LE ROY A LA ROYNE D'ANGLETERRE

— du xxie jour de septembre 1572. —

Nécessité où s'est trouvé le roi de permettre l'exécution de la Saint - Barthélémy. —Créance remise à l'ambassadeur pour donner à Elisabeth toutes les explications nécessaires.

Très haute , très excellente et très puissante Princesse , nostre très chère et très amée bonne sœur et cousine , le Sr de Walsingham , vostre conseiller et ambassadeur résidant par deçà, nous a présenté les lettres que nous avez escrites, le xije de ce moys, et, avec ceste occasion, nous a faict entendre ce qu'il vous sembloit de l'esmotion naguières adveneue en ceste nostre ville de Paris ; laquelle s'est faicte , et avons esté contrainct y lascher la main à nostre très grand regret , pour éviter le danger éminent de la conspiration faicte en nostre personne et estât, ainsy que la vérité vous en a esté déclarée par le Sr de La Mothe Fénélon, nostre conseiller et ambassadeur résidant près de vous ; ayant encores fort bien satisfaict vostre dict ambassadeur sur ce qu il nous en a dict, ce jourdhuy, comme nous nous asseurons qu'il vous en advertira avec les roesmes parolles que luy avons dictes, qui vous seront aussy déclarées par le Sr de La Mothe Fénélon ; auquel nous en escrivons1 , vous priant, de bien bon cœur, le croire de ce

1 Voyez la lettre suhraate»

qu'il en Taira entendre de nostre part, et pareillement, sur le retour en Angleterre du dict Sr de Walsingham, comme vous fériés nous mesmes ; qui prions Dieu , très haute, très excellante et très puissante Princesse, nostre très chère et très amée bonne sœur et cousine, vous avoir en sa saiucte et digne garde.

Escrit à Paris, le xxje jour de septembre 1572.

Vostre bon frère et cousin.

CHARLES. pinari.

LE ROY A Mr DE LA MOT HE FÉNÉLOiV.

— du xxne jour de septembre 1 572. —

Satisfaction du roi au sujet de l'audience dans laquelle l'ambassadeur a rendu compte & Elisabeth delà Saiat* Barthélémy,— Protestation du roi qu'il veut rester en paix avec l'Angleterre , et continuer la négociation du mariage. — Explication sur la nécessité où s'est trouvé le roi de souffrir les massacres de la Saint-Barthèlemy. — Assurance que les Anglais trouveront toute protection en France pour leur commerce. — Affaires d'Ecosse. »— Négociation du mariage. — Nécessité d'empêcher la réconciliation d'Elisabeth avec le roi d'Espagne.— Audience accordée à Walsingham par le roi et la reine-mère. — Nouvelles explications des causes de la Saint-jBarthèr lemy. — Résolution du roi de faire punir les auteurs des massacres de Rouen.

Monsieur de La Mothe Fénélon, il n'eust esté possible de pouvoir mieux à mon gré, ny plus véritablement, parler à la Royne d'Angleterre, ma bonne sœur et cousine, et aux seigneurs de son conseil de ce qui est adveneu dernièrement, à cause de la damnable conspiration du feu Admirai et de ses adhérans, que vous avés faict, comme j'ay veu par vostre fort ample et dernière dépesche du xmjc de ce moys !, espérant que, sellon ce que je vous ay depuis escrit, des premier, ije5

* Voyex cclxxiv* dép., tom. v, pag, 120.

