A MON COUSIN LE COMTE DESSEX

Mon Cousin , Oultre celle que le s"^ Willems vous rendra de ma part et l'asseurance qu'il vous donnera de la continuation de mon amitié , j'ay creu que vous auriés agréable que Lomenie, lequel j'envoie vers

/i24 . LETTRES MISSIVES

la Royne madame ma bonne sœur, vous porlast ce mot de moy, par

lequel vous serés asseuré que rien au monde ne vous est plus accpiis,

et aullres particularitez dont je l'ay chargé, desquelles je vous prie le

croire comme moy-mcsme. Mais pour ce qu'il importe infiniment

pour le bien de mes affaires en Testât où elles sont, qu'en attendant

la conférence des depputez de la Royne madame ma bonne sœur et

des miens, je sois promptement secouru de quelques hommes, je vous

prie en cela me tesmoigner comme vous m'aimes, faisant en sorte

que au plus tost ils puissent estre prés de moy et commandez par

quelqu'un de vos amys, lequel si vous suives de prés, comme je m'as-

seure qu'il ne tiendra à vous, nous ferons ensemble quelque chose

de bon, Dieu aydant : lequel je prie vous avoir, mon Cousin, en sa

garde. Ce v^ octobre, à Paris.

HENRY

Orig. — B. R. Fonds Béthune, Ms. 9041 , fol. i .

[AU CONNESTABLE

Mon compère, Suivant ce que je vous escrivis jeudy dernier, la perte de ma ville de Cambray m*a esté confirmée par lettres de mon cousin le duc de Montpensier, et que ce pendant que mes gens de guerre deffendoient la bresche, sans aucune appréhension de pouvoir estre forcez , les habitans de la ville donnèrent une porte aux Espagnols, et advertirent mes dicts gens de guerre de se retirer à la citadelle, ce qu'ils feirent ; mais ne se dictrien encores de leurs bagages et chevaulx, ny des malades et blessez ; qui me faict craindre qu'il y ayt eu quelque desordre. Aulcuns adjoustent que la citadelle a commencé à capituler; mais je n'en ay point d'advis certain, et ne laisse pas de m'advancer tant que je puis, pour empescher par ma présence l'estonnement qu'une telle perte pourroit apporter en ma province de Picardie. Si la dicte citadelle de Cambray capitule et se rend, je tiens pour asseiu'é

que les Espagnols, voyans mon arrivée avec une armée toute preste et fresche, et la leur harrassée et incommodée, et sans vivres, n'entreprendront auitre chose de cest hiver, ains qu'ils départiront leurs gens de guerre par leurs garnisons. En ce cas , je pense qu'il me fauldra faire le semblable de la mienne, et après avoir bien muny et donné ordre à la fortification de mes places, j'auray moyen, s'il est ainsy, de tenir la promesse que j'ay faicte à ceulx de ma ville de Lyon, et les revoir environ le mois de janvier prochain, pour me préparer à la guerre de Savoye ou de Provence, s'il en est besoing. Mandés-moy, je vous prie, ce que vous avés faict en vostre négociation ; car il me tarde fort que je ne vous voie, et il me semble qu'il y a desjà plus d'un an que je ne vous ay veu; qui me faict vous prier d'advancer vostre dicte négociation et m'advertir du succès qu'elle aura eu, aflîn que j'aye bien tost ce contentement de vous revoir : et ce pendant je prieray Dieu qu'il vous ayt, mon compère, en sa saincte et digne garde. Escript à

Pontoise, ceviij'^jour d'octobre lÔgô.

HENRY

RUZÉ

Orig, — B. R. Fonds Béthune, Ms. 9041 , fol. 7. Cop. — B. R. Suppl. fr. Ms. 1009-2.

