Imp. : séduire

Saingt Innocent. 69

Seigneurs et dames, qui avez voz subgectz Demy rongez, vous serez deslogez, Car jà forgez sont les glaives de Mort.

Où pensez-vous à fin de estre logez, Gens enragez? Vous serez corrigez, Par vers mengez, sans remède ny port, Soit faible ou fort, tant à droit comme à tort.

La Mort tout mord de cruelle morsure.

Sy de ce monde estes les gouverneurs, Maistres, seigneurs, et avez les honneurs, Grans et mineurs, et tenez tout en craincte.

Non plus que nous n*estes de mort asseurs, Frères et sœurs, et vous eu tenez seurs , Quant transgresseurs [vous] estes de foy saincte; Ce n*est pas faincte*, car maint y a et mainte, Dont la complainte est devers Dieu offerte; Paîez serez selon voslre déserte.

Contre la Mort n'ont pouvoir voz gens d'armes, Âssaux, vacarmes, lances, vouge ou guisermes ; Ung escu ferme rien ne craint, ne redoubte.

Par tout se boute, sans craindre voz baux termes , Voz pleurs, vos larmes, voz combatz ou clameurs ; Fussiez-vous Carmes^ grans ou petis ne doute; Â [un] chascun se combat somme toute ; Jamais n'escoute pleurs d'enfans ne d'amys ; Sur tous a droit, car D^eu luy a parmis.