Par la révolte des Gantois

D'autant que plus elle luy est contraire. 0 quantes fois le Phénix débonnaire * S'est à ses piedz jecté sans fiction , Luy remonstrant la désolation De ses pays, tant d'argent despendu Et tant de sang des chrestiens répandu, Criant : « 0 TAigle! ô ma sœur très aymée! « Craignez-vous point d'estre partout blasmée « De ruyner toute la chrestienlé? »

Et puis au Coq : « Mary plain de bonté, « Mary très cher, mary de grand vertu, « Plus que nul autre acomply et vestu, « —Il vous plaira, seigneur, n'estre marry « Si je vous nomme et appelle mary, — « Vous suppliant oublier le meffaict « Et tout le tort que l'Aigle vous a faict, « Et pour le moins ayez de moy pitié , u Qui, sans vous veoir en paix et amytié , « Souffre trop plus qu'on ne peult estimer. » Plus en eust dit, mais ne peult l'exprimer Pour la douleur qui quasi Testrangloit, Et les souspirs que son cueur redoubloit, Dont toutes foys l'Aigle n'a tenu compte, Et, sans penser à honneur ny à honte, Ny au salut de tant de republicques, Faisant partout menées et praticques, A voulu perdre, en rendant mal pour bien, Le nid du Coq royal et ancien, Monstrant vouloir prophaner en tous lieux Toute aequité des hommes et des dieux.