AU DUC DE LORRAINE

Mon Frère, J'ay déclaré la guerre au roy d'Espagne le plus tard que j'ay peu, non pour aultre considération que pour ne troubler davantage la Chrestienté. Mais si jamais prince a deu estre excusé de ce faire, je n'en veux point d'aultre juge que vous; ou, si après ma conversion à la religion catholique, apostolique et romaine, il eust seulement modéré ses aigreurs, comme il m'eust donné quelque raison d'attribuer à pieté les choses passées, j'y eusse aussy usé en mon endroict comme j'ay faict envers ceux qui ont tenu ce chemin , sans prendre droict par ses actions contre le feu Roy mon seigneur et frère, qui estoit le plus catholique prince de son temps. Au lieu de ce faire , il n'a pas seulement redoublé ses coups contre mon Royaume et mes sid3Jects, qu'il semble que luy ou les siens aient aussy recherché, et véritablement trop curieusement, des moyens de me nuire qui tiennent plus du barbare que du chrestien. Car vous sçavés ce que l'on a depuis attempté à ma personne , comme l'on m'a traversé en la poursuicte que j'ay faicte k Rome de la bénédiction de Nostre Sainct Père le Pape pour la consolation de mon ame. Ces choses m'ont à la lin contrainct, voire obligé de me resouldre à la déclaration, non pour conquérir et usurper le bien d'aultruy,- mais pour deffendre et conserver avec ma vie l'héritage de mes ancestres, qui ne me peut estre

:53'i LETTRES MISSIVES

injiislcment clobatlii. Tout ainsy que le dict roy a osé fomenter la désobéissance et division de mes subjccts pour empiéter mon Estât, j'ay creu m'estre , à plus forte raison , loisible de favoriser aussy les armes des siens, pour recou\Ter ce qui leur appartient, et n'ay en cela différé avec luy que d'une chose : c'est que ce qu'il a faicl du commencement couvertcment, et depuis continué soubs prétexte de religion, je l'ay entrepris ouvertement, comme celuy qui n'a eu besoing d'excuse ou de couleur pour desguiser la justice de sa cause et de ses. actions. Suivant quoy j'ay véritablement favorisé la guerre commencée au comté de Bourgogne par le baron d'Aussonville et le s' de Tremblecourt, soidjs le nom et à la prière de mon cousin le comte Maurice de Nassau, mon amy et allié, pour luy aider à recouvrer les biens de sa maison, assis au dict comté, qui ne sont, comme vous sçavés, de petite valeur, et par mesme moyen incommoder les pays et subjects du dict roy, comme il a faict les miens depuis cinq ans : en quoy je n'estime avoir contrevenu à la neutralité du dict pays, et d'autant plus qu'il est notoire à tous que le dict comté a toujours servy de passage aux forces du roy d'Espagne et de support à mes subjects qui m'ont faict la guerre , aussy bien au duché de Bourgogne, compris dans la mesme neutralité, que aux aultres endroits de mon Royaume; ce que j'eusse continué par le mesme ordre et chemin, si le dict roy d'Espagne n'eust depuis publiquement envoyé et faict entrer ses gens dedans mon dict duché pour secourir le duc du Maine contre mon armée, qui avoit assiégé le chasteau de ma ville de Baune, lesquels sont encore logez dans ma ville de Chaalons au dict pays.

Mais ayant veu qu'il y procedoit de ceste façon , et qu'il n'y a sorte d'amitié, bon voisinage, bien, respect et promesses ny aulcun droict que luy ou les siens ne violent, pour m'endommager et parvenir au but de leurs desseings, je m'en suis aussy résolu de m'en revancher par les mesmes voies; car celles-là sont trop esloignées de mon naturel et indignes d'un prince qui craint Dieu et est plus jaloux de sa foy et réputation que de sa propre vie. Mais à 'imitation des Boys mes prédécesseurs en semblables occasions, pour ce faire, j'ay depuis prié

les dicts baron d'Aussonville et Tremblecourt poursuivre et continuer la guerre au dict comté de Bourgogne, en mon nom et pour mon service, laquelle ils ont commencée, à l'adveu du dict comte Maurice, à ma prière et recommandation. Dont j'ay bien voulu vous advertir, mon Frère , et sur ce vous prier, comme je fais très affectueusement, faire révoquer le ban que vous avés faict publier au mois de février contre eulx et vos subjccls qui les assistent, encore qu'ils soient nommez par vos patentes, et que vous Tayés faict- soul)S prétexte des ravages que vos aultres subjects ont receus d'eux et de leurs troupes; car telle recherche et forme de faire reparer les excès que l'on prétend qu ils ont commis est en vérité plus favorable à mon ennemy qu'elle ne peut estre utile à vos dicts subjects : ce que je ne puis croire que vous ayés entendu , d'autant plus que vous avés jusqu'à présent ignoré que j'eusse part en la dicte guerre, et partant advoué les dicts s"^* d'Aussonville et de Tremblecourt avec cculx qui les suivent, comme en vérité je n'avois pas délibéré, mais me suis depuis résolu de faire pour les raisons, susdictes; car je me promets tant de vostre amitié, que si vous eussiés creu que je y eusse eu tel interest, vous n'eussiés pris ce conseil, au moins sans m'en donner advis. Au moyen de quoy, je vous prie , mon Frère , pour l'amour de moy, faire cesser telles poursuictes et persécutions contre les dicts s""^ d'Aussonville, Tremblecourt et vos dicts subjects qui les assistent, soubs prétexte des dicts prétendus ravages, et vous me donnerés tant plus d'occasion de rechercher d'affermir avec vous la bonne paix, amitié et voisinance que je désire y perpétuer, et poiu* laquelle je vous asseure que le s"^ de Sancy, mon conseiller d'estat et premier maistre d'hostel, vous ira, trouver si tost que ce coxu'rier que je vous depesche exprés poiu* ce seul faict sera revenu avec vostre response à la présente; laquelle je m'attends à recevoir telle que j'auray occasion d'embrasser et affermir plus que jamais l'accomplissement du mien désir, suivant le project qui en a esté faict entre nous. Partant je vous prie le me envoyer incontinent en faisant cesser les susdictes poursuictes, comme derechef je vous y prie d'entière affection, et de faire aussy entier estât de celle

que je vous ay promise : priant Dieu, mon Frère, qu'il vous ayt en sa saincte garde. Escript à Paris, le vij*= jour d'avril 1596.

Vostre boD frère, HENRY.

Cop. — Coilcction de feu M. Auguis.

Imprimé. — Histoire de Poitou, par Thidaudeac, t. V, p. 222.