I. B : vaincus

402 Le Tyrannicide

Sur les haineux de Dieu, et combien d'estendars. Qui marchent tous sous luy, enrollcnt de soudars.

Ainsi restoit pensif, quand nouvelle on luy porte Qu'on avoit pris du Pont et l'une et l'autre porte. Soudain de grand plaisir le cœur luy tressaillit Et d'aise la parolle en sa bouche faillit. Puis à soy revenu, les assistans regarde Entamant tels propos d'une façon bragarde : « Voylà bien commencé; or sus, mes bons amis, » Faictes sortir effect ce que m'avez promis, » Alors qu'en pleins estats je fis mourir ces Princes » Qui troubloient le repos de toutes mes provinces, » Et, soubs un voile feint d'une religion, I) Provocquoient mes subjects à la rébellion » Qui règne ce jourd'huy en mes plus belles villes. » Un royaume est gasté par des guerres civilles. » J'en pris vostre conseil, combien qu'en mon esprit » J'eusse un pareil advis depuis long temps escrit; » Vous me disiez souvent, si avez souvenance, » Que rien n'apaiseroit les troubles de la France » Que de se prendre aux chefs, et que, les chefs occis. » Le trouble de l'Estat seroit bien tost rassis; » Que le peuple craintif, ayant au col la corde, » A foule imploreroit nostre miséricorde, » Et ceux que l'on verroit au mal plus obstinez y> Par le glaive tranchant seroient exterminez. » Voylà les chefs occis, et ne voyons encore » Qu'aucun de ces mutins nostre clémence implore ; » Plus tost comme lyons, qui tant plus sont pressez » Plus de rage et fureur on les voit hérissez, » Ils sont en leurs tranchés, et de façon bravasche

ou Mort du Tyran. 403

» Les uns la picque au poing, les autres une hasche » Monstrent si peu d'effroy qu'en bataillon rangés » Chacun les jugerait des hommes enragés.

» Cela ne soit pas dict pour imprimer la crainte » Es cœurs des bons soudars qui ne l'auroient empreinte; » Vous estes cent contre un, si estes aguerris » Et outre avez affaire à des gens de Paris » Qui ores qu'à les veoir soient fiers en contenance » Vous verrez prendre fuite au premier coup de lance. » Courage donc, amys, chacun en son quartier ' » Ait les armes en mains, la picque le picquier » Le chevalier sa lance, et l'archer l'arquebuse, » Affin d'escarmoucher d'une subtile ruse » Ceux qui les plus hastez sortiront pour nous veoir. » Je vous guerdonneray, si faictes le devoir, » Premier de tous les biens de mes subjects rebelles; )) Aussi vous jouyrés des femmes les plus belles » Vous aurez les maisons, les terres, les escus, » Et le pillage entier de ceux qu'aurez veincus. » De moy, je ne veux rien, que prendre la vengeance- )• Des hommes retirez de mon obéissance ; » Aux autres plus féaux, je ne demande rien, » Je les ay par escrit et m'en souviendray bien.

» Sur tout, je vous deffens me faire remonstrance » Qu'il ne faut pas punir ses subjects par outrance; » J'ay le contraire advis dès long temps estimé. » Un Prince doit tousjours estre plus craint qu'aymé. » Car on prent à mespris un Prince débonnaire » Et d'un qui se fait craindre on fait tout le contraire.