A MONS'' LE PRESIDENT DE HARLAY

Mons"^ le président , Sur ce que j'ay entendu que ceulx de mon Parlement font encore quelque difficulté de veriffier l'edict que j'ay accordé à mon cousin le duc de Mayenne, je vous envoyé une jussion que j'ay faict expédier sur cela, et vous depesche le s"" de Chanvallon ^ exprés pour vous dire que ma volonté est que , toutes difficultés cessantes, ceulx de mon Parlement ayent à procéder incontinent à la dicte vérification , sans me donner plus la peine de vous en escrire. Le rang que vous y tenés me fait espérer que vous vous y employerés comme je le vous commande , ayant donné charge au dict s"^ de Chanvallon de ne bouger d'auprès de vous que cela ne soit faict, et de m'advertir de ceulx qui s'y opposeront, affin que je y pourveoye ,

* Achille de Harlay , comte de Beaumont, fils aîné de Christophe de Harlay et de Catherine du Val, né le 7 mars i536, mourut le 23 octobre i6i6, après une si belle carrière de magistrat qu'elle a placé son nom aux premiers rangs dans l'histoire. D'abord conseiller au Parlement, il devint président à mortier, sur la démission de son père, en 1572 , fut la même année conseiller d'Etat, et obtint la dignité de premier président en 1 682 , à la mort du premier président de Thou, son beau-père. Sa femme, Catherine de

Thou, était la sœur du célèbre historien. ■ Jacques de Harlay, seigneur de Champvallon, de Pontchevron, etc., gouverneur de Sens , était le troisième fils de Louis de Harlay et de Germaine Cœur. Il suivit la carrière des armes, et s'attacha au duc d'Alençon , dans la maison duquel il remplit plusieurs charges importantes. Il fut ensuite chambellan du duc de Lorraine et intendant de ses affaires en France. Il mourut le 3 avril i63o. Il était cousin germain du premier président.

de façon qu'ils cognoissent que je veulx estre obey. A Dieu, Mons"" le

premier président. Ce vj' d'avril, à Traversy.

HENRY

Je sçay les diffîcultez qui se font sur la préface. Je désire et veulx que ce soit edict leu, publié et enregistré sans aulcune restriction ny changement, d'autant que j'ay faict ce que je veulx tenir. Monstres ceste lettre à ceulx de vostre compagnie.

Orig. — Musée britannique. Caligula, E. IX. 338. Transcription de M. Delpit. Cop. — Londres. State papcr office, antient royal ietters, envoi de M. Lenglet.

[A LA REINE D'ANGLETERRE

Très haute , très excellente et très puissante princesse , nostre très chère et très amée bonne sœur et cousine, Nous commençons ceste lettre par nous condouloir avec vous de la perte que nous avons faicte du sieur Unthon \ que la mort nous a ravy alors que sa présence nous pouvoit estre plus utile. Nous nous joignons en cela avec vous, pour l'interest que nous estimons avoir à tout ce qui vous touche et pour l'affection particulière que nous portions au deffunct, à cause de ses vertus, par nous souvent esprouvées, et de sa loyaulté et sincérité en toutes ses actions et mesme en l'exécution de vos commandemens, dont il estoit si jaloux que nous devons tesmoigner que nous n'avons jamais veu gentilhomme affectionner plus vostre contentement, principalement en ce dernier voyage, auquel il a prins grande peine de vous servir et si bien, souvent si passionné, mesmes despuis qu'il est tombé malade , que cela a fort advancé ses jours. Mais il a pieu à Dieu d'en disposer ainsy ; à la volonté duquel il fault que les plus grands obéissent comme les moindres. Partant il nous suffira, vous advertissant de son decés,

' Sir Henry Union, fils d'Edward Un- de Henri IV : la première fois en 1691 et

ton de Walley, dans le comté d'Oxford, 1692,' ia seconde fois depuis la fm de

chevalier de l'ordre du Bain , fut deux fois 1^9^ jusqu'à sa mort, annoncée ici par

ambassadeur de la reine Elisabeth auprès Henri IV.

vous représenter aussy nostre regret et son mérite, alTin qu'il vous plaise avoir mémoire de ses services, et recevoir aussy en bonne part nostre ofTice de condoléance , qui est deu à nostre ancienne et mutuelle amitié.

