DISCOURS DE LA BATAILLE

donnée par Monseigneur , Duc d'Anjou et de Bourbonnoys , frère du Roy , et lieutenant général pour Sa Majesté , par tout son royaume et terre de son obéissance, contre les rebelles de sa dicte Majesté, le xmj« jour de mars mil vc soixante neuf, entre la ville d'Angoulesme et Jarnac, près d'une maison, nommée Vibrac , appartenant à la dame de Mézières '.

— du xxr3 jour de mars 1569. —

( Archives du royaume , fonds de Symancas , carton K. 1391. 2?.— liasse 28, pièce 9.)

Relation de la bataille de Jarnac, livrée le 13 mars 1569.

Il fault premièrement sçavoir que , depuys que Monseigneur est party de Ghinon , avecques touts les princes , seigneurs et cappitaines /qui l'ont, dès le commencement des troubles , accompaigué , et de toutes ses forces , pour venir retrouver le Prince de Condé et aultres rebelles subjectz de Sa Majesté , iceulx se sont toutjours retirés, petit à petit, dans le pays par eulx conquis , pour fuyr le combat, lequel ilz cognoissoyent que Mon dict Seigneur alloyt cherchant ; de façon que Mon dict Seigneur , pour l'extresme désir qu'il avoyt de les combatre et joindre , estoit e»tré dans leur dicte conqueste , il y avoyt jà longtemps , quand se retrouvant à Verteuil, maison du comte de La Rochefoucault, distant de trois lieues de la dicte ville d'Angoulesme, il s'apperceust que, tant plus il métoit peine de les rencontrer pour les attirer au combat, que plus ilz fuyoieot; et que, pour ce faire, ilz avoyent mis la rivière de Cha-

1 Cette pièce est la copie qui fat enrayée au roi d'Espagne, Philippe IT, par son ambassadeur en France, don Francès d'Alava.

rente entre luy et euh , de façon que Mon dict Seigneur se résolust de gaigner ung passaige sur la dicte Charente , affin de n'avoir, après, rien qui l'empeschast de suyvre son entreprise.

Et, pour ce faire, feist acheminer son avantgarde, conduite par Mr le Duc de Montpensier à Chasteauneuf, où elle arriva le mercredy, neufviesme de ce moys de mars. Dans le chasteau se retrouva ung escossoys, avecques cin quante ou soixante soldatz, que les ennemys y avoyent laissé pour la garde d'icelluy, qui se deffendirent, d'entrée, fort bien, ettuèrent quelques soldatz, faisans contenance de ne se voulloir point rendre. Touteffoys , veoyans arriver Mon dict Seigneur avecques la bataille et le reste de l'armée , ilz se rendirent à la volunté et discrétion de Mon dict Seigneur, de sorte que, le dict ixe, il demeura maistre du dict chasteau.

Où il fut résolu de séjourner le lendemain , jeudy , affin de adviser à ce qui seroyt de faire, tant affin de donner ordre à faire les magasins nécessaires pour la suytte de l'armée , que pour faire besongner et reflaire le pont de la dicte rivyère, que les dictz ennemyz avoyent rompu. Et fut donnée ceste charge à Mr le président de Birague, qui s'en acquicta fort bien, ainsy que, par cy après, l'on pourra veoir.

Le lendemain , vendredy xi€, Mon dict Seigneur, ayant nouvelles que les dicts ennemys estoient à Goignac, deslibéra et résolut , pour deux raisons , d'aller au devant du dict Goignac : l'une que se présentant devant la dicte ville, si les ennemys y estoient, corne il se disoyt , il êspéroyt que ilz sortiroyent, et que, ce faisant, il pourroit les attirerau combat; l'autre que, au pys aller, il recognoistroyt la

dicte ville pour après l'attaquer. Pour ces causes doncques, il marcha jusques devant icelle ville , et commanda au comte de Brissac , qui avoyt avecques luy la plus grande partie de la jeunesse d'approcher plus près , ce qu'il feyt de telle façon qu'il donna jusques dedans les barrières de la dicte ville, d'où il ne sortit personne que ung nommé Cabryane, qui fut prins prisonnier; ayant cependant le dict comte de Brissac fort bien recogneu l'assiette de la place, comme feirent , en mesme temps, par le commandement de Mon dict Seigneur, les seigneurs de Thavennes et de Losses, encores que de dedans l'on tirast infiniz coups d'artillerye. À mesme heure, l'armée des ennemyz se / monstra de delà la rivière au devant du dict Goignac , ve- / nant de Xainctes ; et demeura longuement en bataille à la veue de nostre armée, puyscommencea à marcher vers Jarnac , tousjours estant la rivyère entre nous et euh. Et veoyant Monseigneur qu'il estoit jà tard, et que personne ne comparoissoit de nostre cousté , se retira au dict Chasteauneuf , où il arriva, à la nuit.

