PROVINCES UNIES DES PAYS BAS
Très chers et bons amys, Lorsque j'ay envoyé mon cousin le duc de Bouillon et le s*^ de Sancy en Angleterre, je vous en ay donné advis et de l'occasion de leur voyage. Depuis leur retour, ils m'ont faict entendre ce qu'ils ont traicté et arresté avec la Royne ma bonne sœur, dont j'estime que vous aurés aussy esté particulièrement informé par le s' Caluart, vostre ambassadeur, lequel est party en mesme temps pour vous aller trouver avec instruction de tout ce qui s'est faict au dict traicté, duquel j'ay beaucoup de contentement, jugeant le fruict et advantage que nostre Couronne et vostre Estât pourront recevoir de nostre bonne correspondance et association contre l'ambition demesiu"ée de nostre ennemy commun, ayant aussy très agréable qu'il ayt esté arresté que vous entreriés au dict traicté comme estât souverain ^, ainsy que j'ay tousjours désiré. Le dict s"" Caluart vous aura représenté ce que mon dict cousin et le dict s' de Sancy luy ont faict entendre touchant Testât de mes affaires, les progrés qu'avoit faicts l'armée de mes ennemys durant que j'estois arresté au siège de la Fere ; combien la perte des villes de Calais et d'Ardres importe à mon service, et les moyens desquels j'ay besoin d'estre secouru promptement pour conserver mes villes qui sont sur la frontière et m'op-
' C'est à quoi s'était refusée d'abord dépendantes qui réclamaient la protection Elisabeth, ne voulant comprendre ces pro- des hautes parties contractantes, vinces au traité que comme des villes in-
poser aux desseings de mes ennemys, lesquels avec toutes leurs forces sont entièrement bandez contre mon Estât; mes forces estant occupées en divers lieux de mon Royaulme, et mes affaires réduits à tel estât par la longueur de la guerre, que je ne puis, avec mes forces seides, résister aux grands elforts des Espagnols. J'ay besoin d'estre assisté de vostre favorable secours. Le s"" de Buzanval vous a faict entendre particulièrement ce qui m'est nécessaire et que je désire à présent de vous; en cpioy je vous prie m'assister et croire que d'autant que le dict secours me sera envoyé proniptement, plus les effects qui en réussiront seront utiles et advantageux à nos alTaires communs; et vous en auray davantage d'obligation, m'ayant secouru au fort de mes affaires. Je vous escriray dans peu de jours plus particulièrement touchant le dict traicté, auquel j'apporteray tout l'advancement que je pourray, comme je vous prie faire de vostre part, et ce pendant me renvoyer le dict s' de Caluart, instruict de la resolution que vous aurés prise , tant pour le gênerai de nos affaires communs que pour le secours présent que j'attends de vostre favorable assistance, selon les ouvertures qui vous en ont esté faictes par le s"^ de Buzanval , mon ambassadeur : et sur ce , je prie Dieu, Très chers et bons amys, qu'il vous ayt en sa saincte et digne garde. D'Abbeville,le xvij^jour de juin i ogô.
HENRY
POTIER
Cop. — Bibliothèque de M. Monmerqué, Ms. intitulé : Lettres à l'ambassadeur du Levant.
