I . Imp. : ces

i$6 Deffaicte de l'Armée

Suicte de ladicte Ode.

Comme une telle nouvelle Sa Majesté recevoit Estant lors à la Rochelle, En voici un qui venoit

De ces contrées Ainsi domtées, Lettres luy apportant, Et en présence De l'assistance Ceci luy racontant :

« Ce chasteau, qui faisoit teste « Et où s'estoyent retirez « Les sauvez de la deffaicte « Et les chefz des conjurez, « La ville prise « Et à sac mise, « A tost après esté

« Sans grand defence « Soubz la puissance « De vostre Majesté.

« Ces murailles estoyent pleines « De papistes Chevaliers, « De Barons, de Capitaines, « Qu'on a prins tous prisonniers, « Et puis saisie « L'Artillerie « Qu'ils avoient mis dedans, « Grande et petite,

PAPISTIQJJE DE BÉARN. I57

« Pièces d'eslite, « Qu'ores tiennent voz gens.

« Comme on faisoit ceste prinse, « On alloit encor' ailleurs « Dresser une autre entreprinse « Sur Oleron, que les leurs

« Tenir ne sçeurent, « Car voz gens l'eurent « Bien tost soubz leur pouvoir, « Forte et garnie « D'artillerie, « Telle que l'on peult voir.

« Le gouverneur aux montaignes « Ne s'en estoit pas fuy, « Mais allé vers les Hespaignes, « Qui n'actendoyent rien que luy, « Du secours prendre « Pour mieux défendre « La ville à ce besoing ; « Fort il prolonge, « Mais c'est qu'il songe « A la garder de loing.

« Poursuivans nostre victoire, « Nous allâmes droict trouver « Ceux qui restoyent à deffaire, « Pour leurs forces esprouver; « Les combatismes « Et poursuivismes « Si bien qu'entièrement « Ils succombèrent.

158 Deffaicte de l'Armée

« Et s'en sauvèrent « Quelques-uns seulement.

« Tout le pays est deslivre « De ces petiz tyranneaux, « Qui eussent mieux fait de vivre « Comme vos subjectz féaux ; « Armes, bagage, « Chevaux, pillage, « Canons, munitions, « Restent relique « Du papisticque « Camp de ces factions. »

Appran, Bayonne ennemie, Et toy, Dax, si vous sçavez, A bailler artillerie, J'enten si vous en avez,

A gens qui prendre Sçavent et rendre.

Et principalement En telle dance Sans conoissance N'entrer légèrement

Mais, si avoir des semblables Est la consolation Des personnes misérables, Vous avez occasion,

Bearnois papistes, D'estre moins tristes Car, en pareil estât, Voz gens en France