— 356' — nje et vij* de ce dict moys ! , vous aurés encore eu audiance de ma dicte bonne sœur et cousine; et que, continuant, par elle, en la bonne disposition où vous l'aviés laissée, ainsy que j'ay veu par vostre dicte dernière dépesche, elle aura esté beaucoup confortée en la vérité des choses comme elles sont passées , tant par ce que la Royne , Madame ma mère , et moy en avions amplement dict et déclairé , ces jours îcy , en deux audiances à son ambassadeur, qui n'aura pas failly de luy escrire, que encores par vous selon le contenu en nos dictes dépesches; et comme je ne désire rien tant en ce monde que continuer en la parfaicte et sincère amytié d'entre elle et moy et nos commungs subjects, comme j'espère, de sa part , qu'elle voudra bien faire ; car aussy n'a elle aucune occasion de s'en désister pour infinyes raisons que vous aurés veues par nos dictes lettres, qui ont esté dictes par ma dicte Dame et Mère et moy au dict ambassadeur, desquelles je ne doubte pas qu'il n'aye bien amplement escript à saMaistresse comme il a accoustumé et que c'est son debvoir. Mais, le voyant sy affectionné en sa religion, je craincts aussy un peu, à présent, plus que je ne soulois, qu'il y aura meslé de la passion extrême où nous l'avons trouvé au commancement des dictes deux audiences à cause de la mort de l'Admirai et des autres, avec lesquels, possible, ilconféroit souvant, et qu'il aura peult estre changé la façon qu'il avoit accoustumé d' escrire à sa Maistresse pour entretenir et fortifier nostre bonne amytié et conduire le faict du mariage d'elle et de mon frère, le Duc d'Alençon. Toutesfoys j'estime qu'aïant bien considéré la vérité des choses, ainsy qu'elles luy ont esté sy sincèrement déclarées et

' Les lettres des 1", 2 et 3 septembre manquent.

représantées, qu'il retournera tousjours en cello à sa première bonne inclination; car aussy, ainsy qu'il nous a dict, son advis est que sa dicte Maistresse se doibt maintenant plustost lier et fortifier d'amytié avec nous qu'auparavant que cecy advint par les raisons emplement portées par nos dictes dernières dépesches , auxquelles je m'en remettray, en attendant que j'aye parlé au dict ambassadeur, qui nous feist hyer dire qu'il avoit eu lettres de sa dicte Mestresse , sur lesquelles il demanderoit bieritost audience.

Geste çy sera premièrement pour vous dire que vous asseurerés, de ma part, la dicte Royne que , quelque chose qu'elle vous ayt dict, il ne faut pas, s'il luy plaist, qu'elle . croye que personne de ce monde ayt jamais tant de pouvoir envers rooy que de me faire en rien diminuer et desmouvoir de la vraye amytié que je luy porte, et que je la prye d'estre tousjours aussy ferme envers moy et les miens que je veux estre et demeurer à jamais en son endroict; que, quand aux deux poinctz qu'elle vous a dict qu'elle desiroit, pour l'amitié qu'elle me porte, que je feisse : le premier, sur ce qu'elle désire que j'esclaircisse de mesmes elle, les princes et potentats de la Ghrestienté, de ce faict, affin qu'ils demeurent bien édifiés que ce n'a esté nullement de mon costé que la foy et promesse envers mes subjects de la dicte relligion a commancé à se rompre , mais que ce a esté de leur part ; et que , pour l'autre poinct , je maintienne par effaict, à ceux de la dicte religion qui n'ont esté de la dicte conspiration, mon édict dernier de pacification :

Sur quôy vous aurés à luy dire que , par cela , je cognois l'amitié qu'elle me porte, qu' aussy se peult elle réciprocquement asseurer de la mienne , et qu'aux choses que je verray qui luy importeront, je luy donnera y, en sembla-

— •368 — ble, le mesme advis et conseil en ma conscience que je Youdrois prendre pour moy; qui ay, dès lors mesme que les choses adveinrent, faict entendre aux princes et potentats, mes amys, alliés et confédérés , à lo vérité comme toutes choses sont passées en cecy, de sorte que j'estime que touts en demeurent bien édiffiés; ainsy que je m'asseure qu'elle faict de sa part.

Et quand à l'aultre poinct, concernant l'entretènement de mon dict dernier édict , voyant que beaucoup de mes subjects d'ioelle religion , qui n'estaient de la dicte conspiration, se départaient d'eux inesmes fort volontairement de faire les presches et assemblées que je leur avois permises, pour ce qu'ils ont veu certainement que, soubz coulleur d'icelles, les mauvais d'entre eux y. ont faict les menées et praticques de ceste malheureuse conspiration résolue, et sy preste d'exécuter que je n'ay eu loisir de les en faire punir par justice comme j'eusse bien voulleu, mais permettre de faire sur eux ce qu'ils vouloient faire sur moy, sy je ne les eusse prévenus , j'ay faict différer les dicts presches et assemblées jusques à ce que autrement en soit par moy ordonné , et que je verray comme toutes choses se passeront ; laissant néantmoîns chascun vivre en sa liberté, doucement en sa maison; qui est ce qui m'a semblé debvoir faire pour le meilleur ordre que j'eusse peu donner pour retenir et arrester le peuple catholique, tant animé contre les dicts de la religion prétandue refformée, de leur courre sus.

