B : Et fait trousser

328 La Vie

II fait gaigner le tavernier.

Sainct Harenc est moult à priser.

Qui tant est renommé en France ;

Saint Harenc [si] donne pitence

Aux Carmes et aux Augustins ;

Aussi faict-il aux Jacopins.

Sainct Harenc , qui bien le nomme ,

Il est congneu jusques à Romme;

Aussi est-il en Engleterre ,

En Flandres et en plusieurs terres ,

En Bourgongne et en Auvergne ,

En Portugal et en Espaigne ,

Et du costé des grans montaignes*,

En Prouvence et en Lombardie ;

En Normendie et en Loraine ,

En Berry et en Acquitaine,

Et sur la rivière de Loire 2

Se fait porter à mainte foire 3 ;

Par le monde se fait porter.

Ce sainct, dont [vous] ouy avez,

Fust né au millieu de la mer ;

En son sainct corps n'eust point d'amer

Ne n'en mengea onc en sa vie.

De cela je vous [en] affie * ;

Mais bien souvent vouloit-il boire.