Ce qu'appellent ceux quis^nt depuis loDg*tempf en voyage
292 La louenge
L'espargne des richesses pures , Alegement en tous dangiers.
Daines sont ung patron en terre De toutes mondaines doulceurs , Le peurpris où chascun peut querre Perfection de tous honneurs, Le vivier des dignes humeurs , ^ Fleuve dont toutes vertuz yssent , Parfonde mer de tous honneurs Où toutes bontez se nourrissent.
Dames sont anges de visage En leur maintien celestiennes , Déesses en faitz de corsage, En parler plus que terriennes , En leurs œuvres colhîdiennes, Doulces c6tnme chant de seraine , De tant de haultz biens gardiennes Que chascune veult estre royne.
Dames sont ung ciel de liesse , Ung paradis de courtoisie, Ung droit abisme de largesse , Ung doulx vergier de noble vie , Ung manoir plein de mélodie , Ung mur de ferme contenance , La vie de pitié fleurie , De foy , d'amour et d'astinence .
Dames sont, plus que nulle rien, Maintenans leur vie en sobresse.
ET BEAUTÉ DES DaMES. agS
Adressans leur courage en bien ,
Et leur vie parfaite humblesse
A devocion, à simplesse.
Et à compassion piteuse
Vers ceulx qui vivent en destresse
Par fait de fortune doubteuse.
Dames sont d'un savant parler, D'un doulx penser, d'un net courage, D'un beau maintien sans chancelier.
D'un amoureulx et doulx language, Où Nature par héritage Honte et crainte a fait loger , Hardiesse de cueur volage Sur tout d'entr'elles esloigner.
Bouche ne peut monstrer ne dire.
Entendement ne sens comprendre , Ne cueur penser, ne main escrire, Ne^parchemin, ne livre prendre , Ne nul hault chemin entreprendre , Sentement ne science d'ame , Ne tous les clercs du monde aprendre , La valeur d'une vaillant dame.
C'est ce qu*on ne peut trop louer Ne trop chérir sans nul amer, Ne trop priser ne advouer, Ne trop ne assés reclamer.
Trop exaulcer ne trop clamer, Ne trop honnorer en tous lieux , Ne trop servir ne trop aimer, Après Dieu et les saîntz des ciçulx.
vv^ «»
294 La locenge
Dames valent mieux mille fois Que Tulles^ en son beau language, .
Ne que Hector le Troyannois , Ne Hercules en vaisselage , Ne que Âbsalon en son courage, Ne que Priam en sa richesse , Ne qu'en sens Salomon le sage , Ne qu'Àlixendre en sa largesse.
Se ung hom avoit la bonté De David et magnificence »
Et de Narcisus la beauté • Et d'Abraham l'obédience, Et de Job la grant pacience , Et d'Achilles* le hault vouloir, Pour avoir sa benevolence , A peine le pourroit valoir.
Dames sont ung trésor itel Que, si Dieu , qui est immortel Et en puissance tant abonde , Mille fois plus bel en son es.tre Que n'est le paradis terrestre.
Tant que tout le lymon de terre * Qui soubz les cieulx s'amasse et serre , Qui est gros, rude, vil et dur, Fust tout vermeillon et azur.
Et tout quant qu'il y a dessoubz, Roches, pierres et cailloux ,