Le sabmedy xije , Mon dict Seigneur estant tousjours au dict Chasteauneuf, faysant en toute dilligence, par le dict de Birague, racoustrer le pont, les ennemys vindrent comparoistre , avecques toutes leurs forces, sur une montaigne , au devant du dict pont. Nos soldatz les veoyans si près d'eulx , encores que le lieu où estoient les dictz ennemys fût fort advantageux , aucuns d'iceulx se desbendèrent pour attacher l'escarmouche avecques eulx; mais Mon dict Seigneur, n'estant le dict ponct refaict, où l'on travailloyt autant qu'il estoit possible , et se pouvoyt faire, atassy bien que à en faire dresser ung aultre sur les batteaulx , feit retenir nos dicts soldatz, attendant que iceulx

pontz feussent achevez , comme ilz feurent sur le minuit , au grand contantement de Mon dict Seigneur et de toute son armée , veoyant par ce moyen le passaige ouvert pour aller affronter les dicts ennemys.

Sur quoy, lors, il fut résolu que, deux heures après, les régiments des gens de cheval passeraient sur le pont refaict, et les Suysses et gens de pied sur celuy de batteaulx. La plus grand part de la cavallerye avoit passé, à la poincte du jour, le dimenchexuje; mais les dicts Suysses et gens de pied eurent beaucoup de peine à passer sur le dict pont de bateaux qui se rompit. Néantmoings , pour l'extresme désir que ung chacun avoyt d'estre delà l'eau , Ton ne layssa , après l'avoyr habillé au mieulx que Ton avoyt peu, de passer. Il avoyt esté ordonné par Mon dict Seigneur, dès le soir, que tous les bagaiges demeureroient de deçà l'eaue, sur le hault de la montaigne, près du dict Ghasteauneuf , avecques huict cens hommes de pied et quatre cens chevaulx, pour couvrir le dict bagaige;, ce qui servit grandement, parce que les ennemys pensoient que ce fust le fort de nostre armée.

Estant doncques en ceste sorte passé nostre armée la rivyère de la Charente sur les dicts pontz, le dict dimenche xnje de ce dict moys, Monseigneur, veoyant qu'il seroyt ce jour pour veoir de près ses ennemys , voullust , suyvant sa bonne et louable coustume , commancer sa matinée par se recommander à Dieu, de façon qu'il receust, avecques les dicts princes, seigneurs et plusieurs cappitaines de son armée, le corps prétieux de Nostre Seigneur Jhésus Christ avecques toute dévotion et humilité. Puis après commanda aux seigneurs de Losses et de Carnavallet d'aller recognoistre l'endroict où estoit l'ennemy,

qui comparust avecques soixante chevaulx sur le hault de la montaigne. Et estant arrivé, à mesme heure, vers les dicts seigneurs ung cappitaine provenssal, nommé Vins, de la maison de Mon dict Seigneur et nepveu du Sr de Gazas, qui conduysoit cinquante harquebusiers à cheval avecques luy, les dicts S" de Losses et Carnavallet feurent d'advîs qu'il donnast dans ung village, bien près de là, ce qu'il feit si furieusement que y trouvant une cornette de gens de cheval des ennemys , il la meit en tel désordre que tout ce qu'ilz peurent faire fiât de s'en sauver une |>artye , et ramena le dict Vins cinq ou six prisonniers d'iceulx , qui assurèrent les dicts S" de Losses et Carnavallet que l'Admirai et Ândelot estoyent là avecques toutes leurs trouppes, et qu'il y avoyt apparence de bataille.

