Modestie, gouvernement de soi-même

Madame Marguerite. 99

Mais tu estoys la recordation,

Sans fixion ' grandement estimée,

Et de chascun Dame de Paix nommée.

Des désolés tu estois le reffuge ; En traictant Paix par ta subtilité Dame de Paix grant et petit te juge T'as2 appaisé de Guerre le déluge Plus de troys fois par ta grande bonté ; Considérant le grant bien dénoté Qui est venu de ta noble facture, Il me desplaist de ta mort si obscure.

Gentilz bergiers, jouant les notelettes, Vos musettes laissez soubz vers buissons ; Bergerettes, qui les voix avez nettes, Chansonnettes laissez et vos musettes ; Fort doulcettes, faictes cesser les sons ; Prestres, clergons 3, en diverses façons Faicte{s) oraisons de cueur et de pensée Pour madame Marguerite trespassée^.

0 Atropos, trop ton ardure dure, Quant m'as osté de ma semblance blance Marguerite par ta laidure dure !

Las ! c'est par toy qu'en doléance lance ! Et convient-il donc qu'à la dance dance Telle Régente et que sa face fasse Partir de moy? J'ai de meschance chance Quant tu l'as fait jouer de passe passe.