Et quand aux deuxpoincts dont ceux de son conseil vous ont aussy requis qu'ils feussent esclarcys : l'un, de la seureté que leurs marchands pourraient trouver à Bourdeaux, a II ans pour les vins; et l'autre, de ce qu'ils ont à penser de

l'armée du Sr Strosse; vous les asseurerés, quand au premier, que, incontinant que je veis ces dernières esmotioné, je feis publier par touts les ports et havres , et autres endroicts de mon royaulme , où besoing estoit, la déclaration et deflence que je vous envoyé. Et encore» que je suis très asseuré que nul marchant estranger ne sera travaillé ny empesché en mon dict royaulme, mais, suivant la dicte publiquation, reçu eu toute seureté et liberté, toutesfoys j'ay encores envoyé réitérer les dictes deffenses et faict spécialle mention des marchands angloys qui viendront à ceste flotte pour les vina , tant à Bourdeaux que ailleurs, de sorte que vous pouvés hardiment asseurer les dicts seigneurs du conseil d'icelle Royne que ceux de leur nation peuvent aussy librement et seurement commercer en mon royaulme que mes propres subjects;

Et que , quand à Tannée du Sr Strosse, que j'ay Mcen lié touts les gens de guerre qui y estoient , ne restant que mes gallère? que je ne puis renvoyer en ceste saison du costé de Marseille, comme je fairois, sy le temps n'y estoit contraire, asseurant à ce propos ma dicte bonne sœur et cousine , la Royne d'Angleterre , et les dicts seigneurs de son conseil , que f tout ainsy que je tiens pour certain que ce qu'elle arme maintenant par mer et par terre n'est pour entreprendre contre moy, qu aussy peult elle croire , sur mon honneur, que sy peu que j'ay de forces ensemble ne sont que pour garnir mes frontières , voyant mes voisins armés; et au demeurant que j'ay tant de bonne affection à l'entretènegient 4e mon dernier treicté que , sy elle a affaire d'aucune chose que je puisse, elle en sera, sellon l'intention d'icelluy , de très bon cœur et promptement secourue , comme aussy en espéray je et me promets le

semblable d'elle, que je ne faudrois pas de requérir, s'il se présentait occasion où j'en eusse affaire; et que, si besoin est, je confirmeray encores par escript et serment, icy, es mains de son ambassadeur, et elle réciproquement es vostres, de dellà; mais je ne voy pas qu'il soit nécessaire, car il n'a rien esté, en façon que ce soit, altéré ny innové en nostre dict traicté.

11 fault pour l'accomplissement d'icelluy achever de disposer le faict du commerce et la paix d'Escosse , en quoy je vous prie de ramentevoir ma dicte bonue sœur et cousine, la Royne d'Angleterre, et ceux de ses ministres à qui elle a commis le faict du dict commerce, affin qu'il soit du tout résolu et arresté, estant très aise que ce que me mandés qu'elle et les dicts de son conseil ont accordé, d'incister fermement en Escosse , se face promptement et sans feinte, à ce que la ville de Lislebourg soit rendue et remise en Testât qu'elle estoit, comme aussy le faut il, autrement la dicte Royne etmoy y serions interressés pour nostre réputation; et aussy que l'interprétation de l'article porté par la suspension d'armes : que « chascun rentrera en sa maison » s'entende des biens tant ecclésiastiques que temporels; et que la dicte suspension sera encores continuée pour deux moys. C'est un moyen pour composer avec assés de loysir les affaires d'Escosse ; mais il faut bien expressément, suivant ce que je vous en ay cy devant escrit et aussy au Sr Du Groq, que vous preniés garde touts deux que ceste négociation d'Escosse se face rondement, et que l'on marche de pied droict, de la part d'icelle Royne et du party des comtes de Mar et de Morton , advertissant le capitaine Granges de se garder de surprise au chasteau de Lislebourg, leur estant allé Quillegrey au dict pays d'Es-