Pour gaigner tousjours temps , Mon dict Seigneur avoyt faict advancer son avantgarde , de façon que , à mesme heure , Messeigneurs le Duc de Guise et de Martigues arrivèrent avecques leurs régiments, ensemble la suytte de la dicte avantgarde, conduicte, comme dict est, par Mon dict Seigneur de Montpensier. Lors, l'ennemy comparust, estant jà entre dix et unze heures du matin, au bas de la montaigne, du costé de Jarnac, en bien grand nombre. Le dict Sr comte de Brissac se desbenda de la dicte avantgarde , avecques vingt cinq ou trente gentilzhomes , et les alla attacher. Mon dict Seigneur les feit soustenir par le dict Sr de Martigues, faysant suyvre tousjours la dicte avantgarde, et après, la bataille. Le dict Sr de Brissac ayant donné en queue sur ceulx qui partoyent du village de Yibrac , en tailla en pièces quelques ungs.

Peu après, l'ennemy commença de s'acheminer vers Jarnac, et, se rencontrant sur le hault d'une petite mon-

taigne, feît teste en cest endroict, ayant uug ruysseau bien malaysé au devant de luy , où il avoyt mis huict cens ou mil harquebuziers , pour garder le passaige , affin d'avoir cependant moyen et loysir de rassembler de tous costez leurs forces et armée.

Lors Mon dict Seigueur commanda au dict Sr de Lossés et cappitaine Gossins d'aller recognoistre le dict ruysseau, pour veoir s'il seroyt aysé à le passer. Estant de retour, Mon diet Seigneur y envoya, par leur advis, mille harquebuziers pour combatre et gaigner le dict passaige du dict ruysseau : ce qui fut faict et gaigné à l'instant, à la veue de la cavalerye des ennemys, qui estoit tousjours sur le tertre. Et se peult dire que les dicts harquebuziers nostres feirent aussi bravement qu'il est possible, faysans habandonner le dict passaige aux ennemys; lesquelz, veoyans que toute l'armée de Sa Majesté marchoit droit à eulx, commencèrent à se retirer peu à peu. .

Lors , le dict Admirai manda soubdainement au Prince de Gondé, qui estoyt encores à Jarnac, que il estoit attaqué de si près qu'il ne pouvoyt plus se retirer , veu que les gens de nostre armée venoyent avecques une extresme furye droict à luy, de façon qu'il estoyt forcé de combatre, le suppliant de s'advancer pour le secourir.

Quoy veoyant, Mon dict Seigneur manda à ceulx qui ^onduysoient l'avantgarde , que , quelque chose qu'ilz trouvassent, ilz combattissent, estant résolu, à ceste foys, de passer sur le ventre à tout ce qu'il trouveroyt des dicts ennemyz , ce qui fut suyvy par ceulx de la dicte avantgarde ; lesquelz , sans regarder aux inconvéniens qui pou- Yoyent advenir , donnèrent à toute bride sur la queue des

dicte ennemys, où il fut tué beaucoup d'iceulx ; et mesmes, à ung passaige que aucuns voulloyent prendre, sur une chaussée d'estang, avecques ung si grand désordre, que les ayans les nostres bien advaricez, ilz se meslèrent ensemble, de sorte que plusieurs des dicts ennemys, qui avoyent casaques blanches, furent veuz tumber dans le dict estaog pour la presse qu ilz avoyent au passaige.

Pendant que le dict combat se faisoyt, nostre bataille et Mon dict Seigneur, auprès duquel estoit toujours le dict Sr de Thavennes, comme l'un des plus vieulx et expérimentez cappitaines de la trouppe, passoyt sur la main droicte du dict estang; et pouvoyt estre, lors, entre midy et une heure.

Au dessoubz d'icelluy estang il fut trouvé ung villaige, en ung lieu assez estroict , où le Prince de Gondé se trouva bien accompaigné. Àussy y survindrent les reistres; et se rengea le comte Ringraff avecques la dicte avantgarde et Bassompierre à la bataille, ainsi que l'avoyt ordonné Mon dict Seigneur. Cependant les deux armées eurent quelque loysir de se préparer au combat, et fust si vivement résolu de la part du dict Prince qu'il vint furieusement, à toute bride, donner sur notre avantgarde, et de telle furye qu'il l'arresta à bon escient, estant soustenue du dict comte de Reingraff avecques ses trouppes, qui y combatist fort vaillamment. Et veoyant Mon dict Seigneur nos gens porter et soustenir ung si grand faix, il part avecques la cavallerye, qu'il avoyt près de luy, à toute bride, et chargea les dicts ennemys par le flanc, de telle façon qu'il les meit en désordre, et tournèrent bride, s'enfuyans à vau de route.

