DE LA VILLE DE BESANÇON

Très chers et bons amys, Nous avons prins de bonne part ce que vous nous avés faict entendre en vos lettres du xxviij^ de ce mois, touchant la prinse du docteur Rigauld de vostre ville, et avons aussy tost commandé de le faire mettre en liberté sans aulcune rançon, comme nous serons tousjours disposez à vous contenter en toutes choses justes et raisonnables, ainsy que vous congnoistrés par effect; de quoy nous desirons que vous demeuriés aussy satisfaicts comme nous le sommes de la démonstration que vous faictes, par vos lettres, de toute inclination à l'entretenement de nostre bonne voisinance et amitié : priant Dieu, Très chers et bons amys, qu'il vous ayt en sa très saincte et digne garde. Escript au camp de Pesmes, le xxv^jour de juillet iÔqÔ.

HENRY

DE NEUFVILLE

Cop. — Reg. originaux des délibérations de la ville de Besançon. Envoi de M. Clerc.

A NOS TRES GHERS ET BIEN AMEZ LES GOUVERNEUR. MANANS ET HABITANS DE LA VILLE DE BESANÇON.

Chers et bien amez , Nous estant le baron de Luz venu retreuver, suivant ce que nous luy avons ordonné, et nous ayant rapporté que vous desiriés que nous le renvoyassions demain matin, poiu* ce que vous ne vous estes peu encore resouldre sur la proposition que nous vous avons faicte , nous n'avons pas voulu desnier vostre demande ; suivant laquelle nous vous renvoyons le baron de Luz, que nous desirons que vous renvoyés aussy promptement avec vostre resolution ,

comme il vous porte la nostre dernière ; de quoy vous le pourrés croire comme nous-mesmes; mais ne tenés pas ralTaire en plus grande longueur, parce que la perte de temps nous est tant imposante : aussy ne la voulons-nous pas faire plus grande. Donné au camp de Saincl-

Vit, le premier jour d'aoust lÔgÔ.

HENRY

FORGET

Imprimé. — Investiyattur de l'histoire suisse , t. III, a* livraison, p. aSi. Berne, i8ao, in-8'.