X. Imp. : droctione

DES Princes 33

Là convient- il tant de maulx endurer ,

l'ont, quant à moy, je tien que c'est grant sens

D avoir à court ung pyé hors et l'autre ens.

En grans cours fault souvent faire le sourt, Qu'on ne voit riens et qu'on ne scet parler, Aultruy servir et qu'on face du hourt, Faire plaisir, soffrir, dissimuler, Ne il n'est pas bon d y tropt séjourner ; Mais pour mieulx je consulte et consens D'avoir à court ung pié hors et l'autre ens.

Ung pié dedans, s'aucun besoing luy sourt, Fait bon avoir pour grâce demender, L'autre dehors, s'aulcun mal luy acourt, Affin qu'on puisse le péril eschever.

Vivre du sien, qu'on puisse demourer En paix de cueur ; aultrement ne m'assens D'avoir à court ung pié hors et l'autre ens.

Service n'est pas héritage.

Si comme on dit communément, Combien que aulcun avantaige (Y) treuve-on pour vivre largement.

Mais qui veult faire sagement De loing se pourvoye et se gard Qu'il ayt retrait aucunement.

Au moins qu'il ayt des fèves et du lart.

Car plusieurs foiz, (et) par faulx langage D'envie qui règne contre gens, Devient luy homs de court sauvaige.

Et de ceulx on se fioit tant.

Quant il n'a riens, lors se repent P. F. IV. 3

34 La Doctrine

Et dit qui se repent (trop) à tart De pourchasser à son vivant Qu'il ayt des fèves et du lart.

Mais les aultres, par leur oultraige, Dient par leur [...] follement Si de labour et de mesnaige Je ne prise trestout néant.

Si conseilleray loyaulment Qui de sa grâce aura part Qui se pourvoye tellement Qu'il ayt des fèves et du lart.

Trop parler nuist, aussi fait mal trop taire : Ce non pourtant je ne me puis laire De hault parler, quant je voy le contraire De loyaulté chascun jour advenir, Soûlas et joye voy muer et changer Pour les paroles que dit le mensonger.

Si ne voy nulz [quij pour loyaulté faire Vueille droiture ne raison soustenir, A decepvoir chascun se veult atraire Ne à bien faire ne veult nul convenir ; Loyaulté fault sans jamais revenir Et convoitise rêver tist en dangier, Pour les paroles que dit le mensonger.

Loyaulx amans, prenez-y exemplaire , Car se vous doit à tous appartenir; Car celle qui ma nourry comme mère Comme marraslre me veult faire finir*.