L. Le poêle veut dire Thorairis

26o La Folye

De faire ce dont te fault repentir :

Fol est celuy qui mal veult consentir.

0 povre fol ! tandis qu'avois honneur Et que estoyes bien prisé et famé , Tu te devois tenir en ton bon heur, Sans que tumbasses à honte et deshonneur, Et que tu fusses en tous lieux diffamé. Tu as esté de maint seigneur aymé ; Mais maintenant tu es en hayne mys :

Gens misérables treuvcnt bien peu d'amys.

Si aux histoires tu veulx prendre ton somme, Et qu'en icelles tu vueilles regarder, Tu trouveras comment Tarquin de Romme Fut dcgetté pour péchez grande somme Qu'avoit commis sans se contregardcr; Bien difficile te sera d'évader Que comme lui ne sois mis en exil :

Bon faict fuir ung dangereux péril.

Si a plus fort que soy om se veult prendre, Jamais n'en peult que sa perte ensuyvir. Ganimèdes ceci nous faict apprendre Qui , par trop fort se meffaire ou mesprendre, Voulut Phebus par force aconsuyvir ; Mais de si près Phebus le voult suyvir Q'en peu d'espace luy fit perdre la vie : Qui â son maistre se prent, il faict folye*.

Penses-tu bien que toy, qui prens la voye De batailler à ton seigneur et maistre,