cosse pour négocier. H est à doubter que le Sr de Drury s'est retiré en sa charge de la frontière de Warvic pour assembler des forces de ce costé là, aussy bien qu'ailleurs, puisque sa Mestresse arme, et vouldra prendre coulleur que c'est pour se tenir sur ses gardes aussy de ce costé là. Il sera besoing d'y avoir l'œil bien ouvert, car, tout ainsy que je procède rondement avec elle, sellon nostre traicté, pour mettre l'Escosse en paix et repos, n'assistant poinct plus un party que l'autre, je ne vouldrois permettre que ceux du bon party feussent interressés, et qu'il se feist quelque surprise et désadvantage sur eux, comme l'on a faict delà dicte ville de Lislebourg; car, en ce faisant, je perdrois du tout les alliances que mes prédécesseurs et moy avons, de sy longtemps, de ce costé là; ce que je vous prie dire franchement à la Royne et à ceux de son conseil, afin que , de leur part, ils y facent procéder aussy sincèrement comme je faiz du mien , et que , avant tout œuvre, la dicte ville de Lislebourg soit rendue et les articles de la dicte suspension entretenus.

J'ay veu aussy ce que me mandés des propos qu'a vies eus, à vostre dernière audiance, du dict mariage d'icelle Royne et de mon frère d'Alençon; en quoy j'estime que, pour ce qui est adveneu, elle ne s'en doibt nullement départir, mais, au contraire, comme je vous ay escrit que nous a dict son ambassadeur, elle a plus d'occasion de le faire qu'elle n'avoit auparavant pour les raisons que je vous ay mandées amplement. Nous attandons la résolution qu'elle prendra sur les ouvertures que luy aurés faictes de l'entreveùe, pour laquelle la Royne, Madame et Mère, sera tousjours preste, ainsy qu'elle vous a escript. Mais s'aprochant bientost l'arrière sayson , que les vents sont grandz , et la

mer mal aisée, il sera besoing que bientost elle s'en résolve, sy jà elle ne Ta faict, afin que la dicte entreveue se face dans le vingtiesme du moys d'octobre prochain que le temps ne sera poinçt encore mauvais. Voullant aussy que, par mesme moyen et à ceste occasion , vous la priés, de ma part 9 de ne changer la délibération qu'elle avoit prinse d'envoyer par deçà, après l'accouschement de la Royne, ma femme , le comte de Lecestre ou le milord grand trésorier ; car elle se peut asseurer qu'il n'y veint de longtemps, de quelque part que ce soit, seigneur qui de meilleur coeur et de plus grande affection feust receu que l'un d'eux sera, s'il luy plaist de l'y envoyer, la priant d'oster toutes opinions de double et de danger de leurs personnes ; mais, au contraire , l'asseurer qu'ils seront fort volontiers veus de touts mes subjects, et que toutes bonnes réceptions et caresses, qu'ilz se peuvent penser, leur seront faictes, premièrement pour l'honneur d'elle, et puis pour la considération de leurs qualités et de leurs personnes que je désire grandement voir, et dont j'ay aussy grande et bonne estime que de nuls autres que je saiche auprès de prince ou princesse de la Ghrestienté ; m'asseurant que, sy l'un des deux y venoit, il y auroit toujours meilleure et plus grande espérance au mariage pour ce que , suivant ce que m'avés cy devant escrit, (en quoy je voy grande apparence), la dicte Royne se fiant du tout en eux comme elle faict, et les envoyant, l'un ou l'autre, ce seroh autant pour la conclusion du dict mariage que pour nulle autre chose.

Je fairay prendre garde à ce que la dicte Royne faira négocier en Flandres sur la persuasion que luy a faicte Guaras ; mais je désire bien fort , comme je vous ay cy devant escrit en chiffre , que vous empeschiés, le plus que

vous pourrés , la réconcilliation et accord de ce costé là , et, au contraire, que fassiés ce que pourrés pour l'acheminer et advancer en l'entreprise et délibération qu'elle avoit du costé de Flexingues : à quoy, à vous dire vray, je l'eusse foumentée sans la descouverte de la malheureuse couspiratiou du dict feu Admirai.