[A M. DE BREVES
Mons' de Brèves, Par vos lettres du xxnii*^ de mars, ni et x apvril, vous m'avés rendu compte de vostre negotiation avec le Hogeat, et depuis avec le gênerai de farmée , pour l'employ de leur armée de mer; pai- où j'ay recogneu que je ne doibs pas faire grand estât de l'assistance de ces gens-là, puisqu'ils marchent si froidement qu'il appert
par leur résolution. Toutesfois, si vous pouvés obtenir que leur armée vienne à Thauuiir et qu ils nie secourent des corps de dix ou douze galleres, comme ils vous en ont donné espérance, encore sera-ce quelque chose. J'ay bien recouvré ma ville de Marseille par la fidélité des liabitans, qui ont chassé de leur ville lestraistres qui la vouloient hvrer à mon ennemy. Toutesfois j'ay plus de besoing que je n'avois avant 4a dicte recî action d'estre secouru des dictes galleres, pour armer le fort de la dicte ville, et d'icelle incommoder f ennemy, comme vous sçavés qu'il est facile de ce costé-ià. J'en ay aussy besoing pour deffendre la dicte ville contre les forces de fennemy, lequel, irrité de se voir privé de ses espérances sur la dicte ville, prépare une armée exprés pour la forcer. [Sy ne peut-on] ^ en faire construire d'auitres en mon Royaiune pour ceste année, à cause des aultres despenses que j'ay sur les bras. Donc faites vostre possible pour avoir les dictes galleres par prest, ou ainsy que vous adviserés avec les ministres de ce prince estre pour le mieux, mais je les aime mieux desarmées qu aultrement ; car il n'y a faulte en mon Royaume de forçasts ny de soldats pour armer. Mon ennemy ayant tourné toutes ses forces à l'armée du cardinal d'Austriche sur ceste province de Picardie, me voyant engagé au siège de la Fere que j'ay enfin recouverte, [est venu] assiéger^ mes villes de Calais et Ardres si vifvement, qu'il les a contrainctes, favorisé du mauvais estât où elles estoient : en quoy véritablement j'ay faict une grande perte, car encores que le recouvrement de la Fere me soit advenu très à propos, pour estre la dicte ville si advancée en mon Royaume, que je pouvois recevoir des incommoditez très grandes demourante en leurs mains, toutesfois la perte des aultres a grandement accreu l'orgueil de mes ennemys, lesquels j'espère que Dieu me fera la grâce de rabaisser quelque jour. Il n'eust osé assiéger les dictes villes si j'eusse esté libre avec mon armée; aussy n'a-il rien entrepris depuis que je me suis approché de luy, comme je suis à présent, ayant logé mon armée dedans son pays. Ce pendant j'ay renouvelle une ligue of-
' Ms. s'ils ne peuvent.
* Ms. et aUiage.
fensive et défensive avec la royne d'Angleterre et les estats des Pays- Bas contre nostre dict ennemy; mais avec tout cela nous ne pouvons pas luy faire beaucoup de mal, tant il est puissant, si Sa Hautesse ne nous assiste.
C'est pourquoy je seray contrainct me laisser [aller] aux conseils du Pape, lequel me poursuict de faire la paix avec mes ennemys. Il a faict partir le cardinal de Florence pour me venii- trouver pour cest effect, qui doibt arriver en mon Royaume à la fin de ce mois; mais j'attendray la dernière response de Sa Hautesse sur ce que vous luy avés proposé, devant qu'escouter le légat. Mais comme je prévois que je seray forcé de luy déclarer ma volonté, donnés ordre que j'aye bien tostdevos nouvelles, et qu'elles soient telles, si c'est possible, que je ne sois contrainct de céder à la violence et à la bonne fortune de mon ennemy, car ce n'est mon intention. Son audace ainsy en devi endroit insupportable, comme vous continuerés à leur représenter par delà. Mais gardés-vous bien de me repaistre d'espérances vaines en ces occasions qui sont très importantes, car vous me fériés un très grand desservice; et comme ceulx qui servent en pareille charge comme vous faictes doibvent estre les premiers conseillers de leur prince, il faut aussy qu'ils soient religieux et véritables en leurs escripts et advis, lesquels servent de règle et fondement aux resolutions que nous prenons. Ayant examiné vos lettres j'ay estimé nécessaire cest avertissement, non pour vous intimider et vous rendre plus retenu en vos lettres, ny pour vous obliger aux advis que vous me donnés, à en respondre; mais que vous y apportiés les considérations qu'il convient en matière de tel poids, comme sont celles dont il est question. Soyésy donc si circonspect, prudent et fidelle, qu'il ne m'en arrive aulcun accident, et que je n'aye occasion de m'en douloir.
