Imp. : leurs

DE Malheur. 125

Bon Temps pour Labeur a tant faict Que ses labeurs sont bons et beaulx, 5 ^

Tant qu'on peult congnoistre de faict Que l'on mengeut des bledz nouveaulx.

Les adveines pour les chevaulx Sont toutes prestes à faucher, Si Bon Temps se veult eschauifer. 60

Bon Temps le peuple ayme très fort ; Bien luy a donné à congnoistre; Au besoing luy a faict confort, Ce qu'est tenu de recongnoistre, Car si se vouloit descongnoistre 65

A Bon Temps feroit grant deshonneur, A qui doibt porter tout honneur.

Bon Temps a bien faict modérer Tous vivres et mettre à bon pris ; Tout il a faict ramoderer; 70

De cela il ne sera reprins.

Car, tout calcullé et comprins.

Le monde* avoit tant affaire Que à ce ne povoit satisfaire.

Bon Temps, le vin à six deniers 73

La pincte a mis, vallant trois blancs, Et le bled qu'estoit aux garniers.

Le septier, qu'on vendoit six francs, L'on a pour quarante grans blancs ; Dedans Paris, veille Sainct Pierre, 80

Plus n'a vallu sans plus enquerre.