'ils passent une rivière qu'on appelle Magrouffa quant ilz veulent habiter aux femmes, et se les femmes enfantent ung filz masle, elles l'envoient demeurer avec les hommes; se c'est une fille, elles la tiennent et la nourrissent , et lui ardent la mamelle dextre, affin , quant elles sont grandes, qu'elles puissent mieulx courir la lance, car elles guerroient mieulx que les hommes.

Item, pareillement, en ensuivant toutes les

choses dessus dictes, nous avons veu ung grant et merveilleux poisson qui saulte sur la mer plus de cinquante brasses en hault et de travers; il nage plus viste et plus tost que ung oyseau ne sçauroit voler, et si a les dentz si fortes et si aguës que quant il empoigne ung batel, il le dessire et le met en pièces^ et quant on le veult appaisier, il convient sonner ung gros tambour. 11 a bien douze vingtz piez de long, et de haulteur bien quarante piez ; sa teste est toute ronde, ses oreilles pendantes plus de vingt brasses; il a treize cornes longues bien de sept aulnes; il gette feu par les dictes cornes plus de cent brasses à long; les yeulx plus gros que une chauldière à tainturier, et est couvert d'esquailles, et ot-on sonner les esquailles, quant il nage, de cinq ou sept lieues loing; il a la queue fourchéc en quatre, et fait esclisser la mer de sa queue plus d'une lieue de hault.

Mon très chier cousin, j'ay entendu que aucuns de nos gens ont veu des lymaçons qui sont gros comme des tonneaulx, et pareillement des hanetons qui sont si grans et si

ADMIRABLES. ii

merveilleux qu'il n'est homme qui y puisse demeurer.

Item, nous avons esté gettez si arrière le plus merveilleusement que jamais homme vit du vent et de l'orage, qui nous a transporté en bien peu de temps jusques au bas occident; et là nous n'avions point de nuyt, et y avons esté trois moys sans revenir, et y avons veu plusieurs et divers pays.

Nous avons esté en une grande et merveilleuse cyté, nommée la cyté de Montane, où nous avons veu une montaigne la quelle a plus de cent lieues de hault, et est ung pays de bestes sauvages, où les tygres sont, les panthères et autres bestes moult merveilleuses; et si y a des pyes qui sont plus grandes que grues, et n'est homme qui osast aller seul sans estre accompaigné de cinq ou six hommeSj pour les pies et autres oyseaulx qui sont dangereux et à craindre, et ont les dictes pies le bec long bien une aulne.

Item, en ces pays a grans torestz , et sur

tous autres arbres nous avons veu ung grant arbre le quel a plus de trois lieues de tour de ses branches, et n'en voit-on point le couppel, et est environné tout d'eaue, et le fruyt qu'il porte est long comme une andouille, et rend le jus vermeil comme sang, et n'est point de si excellent vin, et dedans chascun fruyt a une pierre précieuse qui esclère la nuyt comme le jour, et ne porte le dit arbre que de trois ans en trois ans, et auprès du dit arbre est la roche de Videquin, où toutes les bestes sauvages du dit pays vont couchier dedans la dicte roche, pour la crainte des chahuans qui leur portent guerre la nuyt, car ilz sont plus grans que griffons et sont en grant nombre.

Item, nous avons esté en ung lieu bien plus approuchable, venant vers les parties de paradis terrestre, où il y a un prestre françois, au quel prestre Jehan ou son vicaire a donné la cure de Cytrie , en la quelle le dit curé a de disme le plus excellent blé que l'on sçauroit demander, et pareillement des meilleurs vins, et tous les ans bien cinq cens

ADMIRABLES. i3

oysons,cinquanteveaulx,deux cens aigneaulx qui portent la laine verte, et n'ont plus de queue que ung cynge, et n'ont que une corne ; outre plus bien quarante barils de miel, car les mousches sont grandes comme poulies.

Item, nous avons esté au pays de Garganie par la mer Rouge, près de paradis terrestre, où nous avons veu des choses admirables, comme bestes sauvages et autres, et est le dit pays tant fertile de tous biens que c'est merveilles.

Item, nous avons veu la fronde et la pierre de quoy David tua Goliath, et plusieurs autres choses qui seroient trop longues à raconter.

Item, les poulies sont grandes à merveilles et n'ont point de creste ne de queue non plus qu'un cynge, et n'ont aussi qu'une corne, et ponnent les œufs aussi gros que oes; et y a tant de paons qu'on n'en scet que faire, si non que le dessus dit curé seroit bien joyeux qu'il y demourast plusieurs François avec