Et, en ce mesme lieu, delà première charge, fust tué le

dict Prince de Condé, le comte de Montgommery, Chas* tellier Portault et plusieurs aultres, dont on sçaura cy après les noms, estant le dict Sr de Losses, qui a apporté ceste nouvelle à Sa Majesté, party si àlahaste, après le gaing de la dicte bataille, que Ton ne sçavoyt encores bonnement le nombre des mortz, ny de tous les prisonniers ; combien qu'il soyt très certain que il y ayt eu bon nombre, tant de l'un que de l'aultre; et de ceulx qu'il asseure avoir veuz prisonniers sont le comte de Choysy , La Noue, de La Force, l'aisné Glermont d'Amboyse, Stuard escossoys, Montmédy, Soubize et Souppbix, avecques infinis aultres , desquelz il n'a peu retenir les noms.

Il a rapporté que l'on tenoit que l'Admirai estoit fort blessé à l'espaule; et ne laissoyt touteffoys, par le rapport des dicts prisonniers, de se retirer à cinq grandes lieues de là, cependant que l'on chassoytles dicts ennemys; qui dura jusques à la nuict, où les gens de pied françoys et les Suysses se estoyent meslez, lesquelzont faictung très grand carnage.

Une partie des gens de pied des dicts ennemys se retirèrent dedans Jarnac; ce que voyant Mon dict Seigneur il commanda au cappitaine Gariez, et aultres cappitaines avecques luy, s'en aller donner la teste baissée dans le dict Jarnac, ce qu'il feit fort courageusement, de façon qu'il les meit en tel désordre qu'ilz furent contrainctz de gaigner le pont, le passer et le rompre après eulx; qui leur vint fort à propoz. Et le soir, Mon dict Seigneur alla loger au dict Jarnac, prenant le logis du jour de devant du dict ennemy. Au dict lieu, Ta laissé le dict Sr de Losses, remerciant Dieu de ceste heureuse victoire qu'il luy avoyt donnée; et là, donna le corps du Prince de Condé mort à

Mr le duc de Longue ville, sur la requeste qu'il en feit; Mou dict Seigneur estant en bonne deslibération de partir, dès le lendemain, pour suyVre les relicques des dicts rebelles, ennemys de Dieu et de Sa Majesté. Et se peut dire avecques toute vérité que , en l'exécution de la dicte victoyre , Mon dict Seigneur a faict tous les actes que le plus grand et plus viel cappitaine, qui soyt aujourdhuy en l'Europpe, pourroit faire; qui doibt faire espérer en luy à tout le monde, par ung si beau et digne commancement, toutes les grandes et dignes partyes qui se peuvent désirer à ung grand prince. Faict à Metz le xxj€ jour de mars 4569.

De Neufville.

LE HO Y A Mr DE LA MOTUE FENÉLON

— du 11e jour d'apvril 1 569. —

Confiance du roi que la victoire de Jarnac empêchera la reine d'Angleterre de se déclarer pour les protestant de la Rochelle. — Offre faite aux Anglais de leur ouvrir des ports pour le commerce.

Monsieur de Lamothe Fénélon, depuis vos despesches du xxic et xxve du passé ' , vous aurés entendu la nouvelle de la victoire que Dieu m'a donnée sur mes rebelles, et comme mon frère, le Duc d'Anjou, poursuit encore ceux qui se sont sauvés par la fuitte. Je m'asseure que estant entendu par la Royne d'Angleterre, elle sera moins disposée que jamais à leur prester secours d'argent et de rafraischissements; et si la flotte que m'avés escrit qui commenceoit à s'acheminer vers la Rochelle n'est fort avant , ce sera peust estre bien occasion pour la révoquer et luy faire rebrousser chemin.

* Voyez xxv' etxxvf dépêches, t. r, p. 268 et 277.

