Le texte

46 Epistre d'Henrt vu

Il y avoit bien plus proche séquelle Pour le garder d'estendre illecces grippes; Car les susditz Loys, Charles , Phelippes Avoient laissé des filles , dont estoient Venus des filz qui encores vivoient , Lesquels estoient plus proches que Edouard Et si n'avoient demandé tiers ne quart En la couronne et majesté royalle, Sachent de vray que, par voye loyalie, Elle devoit au sexe masculin Appartenir, et non au féminin.

Lesditz princes ouyz par les Ëstatz , Quant de raisons ilz eurent dit un tas, Fut de par eulx la matière jugée , Et de France la couronne adjugée A Phelippes de Yallois , preux et saige.

Auquel après Edouard fist hommaige Tant de Ponthieu que de Guyenne aussi , Recongnoissant qu*il estoit roy sans si ; Lequel hommaige il bailla par rescript Bien décrété , comme Tistoire escript , Par les estatz du royaulme d'Angleterre , Et pour ce appert, sans que plus on y erre Et qu'on y fasse aulcun vallable object^, Qu'Û se disoit de France vray subject , Sans y povoir plus prétendre aulcun tiltre Ne fondement à son profit y tixtre.

Ce non obstant, à Texhortation De sa parjure et faulce nation ,