Le dict s"" Unthon nous vint trouver deux jours avant sa maladie, et nous bailla un escript signé de vostre main pour response à celuy que nous avions faict en nostre conseil sur les propositions faictes par luy, à son ariMvée devers nous , auquel nous ne peumcs lors faire response', parce que nous fusmes contraincts de partir le lendemain pour aller donner ordre à nostre frontière menacée par nostre cnnemy ; et à nostre retour nous le trouvasmes très affoibly et travaillé de sa maladie. Toutesfois nous le voulusmes visiter, tant pour le consoler et luy donner courage en son mal, que pour luy découvrir nostre cœur et nous esclairer de quelques points qui tenoient notre esprit en suspens, sur l'ouverture qu'il nous avoit faicte de vostre part : dont il s'acquitta si dignement que nous fussions sortys d'avec luy tout satisfaits, si nous eussions peu estre asseurez de sa convalescence autant que nous le fusmes, par les déclarations et sermens qu'il nous fit, de Testât que nous devons faire de la continuation de vostre amitié et de vostre bonne et droicte intention sur l'assemblée et conférence de nos ministres, proposée par vostre escript, pour adviser au bien commun de nos affaires , ce qui fut cause qu'à l'heure mesme nous prismes resolution dans notre esprit d'accepter la dicte assemblée. Toutesfois pour n'estre auprès de nous ceulx de nostre conseil, avec lesquels nous avions communiqué de ce faict, nous dismes seulement au secrétaire Edmond, sur la poursuicte qu'il faisoit de la dicte response durant la maladie du dict Unthon, que nous espérions que vous en demeureriés contente.

Et fault sur cela que nous vous confessions ingenuement que nous n'avons jamais désiré nous distraire de vos conseils, ny nous séparer d'avec vous, par l'obligation que nous vous avons, l'affection naturelle que nous vous portons , et pour ce que nous cognoissons qu'en nostre union consiste nostre prospérité. Mais oyans dire que

vous ne nous pouviés secourir, et voyans que noslre Royaulnie estoit trop foible pour résister seul à la puissance de nostre ennemy, nous nous estions aucunement laissé aller aux conseils de la nécessité qui se representoit journellement à nous par ses effects, et l'appréhension de l'advenir, fondée sur la pauvreté de nos peuples, Tinstabilité de nos affaires, l'incertitude de vostre assistance et non de vostre bonne volonté, de laquelle, quoy qu'il soit arrivé , nous n'avons jamais doubté : de sorte que aussy tost que le dict s' Unthon nous fit espérer par les asseurances qu'il nous donna de vostre bonne volonté, que ceste conférence pourroit remédier au mal qui forçoit la nostre , nous commençasmes à reprendre les erres de nostre première inclination, qui a tousjours esté d'honorer vos conseils et y attacher inséparablement nostre fortune à la vostre, dont nous advertismes nos serviteurs. Mais ceste joie et nostre espérance nous durèrent bien peu; car nous fusmes advertys, deux jours après, que pour composer et renforcer vostre armée vous aviés retiré les gens de guerre qui estoient à la solde des Estats des Provinces unyes des Pays-Bas, et que vous aviés résolu d'employer la dicte armée en lieux si esloingnez de nous, qu'au lieu d'estre secourus de vos forces, comme nous espérions qu'il seroit résolu en la dicte conférence, nous nous voyons frustrez de l'assistance des dicts Estats, lesquels affoiblys des dicts gens de guerre , seroient contraincts de revocquer ceulx qu'ils nous avoient envoyez, et encore se tenir ceste année sur la deffensive , ce pendant que l'ennemy feroit à plaisir ses efforts sur nostre Royaulme : de quoy le dict s"^ Lnthon ne nous avoit rien dict, soit qu'il en fust ignorant, ou qu'il n'eust commandement de vous de le faire. Quoy voyans, nous envoyasmes quérir le dict secrétaire Edmond, auquel nous fismesnosplainctes, n'en pouvant nous-mesmes conférer avec le dict s"^ Unthon, tant il estoit malade; de quoy nous estimons qu'il vous aura advertye ; de sorte que nous ne vous représenterons icy nostre douleur ny la justice d'icelle fondée sur ce subject. Mais imaginés quelle peut estre celle d'une ame qui se trouve deceue d'une espérance nouvellement donnée par personne confidente, au nom d'une aultre à laquelle on porte très grande affec-

tion, d'une chose non-seulement désirée, mais aussy nécessaire à Tune et Taultre des parties.