Au demeurant, j'ay bien veu et bien considéré tous les poincts de vos susdictes dépesches et les menées que faict le cardinal de Ghastillon , et ceux qui sont avec luy , par delà, ayant prins grand plaisir de voir tout ce qui s'y passe si bien desduict parle menu. Quant à la plaincte que le comte de Lestre vous a faict faire du tort qu'il dict avoir esté faict à l'un des gens de l'ambassadeur Noris , je trouve que vous luy avés très bien respondu : car aussi n'a ce pas esté par mon commandement, de mon sceu, ni sans grande occasion de soubçon que cela. a esté faict; et nesçainon plus que c'est. de celuy qui a esté détenu prisounier à Dieppe, et ne voudrois pas, pour le désir et affection que j'ay de nourrir et entretenir la paix et amitié qui est entre ces deux couronnes , qu'il feust fait aucun tort aux subjects de la dite Royne, ou chose qui y apportât altération , encore que ses actions fassent assés connoistre le peu d'envie qu'elle a de la conserver. Et afin qu'elle connoisse avec quelle sincérité je chemine , si les marchans de delà veullent quitter la route de la Rochelle et de Brouage , et ne plus traffiquer avec mes dicts rebelles, je les feray accommoder de toutes choses nécessaires qu'ils y vont quérir. Et si cela se fait, et que doresnavant les marchants ne se fournissent ailleurs que es ports qui sont, de présent, en mon obéissance, j'auray tant moins de soubçon de leurs actions , car la coulleur, qu'ils ont d'aller à la Rochelle et de bailler les dicts rafraischissements, leur sera ostée.

Je vous prie donc asseurer la dicte Dame Royne de ma bonne et sincère intention envers elle et ses subjects , et que , comme elle veut voir les siens traittés , selon que la paix et amytié que nous avons entre nous le veult, elle ne fasse chose qui m'incite à y contrevenir, ainsi que je n'en

ay point de volonté, ne demandant qu'à vivre en paix avec mes voisins : priant Dieu, Monsieur de la Mothe Fénélon, vous avoyr en saincte garde.

A Mets le ije jour d'apvril 4569.

CHARLES. Et plus bas: de l' aubespine.

LE BOY A Kr DE LA MOTHE FÉNÉLON.

— du m* jour d'apvril 1 569. —

Satisfaction du roi sur la déclaration d'Elisabeth qu'elle ne veut pas entrer en guerre avec la France. — Ordonnance pour la restitution des prises. — Plaintes contre les menées de l'ambassadeur d'Angleterre en France. — Maladie de la reine-mère. — Papiers trouvés sur le prince de Condé.

Monsieur de La Mothe Fénélon , vous renvoyant le Sr de Sabran, présent porteur, je vous ay bien voulu faire entendre le grand contentement qui me demeure de ce que, par vos lettres des vnje et xnje dupasse ', m' a v es si particulièrement satisfaict des responces de la Royne d'Angleterre, ma bonne sœur, sur tous les poincts dont je vous avois escrit par mes despesches des vnje, xije et xiv« de febvrier2, ayant esté très prudamment advisé à vous, en la poursuite de chose où elle n'eût, par avanture, eu volonté de faire si apparente déclaration, de rejetter sur autres que sur elle les causes qui m'ont meu de la rechercher en cest endroict; comme, en effaict, je me suis toujours persuadé que les mauvais déportemens qui se faisoient au préjudice de la bonne paix et confédération d'entre nous , et mon royaume , procédoient plustost de quelques mauvais ministres que d'elle. Aussi est il tout certain que je

* Voyez xxn* et xxnr dép. n. 217 et 252. 2 Ces lettres manquent.

