Imp : se

d'un Amoureux. 2o5

Mais au ciel est, ou l'évangile ment ,

Lequel nous dict que le ciel est ouvert

A ceulx qui ont en ce monde souffert;

Pour quoy doibt bien tout droit aller aux cieulx

Lame de ce pouvre corps amoureux ,

Car il a eu maintz regretz et douleurs

Pour son maistre servir, le Dieu d'amours;

Encores plus , pour son maistre servir,

Las , il est mort; pour quoy a deservy

A démener aux beaulx Champs Elisées

Avec Thisbée , Pirramus (et) Elisée * ,

Aussi avec Philis, qui se pendit

Quant son amy Demophon l'offendit,

Car au monde n'a ung cas plus amer

Q'une dame , sans estre aysmé , amer ,

Là où il veoit clerement, face à face,

Le Dieu d'amours , duquel demande grâce

Pour son loyer pouvoir guérir les gens ,

Qui , pour rage d'amours , ont mal aulx dens.

Pour quoy prions ce corps incessamment

Que de ce mal il nous guérisse. Amen.

Finis.