Ce déplaisir nous avoit tant esmeus, qu'il fault que nous vous confessions que, sans les remonstrances et réitérées instances que nous a faictes le dict Edmond , nous nous fussions contentez , s'en allant vous trouver, de vous tesmoingner sa fidélité, diligence et capacité aux affaires qui luy ont esté commis depuis qu'il vous sert auprès de nous, et de vous prier de l'avoir en recommandation pour l'amour de nous et de ses services (comme de faict nous vous en prions d'entière affection), sans vous importuner de ce long discours; mais il nous a tant asseurez de vostre bonne volonté, si vivement remonstré que nous debvions plus espérer de fraternité et d'assistance de vous en la poursuicte de ceste guerre contre nostre commun ennemy que nous ne faisions, nous priant de nous en esclaircir par personne confidente, que cela a esté cause que nous nous sommes résolus vous ouvrir et descharger encore une fois nostre cœur, et sur ce vous depescher le s' de Sancy, conseiller en nostre conseil d'Estat, devant que de nous laisser emporter plus avant au torrent de la nécessité qui nous poursuict et au desespoir de votre assistance, pour en ce faisant nous acquitter d'une partie des obligations que nous vous avons, et nous descharger aussy envers Dieu et les hommes de tout le mal qui succédera de nostre séparation, s'il faut qu'elle advienne. Au moyen de quoy nous vous envoierons le s" de Sancy dedans cinq ou six jours. Il partiroit dés demain , mais nous espérons voir entre icy et là nos ennemys et les combattre , s'ils sont véritables , et par luy vous en mander la victoire, avec l'aide de Dieu. Ce pendant nous vous prions de surseoir, jusques à ce que vous l'ayés ouy, la resolution de l'employ de vostre armée, ou pour le moins le partement d'icelle; et vous congnoistrés, par ce qu'il vous représentera de nostre part, que le bien de vos affaires nous est aussy cher et recommandé que le nostre propre , et que nous ne mériterons aucun blasme et reproche de vous ny d'aullre, quoi que nous facions pour le salut de nostre Estât, après wons estre acquittez de nostre dernier debvoir envers vous, s'il ne

produict les effects qui ne vous sont moins nécessaires que à nous , comme nous avons protesté au dict secrétaire Edmond, luy confiant la présente, à laquelle nous ne pouvons rienadjouxter que nos cordialles et affectionnées reccommandations : et sur ce nous prions Dieu, Très haulte, très excellente et très puissante princesse, nostre très chère et très amée bonne sœur et cousine , qu'il vous conserve en sa saincte et digne garde. Escript au camp devant la Fere, le vij* jour d'avril

Vostre bon frere et cousin, HENRY.

[1596.] — [7 AVRIL. j-II'»^ Cop. — A Londres , State paper office , ancient royal letters. Transcription de M. Lenglet.

[A LA REINE D'ANGLETERRE

Madame, Il faut que je vous tesmoigne encores de ma main l'extresme regret que j'ay de la perte que nous avons faicte du s^'Unthon, lequel en vérité vous estoit très fidelle et très passionné serviteur. Il aimoit aussy fhonneur, et m'estoit sa façon de procéder très agréable. Il faut que je vous dise aussy, Madame, que Edmonds vous a très bien servye par deçà; il est très diligent et capable, de sorte qu'il mérite d'estre employé et recogneu de vous pour très loyal serviteur. Je le vous recommande de tout mon cœur, qui est plus vostre que mien. Il vous dira en quels termes il me laisse , attendant le cardinal , qui , je crois , avoit choisy ceste saincte sepmaine pour nous venir voir, exprés pour nous confesser et absouldre de tous nos peschez ; car il est plus propre à cela que à nous faire fuir. Toutesfois s'il ne se présente bien instruict, j'espère luy faire chanter fevangile devant fepistre, quoy qu'il ayt. Je ne puis pas' estre triste, quand j'oys dire que fennemy vient, estant asseuré de vos bonnes grâces comme je l'ay esté par ce pauvre gentilhomme (qui est mort), lorsque je fus le voir estant à l'ex-