ne me suis meu à aucun ressentiment que premièrement je ne fusse certain de sa volonté ; se pouvant asseurer que quelque alliance ni fraternité qui soit entre moy et le Roy Catholique, mon bon frère , ni chose que me voulleust donner à entendre le duc d' Alve, je ne condescendray, ni permettray, que mes subjects facent aucune chose qui puisse altérer nostre commune amityé et repos d'entre nos deux royaumes. Et suis contant , puisqu'elle se déclare si avant de n'avoir eu aucune part au voyage, faveur et support que son vice admirai Mc Huynter a faict et porté à mes ennemis, estants à la Rochelle, de croire qu'il soit ainsi , puisqu'il a pieu à Dieu asseoir son jugement sur le chef de mes ennemis et rebelles , comme vous aurez entendu par Montaffier, que je vous ay puis naguières dépesché ; et aussi que le temps nous pourra esclaircir de ce doubte pour l'advenir : ne trouvant autrement nécessaire respondre sur tous les poincts contenus au mémoire qui vous a esté baillé en réponse des articles que vous présentiés, puisque ce ne sont que objections pour couvrir les justes causes que j'ay d'avoir pour suspectes, et me plaindre des actions de l'ambassadeur Norrys, estant icy près de moy, comme aussi pour regard des entreprises du Havre et Dieppe, et armements faicts en Angleterre, sans apparance d'aucune guerre déclarée; veu que, par toutes les despesches que je vous ay faictes , vous pouvez avoir connu les justes occasions que j'en ay eu.

Toutesfois, puisqu'elle est en si bonne volonté de vouloir entretenir et conserver la paix en laquelle nos deux royaumes ont vescu jusques icy, elle ne me trouvera de moindre affection en cest endroict, ainsi qu'elle pourra connoistre par l'ordonnance que j'ay faicte pour se publier par tous

mes ports et havres , pour assurer ia mer et la liberté du trafficq à tous ses subjects , avec commandement de leur rendre et restituer tout ce qui a esté cy devant pris, saisy et arresté sur eux, aussitost que j'ai veu, par l'ordonnance1 que m'avez envoyée, avec vostre despesche du xvje, qu'elle en avoit autant faict de son costé , vous envoyant une coppie de la mienne pour luy monstrer et aux seigneurs de son conseil , que vous pourrez asseurer de la sincérité de mon intention à l'observation de la paix et traittés; et que je ne faudray de faire donner à ses subjects toute seureté , faveur et bon traittement, qu'il me sera possible, en quelque endroict de mon royaume, pays et terres de mon obéissance où ils voudront trafiquer; de mesme qu'elle doit aussi tenir main que, pour la mutuelle seurcéance, faicte entre les païs du Roy Catholique et elle, mes subjects ne soient aucunement molestés, ny leur trafficq interrompu; m' estant, au pardessus, advis que la dicte Royne ne sçauroit avoir meilleur indice de la franchise , avec laquelle je désire procéder envers elle et son royaume, que de luy faire déclarer ouvertement les causes qui se présentent à moy et mes subjects de luy faire remonstrer les contrevenions qui se font , à mesure que ses ministres m'en donnent occasion.

Et pour conclure à ce propos , vous l'asseurerés , Monsieur de La Mothe Fénélon, qu'il ne faut qu'elle doubte aucunement que je ferme les oreilles à chose que son ambassadeur me veuille dire , soit pour se justifier des soubçons que j'ay eus à bon droit qu'il eust pratiques et intelligeances avec mes rebelles, ou pour autre chose concernant sa

• Voy. xxiV dép. l 2*6.

négociation, comme elle dict avoir esté faict au sien d'Espagne; car, si, par cy devant, il a toujours eu de moy bénigne et favorable audience et satisfaction, toutes les fois et en tout ce qu'il a voulleu rechercher de moy,. comme il ne pourroit dire le contraire , s'il ne vouloit taire la vérité, il doit espérer le mesme pour l' advenir, de tant plus quand les effects se trouveront conformes à la déclaration qu'elle faict de vouloir continuer la bonne paix et amityé qui est entre nous et nos royaumes ; laquelle, de ma part , je ne désire rien plus que de voir inviolablement observée.

Vous n'aurés par ceste dépesche aucunes lettres de la Royce, Madame et Mère, d'autant qu'elle n'est encore bien renforcée delà fiebvrequi l'a tenue par quelques jours, comme il vous a esté par cy devant escrit, de laquelle, grâces à Dieu, ne luy reste plus que la débilité. Et n'ayant encore eu aucunes nouvelles de ce que mon frère , le Duc d'Anjou, aura faict des reliques de la victoire qu'il a pieu à Dieu me donner, dont le discours vous a esté envoyé par le dict Montaffier, je ne vous fairai la présente plus longue que de prier Dieu vous avoir, Monsieur de La Mothe Fénélon, en sataincte et digne garde.

A Mets le nje jour d'apvril 4569.