Monsieur de La Mothe Fénélon , despuis ceste lettre escrîte , le dict Sr de Walsingam, ambassadeur de ma dicte bonne sœur et cousine, la Royne d'Angleterre , a faict ce matin demander audience, que luy avons donnée ceste après disnée. Il est premièrement allé devers Ma dicte Dame et Mère , luy aïant faict entendre, comme à moy, que la dicte Royne , sa Mestresse , luy avoit fait responce sur ce qu'il luy avoit escrit, et que vous luy aviés , de ma part, dict par dellà, pour la conspiration de l'Admirai et mort de luy et de ses adhérans ; ce que véritablement elle avoit trouvé merveilleusement estrange, du commancement, mais qu aïant veu ce que luy avions faict entendre de la dicte conspiration, que, incontinent après, elle s'estoit remise, disant toutesfois qu'il eust esté trouvé plus à propos que j'en eusse faict faire la punition exemplaire par justice que de la façon qu'elle a esté exécutée ; et a dict davantaige à Ma dicte Dame et Mère que sa dicte Maistresse s'esbahissoit encores plus comment Ma dicte Dame et Mère spéciallement avoit permis que la dicte exécution s'en feust faicte ainsy , et que , cognoissant que les troubles ne sont pas encores bien appaisés de deçà, et luy n'y estre pas, à son advis, bien en seureté, pour ce que le peuple ne se peut garder de mesdire à ses gens , et aussy qu'il a en Angleterre aucuns particuliers affaires pour le service de sa dicte Maistresse ,

quelle luy a voit, pour ces raisons /mandé prendre congé de nous et se retirer pour quelque temps par dellà , laissant icy son secrétaire pour recevoir nos commandementz jusques à ce que toutes choses fussent mieux appaisées par deçà. Et, parlant à moy, il m'en a, peu après, autant dict, et m'a baillé une lettre de ma dicte bonne sœur et cousine, sa Maistresse, contenant cella mesmes.

Sur quoy, Ma dicte Dame et Mère et moy luy avons particullièrement respondu : quant au premier poinct , que véritablement nous pensions que sa Maistresse se seroit, au commencement, bien esbahye de la mort du dict Admirai, mais aussy qu'aïant sceu comme cella estoit passé , et comme luy et ses adhérans s'estoient tant oubliés que, qui ne les eût bien soudain prévenus, ilz estoient tous prests de faire sur nous la mesme exécution qui a esté faicte sur eulx , que je m'asseurois que la dicte Royne et tous ceux qui en ouyront parler ne pouvoient qu'ils n'approuvassent ce que j'ay à mon très grand regret permis, et que j'eusse très volontiers et fort désiré pouvoir faire faire par justice, n'eust esté que le temps estoit si bref que je n'en avois pas eu le loisir , ayant esté contrainct, avec grande occasion, de prendre ceste résolution; voyant que Pardaillant, qui estoit l'un de leurs premiers et principaulx cappitaines des plus favorisés , et qui estoit ordinairement près du dict Admirai, estoit venu dès le matin avec quarante hommes , pensant surprendre la porte de la court des cuisines de ce chasteau , comme il eust faict, n'eust esté que nous estions desjà levés sur l'advertissement que j'avois eu de ceste malheureuse conspiration, en laquelle par cella je feus davantaige confirmé; ayant un extrême regret de veoir qu'ils se feussent tant oubliés, considéré les faveurs et honneurs que je leur avois

tousjours faicts, et qu'encore je leur avois sy volontiers permis avoir et porter des armes , et faict bailler logis à leur commodité, ainsy qu'ilz avoient voulleu, pensant qu'ils les demandassent pour leur seureté ; ayant aussy à ce propos respondu au dict ambassadeur qu'il n'y avoit pas grande apparance de pouvoir faire faire le procès à un homme qui avoit trente mil hommes de pied et quatre mil chevaux tousjours prests en ce royaulme à son commandement , et qui debvoit estre le uje de ce moys à Meleun, ayant desjà aussy vingt enseignes toutes prestes en Champaigne ;