' La copie de Londres porte : «Je ne puis questre triste... n Ce qui n'offre pas un sens suivi avec le reste de la phraes.

tremité. Ce sera la faveur aussy que je porleray au combat, avec laquelle j'espère que Dieu me fera la grâce d'aussy bien baltre mes ennemys que j'ay faict les autres fois : dont je vous manderay des nouvelles par le s' de Sancy, que j'ay résolu de vous depescher, comme je vous mande par mon aultre lettre. Mais je vous prie, Madame, sui seois les resolutions et entreprises, jusques à ce que vous l'ayés oy, alïin que j'aye moyen d'attacher ma fortune à la vostre plus estroitement que jamais, comme j'ay bonne volonté de faire, si vous le trour vés bon , et m'aides à sortir de la nécessité , laquelle seule me peut contraindre d'en user aultrement pour le salut de mon Royaume, comme j'ay donné charge au dict Edmonds de vous dire, en attendant l'arrivée du dict s' de Sancy, qui le suivra de prés, pour vous asseurer de l'affection et du service de

Vostre bien humble frère et affectionné serviteur,

HENRY

[1596.] 7 AVRIL. -IIK

Orig. autographe. — Arcliives royales de Sardaigne. Envoi de M. l'ambassadeur de France à Turin. [A MON FRERE LE DUC DE SAVOIE.]

Mon Frère, Vous aurés bien tost par delà mon cousin le mareschal de Biron et le s"^ de Sillery pour mettre fin au traicté de nostre reconciliation ; le s" de Rochelle ayant trouvé le dict s"" de Sillery prest à partir pour cest effect, duquel j'ay lousjours désiré la perfection depuis que vous m'avés asseuré de vostre affection, et faict représenter par le dict s" Rochette le fruict que j'en doibs espérer. Ce sera aussy le souverain remède aux attentats desquels l'on se plainct de part et d'aultre, à nostre commun contentement, comme j'escris plus au long au dict s"^ Rochette, lequel a très bien faict de ne venir jusques icy, affm de ne retarder davantage ce bon œuvre, que les exercices que l'on me donne en ces quartiers m'ont empesché de resouldre

plus tost. Je prie Dieu, mon Frère, qu'il vous ayt en sa garde. Au camp de Traversy, le vij*^ avril, devant la Fere ^

Vostre bon frère , HENKV.

Orig. — B. R. Fonds Béthune, Ms. 9054, fol. io6. Cop. — Suppl. f'r. Ms. 1009-2.

[AU CONNÉTABLE

Mon Cousin, Je vous ay faicl part de tous les advis que j'ay eu de

mes ennemys. Celluy que j'ay eu de Tacheminement de leur armée

vers Monstreuil est confirmé par tant d'aultres, que je le tiens pour

asseuré. J'ay envoyé mon cousin le comte de S'-Paul à Abbeville, et

le s"^ de Belin au dict Monstreuil, avec quinze cens hommes de pied

et trois cens arquebusiers à cheval. Il est demeuré sur ceste frontière

trois mil hommes de pied et mil chevaulx, qui sont logez prés de

Guise, qui ont charge de jetter des vivres dans la Fere. J'espère

que Dieu me fera la grâce de les en empescher. Nos gardes sont si

bonnes qu'ils ne peuvent exécuter leur dessein sans combattre. Je vous

prie de vous rendre prés de moy au plus tost, et je prie Dieu, mon

Cousin, vous avoir en sa saincte garde. Escript au camp de Travercy,

ce vnj" jour d'avril lÔQÔ.

HENRY

POTIEK.

' Voyez, sur la suite de cette négociation et les obstacles qui s'y opposèrent, la lettre du 2 3 octobre de cette même année.

re

Orig. autographe. — Musée britannique, hiblioth. de Lambeth , Ms. 942 , pièce n' 6.