Signe du mois de décembre

DBS ESTATZ DE FRANCE. a49

Qui aux humains tousjours froidure signe, Par bon moyen faisant le saige taire, Et par climatz chassant le Sagittaire.

En ce jardin ung parc de noble fleur Tout au milieu estoit, plus blanc que fleur.

Plus redolent qu'odeur de baselic , Entour lequel couleuvre ou baselic^, Chassé d'ung ours ^, estoit par ung coslé Du noble parc , lequel a tant cousté Au jardinier qui la fleur jardinoit, Pour et affîn que mal au jardin n'ait.

D'aultre costé, ung rosier my-party De blanc et rouge' estoit au my party, Dont la blancheur n'estoit pas eslevëe Sur la rougeur exaltée et levée.

Qui m'apparust à ceste heure estre en flamme Par son ardeur, qui la blancheur enflamme Dudit rosier, dont je fus estonné Tout ainsi que s'il eust pieu et tonné Lors il eut eu ; puis souldain m'apparust Une vieille aigle ^ qui du rouge part eust.

Et prinst repeue, puis ung beau caillou tendre Fort remuoit, et taschoit à le tendre Audit jardin, faisant maint vol et cours Autour du parc, des prairies et des cours ;