Et quand au congé que icelluy ambassadeur nous demandoit, et que la Royne, sa Maistresse, nous escrivoit luy accorder , que , s'il s'en alloit sans que sa dicte Maistresse envoyât un autre ambassadeur de qualité en son lieu, que soudain je vous révocquerois aussy; mais que je ne croyois certainement qu'il ne se pouvoit faire, de sa part, chose qui feust plus mal à propos pour ce que chascun penseroit qu'il y eust altération en nostre traicté , bonne amitié et intelligence, et qu'après cella il ne falloit pas penser que noz subjectz et ceux qui avoient à aller et venir en noz royaulmes et pays ne f eussent, d'une part et d'antre , en crainte, et pour ce, qu'il y pensast : car, au contraire, il nous sembloit qu'il falloit achever de résouldre le faict de l'entrecours et commerce d'entre noz subjectz suivant nostre traicté, et, au demeurant, que, s'il pouvoit faire monstrer et vériffier , par deux tesmoingz seullement , que nul de mes subjectz eût médit au moindre des siens, qu'il en verroit , à une heure de là , faire justice exemplaire devant la porte de son logis.

Sur quoy il nous a dict , principalement à Ma dicte Dame et Mère, qu'il advertiroit de tout ce dessus la dicte Royne

— dm —

sa Maistresse , et que , selon la responce qu'il eu auroit d'elle , il nous la feroit entendre et se disposeroit ; ayant cependant, affin de le gratifier, commandé que Ton luy baille , comme Ton fera , quelque plus grand logis que celluy où il s'est retiré en la ville.

Au surplus, Monsieur de la Mothe Fénélon, ayant sceu que le menu peuple de ma ville de Rouen qui avoit esté, suivant ce que j'avots dilligemment escrit , fort bien conteneu et gardé de ne courre sus à ceulx de la dicte religion , feit mècredy dernier une entreprise secrette , lorsque l'on ne s'en doubtoit aucunement, sur les dicts de la religion qu'ils allèrent chercher tant dedans les prysons que en leurs maisons , et en tuèrent , à mon très grand regret et desplaisir, aucuns, dont je suis infiniement marry, j'ay, à l'instant, escrit au Srde Garronges, mon lieutenant général , et à ma court du parlement du dict Rouen, ( qui firent tout ce qui leur feust possible pour èmpescher ceste esmotion), d'en faire faire si bonne et prompte justice qu'elle serve d'exemple en la dicte ville et eu toutes les autres de mon royaulme , comme je m'asseure qu'ilz fairont ; mais pour ce, que je crains que cella divertisse les marchands engloix de. continuer d'aller et venir ou dict Rouen pour le commerce , j'ay faict faire aussi spécialement mention des dicts Englois. Je y ay encore» de rechef envoyé faire republier la déclaration de la liberté du commerce, et faict faire aussy spécialement mention des dicts Engloys, de sorte que je m'asseure qu'ils y seront autant ou plus respectés et en aussi grande surette et liberté que mes propres subjects catholiques ; et ne doibvent aucunement les dict Engloys ny aultres étrangers en entrer en doubte. Ce que je vous prie trouver moyen

de faire, le plus tost que pourrés, entendre à ma dicte bonne sœur et cousine, la Royne d'Angleterre; la remettant, sy elle s'en faschoit , le plus que pourrés , et l'asseurerés que je ne seray point à mon aize que la justice n'en soit bien faicte exemplairement, comme il faut croire qu'elle sera sur ceulx qui ont machiné la dicte entreprise, laquelle est très meschante et malheureuse, et comme telle, et estant contre mon intention , aussy ne demeurera elle pas impunye , ainsy que vous entendrés cy après ; priant Dieu, etc.

Escrit à Paris, le xxije jour de septembre 1572.

Je vous envoyé la responce que je fais à la lettre de la dicte Royne, laquelle luy présenterez. Vous verres ce qu'elle contient par le double que je vous envoyé, qui est quasy de créance , principalement sur la requeste que m'a faicte le Sr de Walsingam de luy donner congé , dont vous emploirés vostre dicte exécution sur le contenu cy dessus qui est ce que avons dict sur cella au dict Walsingam.

CHARLES. pinart.

LE ROY A Mr DE LA MOTHE FÉNÉLON.

