Epilogue au Lecteur

!a perfection d'un ouvraige est quand en iicelluy on peult trouver plaisir et utilité. ' Or en ce livre , duquel as veu le discours par les choses précédentes, il est certain que lu n'y peulx prendre que plaisir pour les diverses sortes de verollez qui y sont, les ungs boutonnantz, les autres refonduz et engressez, les autres pleins de fistules lachrimantes , les autres tous courbés de gouttes nouées , les autres estanlz encores aux faulxbourgs de la verolle, bien chargez de chancres, pourreaulx, filletz, chaudes pisses, bosses chancreuses, carnositez superflues et autres menues drogues que l'on acquiert et amasse au service de dame Paillardise. Voilà le plaisir que tu as peu avoir en lysant ce présent livre. Le profit est que , si tu es homme de bon entendement et bien reduict à honnesteté et raison à l'exemple des malheureux qui tombent par leur luxure dissolue aux accidents dessus dictz, tu éviteras telz dangiers elinconveniens de la personne , attendu que l'homme ne faict petite injure à Dieu quant par sa dissolution et villennie il contamine ce corps tant parfaict qu'il a reçeu du Créateur, joinct que celuy est malheureux qui par sa volupté desordonnée se rend maladif et langoureux pour le demeurant de sa vie , et tombe en telle mesprisance du monde qu'il n'y a nul qui

DE DAME VeROLLE.

ne le fuye comme ung ladre et personne contagieuse. C'est doncq le fruict que recuilliras ^ en lisant ce présent œuvre, pour la congnoissance que tu auras des maulx et misères qui viennent aux verollez. Et pour ces deux raisons j'espère que ce dict œuvre ne te pourra estre que très aggreable. Adieu , lecteur.

Imprimé nouvellement à Lyon, par Françoys

Juste, le œij du moys de septembre l'an

mil cinq cens XXXIX ^.