Quant à l'entreprise que vous avés prise soubs mon nom pour secourir vostre nécessité , je n'en approuve la forme , et vous défends d'en user à l'advenir sans mon commandement exprés. Vous ne fauldres aussy de m'envoyer un estât certifié de vostre main de tous les deniers quavés tirez des deux pour cent pour chascune année, depuis que je
LETTRES DE HENRI IV. IV. 'jQ
vous ay permis de les lever; car je veux sçavoir combien s'est monté le su])side. Et continués à m'advertir de toutes occurences et du fruict qu'aura produict la depesche que j'ay faicte par Guitard, qui doibt estre maintenant prés de vous. Je prie Dieu, Mons"^ de Brèves, qu'il vous ayt en sa saincte et digne garde. Escript à Abbeville, le xvij'' jour de juin i 596.
' HENRY
Cop. — B. fi. Fonds du Puy, Ms. 119. — Fonds Saint-Germain Hariay, Ms. 1193, pièce 86. — Et fonds Brienne, Ms. 137, fol. i34 recto. — Suppl. fr. Ms. 1009-4, etc.
[AU PAPE
Très Sainct Père, Nous avons receu avec actions de grâce et louanges immortelles à Dieu et à Vostre Saincteté, parles mains du s*" Alexandre d'Elbeine, la bulle apostolique de nostre restitution et incorporation en l'Eglise Catholique, Apostolique et Romaine, ensemble le bref, plein de pieté et bonté admirable, duquel il a pieu à Vostre Saincteté nous consoler. Et comme par l'un et par l'aultre Vostre Béatitude a voulu non-seulement nous secourir de sa paternelle bénédiction, au besoing extresme que nous en avions , mais aussy nous tesmoigner la joie qu'elle a eue de nostre conversion, par une déclaration si signalée de sa bienveillante et singulière affection envers nous et la chose publique de nostre Royaulme, nous ne pouvons aussy remercier assez dignement Vostre dicte Saincteté des grâces et faveurs qu'elle nous a desparties en cette occasion, véritablement par dessus nostre mérite, ayant esgard à nos faultes, mais telles que un très dévot et obéissant fds de l'Eglise, comme nous voulons estre éternellement, les pouvoit espérer de la debonnaireté de Vostre Saincteté , que nous recognoissons pour nostre vray père spirituel, et voulons comme tel révérer, obéir et servir toute nostre vie , ne pouvans recepvoir une plus grande consolation et allégresse, après l'espérance du salut de nostre ame, dont il a pieu à Vostre Saincteté nous tracer le chemin par sa saincte bénédiction, que de cognoistre que nous ayons faict chose qui ayt converty .sa doulleur et son mescontentement en liesse et plaine satis-
faction de nous et de nos actions. Et combien que la diversité des erreurs et opinions dont la France est encores afïligée, à nostre grand regret, avec la nourriture qui nous a estô donnée dés nostre plus tendre jeunesse, eust esbranlé nostre foy en la doctrine de l'Eglise, neantmoins nous avons tousj ours désiré, comme prince qui a coUocqué sa souveraine félicité en la crainte de Dieu et en l'obéissance de ses divins commandemens, d'avoir cognoissance de la vérité d'icelle. Mais d'autant que les guerres et divisions du Royaulme estoient principalement fondées sur la deffense de la religion, il a fallu que nous ayons suivy nostre fortune et éducation première jusques au temps que Dieu a voulu manifester la justice de nos armes par la prospérité d'icelles contre nos ennemys; aultremenl nous eussions esté arguez de faire chose indigne d'un prince qui faict profession d'honneur, si nous eussions faict ce changement par force procédante des armes de nos ennemys, par timidité ou par une trop grande convoitise de régner et nous accroistre entre les hommes. Nous eussions donné occasion à Vostre Saincteté et à un chacun de se deffier de nostre mutation. Mais y ayans