—du ive jour d'octobre 1572. —

Conférence avec Wateiogbam. —Nouvelle déclaration du roi sur la Saint- Barthélémy.— Nouvelles protestations d'amitié pour Elisabeth.— Assurance que l'armée de Strozzy est rompue. — Regret manifesté par le roi à raison de rarrestatkm faite de vaisseaux anglais. — Sollicitations de Walshigttam en faveur du vidame de Chartres. —Vives recommandations en faveur de Marie Stuart.

Monsieur de La Mothe Fénélon ? j'ay veu par vostre

ample dépesche du xxixedu passé1, comme les accidens qui sont advenus à Lyon et Rouen, et ce que Ton a dict, contre vérité , avoir esté faict à mon chancellier, semblablement aussy quelques prises qui ont esté faictes à Bourdeaux d'aucuns des vaisseaux des marchans-anglois, a grandement aigry les gens du conseil de la Royne d'Angleterre et faict incliner les humeurs d'aucuns à dissuader ouvertement d'entendre à une confédération avec moy. A quoy vous avés sceu et sy bien et prudemment répliquer, ensemble à tous les autres propos que vous a tenus la Royne d'Angleterre, ma bonne sœur, qu'il ne s'y pouvoit estre rien dict de mieux pour la modérer et remètre un peu de la mauvaise impression qu'elle a prise de mes actions; s' estant terminé ce que vous avés négocié avec elle en la responce qui vous a esté baillée par escrit par les gens de son conseil.

Sur laquelle je vous diray que le Sr de Walsingham me fit dire, avant hyer, qu'il avoit heu respouce de ma dicte bonne sœur sur les trois poinctz qu'il luy avoit faict entendre, et qu'il desiroit , à cause que son indisposition ne pouvoit pas porter qu'il me vînt trouver, que je depputasse quelcung pour aller devers luy. Et, y ayant envoyé le Sr de Mauvissière et le secrétaire Brulard, il leur fist un tout semblable récist que celluy qui est contenu en l'escript que m'avés envoyé , afin de le me fère entandre et luy randre ma responce; ce que j'ay faict, ayant esté telle : que, quand au procès concernant la vérification de la conspiration du feu Admirai, il s'instruit touts les jours, et pance l'on que, dedans quelque temps, il sera parfaict, mais la seule

1 Voyez ccLxxvl• dép., tom. v, pag. 138.

parolle et asseurance que j'ay donnée à la Royne, ma dicte bonne sœur, d'avoir esté justement mu de faire faire ce qui a esté exécuté à l'endroict du dict feu Admirai et de ses complisses, luy doit suffire et satisfaire à son jugemant, autant que tout autre preuve qui se pourroit exiber juridiquement faicte, n'y ayant personne au monde qui soit meilleur et plus certain juge que moy du bon traictement ou de la punission que je dois faire à mes propres subjectz , pour estre plus certainement informé que nul autre, comtne celluy à qui il touche de plus près, de la vérité de leurs déportemens, ainsy que j'ay esté assés de ceux du dict feu Admirai , qui m'a faict cognoistre qu'il estoit très digne de mort pour les maleureux dessains, qu'il avoit en l'entendement, à la subversion de mon estât.

Et pour le regard du second point, concernant la continuation de nostre amitié, je prenois au plus grand plaisir, que j'eusse sçu recepvoir, d'entandre l'asseurance que ma dicte bonne sœur m'en donnoit de nouveau, et de se montrer , en ce regard , autant affectionnée à mon endroict que je montrois au sien : qui me confirme de plus en plus en la bonne espérance, que j'ay ci devant eue, qu'il ne surviendra aucune ocasion qui puisse porter altération à nostre dicte amitié; car je suis délibéré de luy faire cognoistre, plus que jamais , que je luy suis vray et sincère amy, par tous les meilleurs et plus amiables déportemens que je pourray, ainsy que mes effaitz , vrais juges de mon intention, en rendront bon et certain témoniage; m' estant advis que , pour en faire naître entre nous une plus ferme confidence , il n'y avoit point de meilleur moyen que d'effectuer le mariage de mon frère, le Duc d'Alançon, dont il a esté ci devant parlé à ma dicte bonne sœur, lequel la