Imp. : estimer

À Henry yiii. 5;

Le filz aisné de FËglise très saincte , Qui ne feit onç chose double ne faincte , Loys , nommé douziesme de ce nom , Roy de France , duquel le grand renom , L'immortel loz et la magnificence Sont acceptez par la divine essence Pour ce qu'il a le vouloir droit et juste , Et qu'il n'a fait en son temps guerre injuste. Veulx-tu vaincre le vainqueur des Ytalles, Le surmonteur des promesses fatalles.

Qui la ville de Gennes a soubmise^ Dessoubz sa main et pouvoir admirable.

Que l'on disoit partout estre imprenable?

Entreprens-tu surmonter la fortune De ce bon roy par surprinse importune , Qui a vaincu par ses armes bellicques Trois batailles plus grans que les Puniques , Et en trois ans a eu plus de victoires , Plus de triumphes et louenges notoires Que les Rommains n'eurent en quarante ans Durant le temps qu'ils estoient si puissans? Yeulx tu vaincre la force magnanime Desdits François? Yeulx tu limer la lyme Qui a lymé du monde les monarques?

Si tous leurs fais tu notes bien et marques, A commencer à leur premier empire.

Tu trouveras que Romme devint pire Par leur venue, et qu'en moins de cent ans Lesditz François , l'art d'armes bien sentans ,