esté guidez et conduicts de la seule main de Dieu, par foperation de son S' Esprit, qui a illuminé nostre ame des rayons de la pureté de la foy très chrestienne, sans force ny contraincte aucune de la part de nos dicts ennemys, jà trop affoiblys, ny d'aucun desir de grandeur, nous supplions Vostre dicte Saincteté de croire que y sommes entrez avec un cœur libre, pur et net de toute feintise et déception, fortiffié d'un très ardent zelle de pieté et pareille conhance en l'infmye miséricorde du Dieu vivant, laquelle n'a oncques manqué à ceulx qui font recherchée et invocquée en sincérité de conscience , dont il est le seul juge et scrutateur infaillible. Partant nous protestons devant sa céleste Majesté, comme nous faisons aux pieds de Vostre Saincteté, vouloir vivre et mourir en la foy et religion Catholique, Apostolique et Romaine, de laquelle nous avons faict profession publique ; dont nous supplions Vostre dicte Saincteté prendre entière asseurance et recepvoir de nous ceste nouvelle déclaration et confirmation de nostre volonté, que nous luy en faisons par la présente, pour
galge très certain des effecls qui s'en ensuivront cy-aprés, avec la grâce (le Dieu, conformes aux promesses qui ont esté faictes de nostre part à Vostre dicte Saincleté par nos procureurs et ambassadeurs. Et s'ils sont plus tardifs que Vostre dicte Sainteté ne desireroit et que nostre obligation ne requiert, nous supplions pareillement Vostre Saincteté en accuser nos ennemys, lesquels ne nous ont donné loisir, depuis avoir receu sa bénédiction, de vacquer à aultre chose qu'à defPendre nostre Royaulme de leurs armes, lesquelles nous contraingnent de nous fermer et arrester en ceste frontière et comme abandonner les aidtres affaires de nostre dict Royaulme, pour mieux résister à leurs entreprises, dont. Très Sainct Père, affm que nous finissions la présente par où nous l'avons commencée , comme nous voulons que ce soit doresnavant la fin de toutes nos actions, nous remercions de rechef Vostre Saincteté en toute humilité des grâces, saincts préceptes et enseignemens qu'il iuy a pieu nous eslargir, tant par sa bulle que par son bref; la supplions de croire que nous mettons peine de suivre les uns pour nous rendre dignes des autres, et qu'ElIe a acquis et obligé à l'Eglise, au S* Siège et à Sa Saincteté un prince qui n'espargnera jamais sa personne, son Estât ny sa vie pour respondre aux bonnes espérances que Vostre Saincteté a conceues de sa foy envers Dieu et les hommes, et mériter par obéissance et révérence filiale la continuation de sa bienveillance paternelle, de laquelle nous serons, tant que nous vivrons, très jaloux; suppliant Vostre Saincteté recevoir en bonne part ia présente déclaration que nous Iuy en faisons, en attendant que nous y satisferons plus amplement par nos ambassadeurs , lesquels iront au plus tost Iuy rendre de nostre part fhonneur et obéissance que nous Iuy debvons, à l'exemple des Roys nos prédécesseurs, dont nous ne serions à nous acquitter ny à nous excuser envers Vostre Saincteté de leur retardement, par le mesme Alexandre d'Elbeine que nous avions délibéré Iuy envoyer, sans les empeschemens susdicts, comme Iuy exposera plus particulièrement de nostre part l'evesque de Rennes \
D'Ossat
estant par delà pour nos affaires, auquel nous adressons la présente, et prions Vostre Saincteté adjouster foy comme à nous-mesmes. Très Sainct Père, nous supplions aussy le Créateur qu'icelle Vostre dicte Saincteté il maintienne et conserve longuement au bon règne, gouvernement et administration de nostre mère saincte Eglise. Escript à
Abbeville, le xx*^ jour de juin i 696.