Mon Cousin , Encore que j'aye usé de la plus grande diligence qui m'a esté possible pour me rendre sur ceste frontière, je n'ay peu y arriver que la ville de Cambray n'ayt esté perdue par la trahison des habilans d'icelle, et que ceulx qui s'estoient retirez dans la citadelle n'ayent capitulé, n'ayant peu tenir davantage, n'y ayant trouvé du bled que pour huict jours, et y manquans toutes les munitions nécessaires, mesmes des imguens pour les blessez. Tels defaults ont faict perdre la dicte place, et croy que l'armée de mes ennemys eust faict un plus grand progrés si le cours de leur bonheur n'eust esté arresté par ma présence ; estant l'estonnement si grand par

^l26 LETTRES MISSIVES

loules mes villes qui sont sur la lionlierc, qu'elles comuiençoient à rechercher asseurance de mes ennemys, el faisoient difîicullé de recevoir les gens de guerre qu'on leur offroit pour leur conservation. Mon armée se feust aussy incontinent dissipée; mais mon arrivée a asseuré et ramené les esprits des habitans des dictes villes à leur del> voir; et ceuk de mon armée se voyans fortiffiez de ma présence, des forces que j\iy amenées avec moy, et de celles qui me doibvent joindre dans peu de jours, ont changé leur résolution, et ne partiront de mon . armée que je n'aye faict quelque effect qui puisse reparer partie des pertes que j'ay faictes sur ceste frontière : à quoy je suis résolu, et pour cest effect je passeray demain la rivière de Somme avec mon armée, pour aller droict où sera celle de mes ennemys; espérant que Dieu me fera la grâce, comme par sa bonté il a tousjours faict, que je iéray cognoistre à mes ennemys la justice de mes armes et la volonté que j'ay de conserver et deffendre mes subjects de leur oppression. J'ay beaucoup de regret, mon Cousin, qu'en telles occasions je ne suis assisté de vostre présence, par laquelle je serois soulagé, et mes affaires en recevront beaucoup d'advancement : qui me faict vous prier de terminer au plus tost que vous pourrés les affaires pour lesquelles vous estes demeuré par delà , mesmes ce que vous avés commencé de traicter avec mon cousin le duc d'Espernon, dont je désire d'estre incontinent esclaircy et vous voir prés de moy. J'attends les deux mil lansquenetz qu'amené le s"" de Sancy, et pareil nombre de HoUandois, lesquels m'envoyent mess"^" les Estats, qui sont descendus à Calais dés le sixiesme de ce mois. Les dictes forces estans prés de moy, mes Suisses et les gens de pied de mon armée arrivez , j'espère avoir moyen d'entreprendre sur mes ennemys ; qui ne sera sans vous faire part de ce qui se passera de deçà , vous priant aussy me tenir adverty des occurences de delà : et siu* ce, je prie Dieu, mon Cousin, vous avoir en sa saincte garde. Escript à Chaulnes, le xij* jour d'octobre

HENRY

POTIER

\)i: HENRI fV. k27

1505. I /l OCTOBRE. — ï'\

(jrig. — li. R. Fonds Bétliune, Ms. 9041 , loi. j ?.. Cop. — Suppl. fr. Ms. 1009-a.

[AU CONNÉTABLE

Mon Cousin, C'est à mon grand regret <|ue je n'ay peu arriver à temps pour le secours de Cambray, et que la diligence si grande dont j'ay usé, à mon retom' de Lyon, me soit demeurée infructueuse par la lascheté trop grande et inespérée des habitans du dict lieu. Vous verres, par le discours que je vous envoie avec la présente, le peu d'apparence qu'il y avoit en la perte de la place, et qu'il n'a tenu à aulcun secours, devoir ou prévoyance, qu'elle n'ay t esté conservée; dont vous informerés tous mes serviteurs, et le ferés sçavoir ailleurs où vous cognoistrés que mes ennemys taschent à traverser la prospérité de mes affaires et se vouldront prévaloir de l'advanlage qu ont les eslrangers en la prinse de ceste place; de laquelle, avec l'aide de Dieu et l'appuy des forces que j'avois préparées et appellées de toutes parts pour les secours (dont la plus grande partie est jà prés de moy, que je fais entrer présentement dans les terres de mes ennemys), j'espère avoir revanche sur eux, et vous en mander en bref de bonnes nouvelles : ce qu'attendant je prieray sa divine bonté qn'il vous ayt, mon Cousin, en sa saincte et digne garde. Escript à Peronne, le xuij* jour

d'octobre i Ôgô.

HENRY

F'OTIER.

1595. 1 4 OCTOBRE. — ll'"^

Orig. — B. R. Fonds Saint-Germain Harlay, Ms. 1024 , pièce 287.