HENRY
Minute. — B. N. Fonds du Puy, Ms. 407, foi. 18 recto.
Cop. — Suppl. fr. Ms. 1009-3. (D'après l'orig. autographe qui était dans le cabinet Joly deFleury.)
Imprimé. — Lettres inédites de Henri IV, etc. par A. Serieys, Paris, an x, in-8°, p. 9.
[A MADAME CATHERINE
Par le retour de Rosny j'ay esté esclaircy de plusieurs choses dont j'estois en doid)te, et me suis résolu, tant pour vostre bien et repos que pour le mien, de mettre une fin aux affaires cju'il m'a faict entendre de vostre part, les establissant par un si bon ordre qu il n'y ayt plus rien qui les puisse altérer ou changer, ny y survenir accident qui auctorise les plainctes que vous faictes journellement contre moy, mais face juger à chascun que le tort aura tousjours esté vostre. Pour y parvenir, et affin que la raison et l'équité précèdent toutes choses, il m'a semblé à propos, en attendant nostre première veue, d'assembler à Paris ou à Amiens deux personnes de vostre costé et deux du mien, qui ayent une parfaicte cognoissance de la valeur des biens de nostre maison lorsqu'ils nous escheurent, des debtes qu'il y avoit, et de ce que les coustumes nous en donnent à chascun, affin que, selon leur rapport et par leur advis, je vous mette incontinent en l'entière possession et jouissance de vostre partage, outre lequel je seray en vostre endroict de telle gratification et libéralité qu'elle vous fera preuve suffisante que j'ay tenu vostre amitié beaucoup plus chère que n'avés estimé. Vos discours ordinaires et vos lettres demandent incessamment ces effects, et mon ame est très désireuse de les produire; si le succès
en est différé, que la faillie en soit imputée à celuy ou celle de nous deux qui en sera cause. Quant à moy, je vous propose la voie la plus douce et la plus facile à mon avis. Si vous en sçavés une meilleure, je suis tout prest à la recevoir, vous priant de faire élection du lieu et des personnes, et m'en rendre certain par ce porteur, affin que je face le semblable. Rosny m'a asseuré que ces choses estant faictes, vous estiés toute résolue à l'accomplissement des aultres qu'il vous a proposées de ma part. Continués en ceste volonté , particulièrement touchant vostre mariage avec mon cousin de Montpensier, et vous asseurés que je seray tousjours conforme à vos désirs, le mien estant principalement de vous voir heureuse et contente, et que nous vivions en parfaicte amitié ensemble. Voilà le fond de mon intention; ayés-la agréable et m'aimes comme je vous aime. Bonjour, ma sœur, je vous
baise mille fois les mains.
HENRY
Cop. — B. N. Fonds Béthune, Ms. 9116, fol. lio recto; et Suppl. fr. Ms. 1009-3.
[AU DUC DE NEVERS
Mon Nepveu, L'armée de mes ennemys est deslogée des environs de S*-Omer et prend le chemin vers Ostende, et l'on dit que leur desseing est de l'assiéger. Je n'en ay encore certitude , et juscpies à ce qu'ils soient arrestez au dict siège ils peuvent changer de chemin et tourner vers Guise et la frontière de Champagne, dont je vous ay voulu donner advis, afiQn que vous preniés une prompte resolution en l'assemblée que j'ay permis estre faicte en ma ville de Troyes. Aussy tostque la dicte assemblée sera finye, vous m'en donnerés advis, et au mesme temps prendrés vostre chemin pour aller droict sur la frontière, comme je vous ay cy-devant escript; en quoy je vous prie ne perdre temps : et sur ce je prie Dieu, mon Nepveu, vous avoir en sa saincte garde. D'Abbeville, ce xxij^ juin 1696.
Orig. — Arch. du cliâteau de Poyanne. Copie communiquée par M. Méchin.
