DUC DE PINAV, PAIR DE FRANCE

Mon Cousin , J'ay grand regret de ne vous avoir depesche pour Rome dés quand je vous en parlay; car mes affaires s'en feussent mieuix portées. Mais j'ay esté et suis encores occupé en ceste frontière , que je n'ay peu vacquer à aultre chose. Sur cela le légat de Nostre Sainct

Pere s'est acheminé et est si advancé, qu'il doibt estre le premier à Lyon. Cela estant, je suis conseillé de le voir, devant que de depescher à Rome. Parlant je vous prie ne vous lasser de vous tenir prest pour me faire ce service quand je vous le manderay ; et je ne me lasseray jamais de vous aimer : priant Dieu, mon Cousin, qu il vous tienne en sa saincte garde. Escript à Abbeville, le xxuij*^ jour de juin 1696.

HENRY

DE NEUFVILLE

1596. — ik JUIN. — 1I■"^

Cop. — Arch. de Clermont-Ferrand. Copie transmise par M. Gonod, bibliothécaire de la ville.

A NOS TRES CHERS ET BIEN AMEZ LES GENS DU TIERS ESTAT, ESCHEVINS ET HABITANS DE NOSTRE VILLE DE CLERMONT.

Chers et bien amez, Le manquement que nous avons à présent de pouldres et munitions de guerre est la seule cause de la perte du long temps que nous avons esté retenus au siège de nostre ville delà Fere. Le mesme deffault, qui accroist de jour en jour, nous oste encore toute occasion d'employer l'armée , que nous avons très belle sur ceste frontière , bastante pour retirer des mains de nos ennemys ce qu'ils ont usurpé , et faire de grands et amples progrés sur eulx. Nous ne pouvons à présent apporter aultre plus convenable remède au mal, que de tirer des magasins que nous avons es places plus esloingnées du danger et qui sont au milieu de nostre Royaulme, la meilleure partie des pouldres que nous y avons réservées, et d'ailleurs rechercher des villes etcommunaultez les plus aisées, et qui ont magasins et provisions particulières de pouldres, quelques notables secours d'icelles pour des unes et des aultres nous prevalloir en si importante nécessité , laquelle nous avons donné charge à ce porteur de vous représenter telle qu'elle est, et, par mesme moyen , vous faire entendre la qualité de pouldre que nous desirons que vous nous fournissiés promptement, soit de vos magasins particuliers ou d'ailleurs que vous pourrés au plus tost les recouvrir et

les faire conduire et rendre jusques en nostre ville d'Orléans, avec asseurance que nous vous ordonnerons le remboursement de la valeur d'icelles et le recouvrement sur toute l'estendue de nostre élection de Clermont, ou par tel aultre plus prompt expédient moyen que vous proposerés au s"^ de la Bastide; auquel remettant de vous faire entendre plus expressément sur ce nostre intention , nous ne vous en ferons aultre plus particulière déclaration par la présente, vous exhortant seulement de contribuer à ce secours avec toute l'affection, promptitude et facilité qu'il vous sera possible, selon que vous en jugés le sul)ject utile et nécessaire, non à la conservation de ceste frontière seulement, mais du gênerai de nostre Royaulme. Donné à Abbeville, le xxuij^ jour

de juin i 696.

HENRY

POTIER

Oig. autographe. — Biblioth. impériale de Saint-Pdtersbourg, Ms. 887, t. I", lettre n" 19.

(Copie transmise par M. Houat.)

A MONS" DE BELLIÈVRE

Mons"" de Bellievre, Je suis asseuré qu'il ne tiendra point à vous que je ne reçoive le secours que je demande. Vous en congnoissés l'importance, et avés faulte de pouvoir demander, plus tost que de bonne volonté. Je le sçay bien; mais nos soldats ne peuvent pas vi\Te de cella, ny moy par conséquent les retenir et demeurer en ceste frontière sans eux. Secourés-moy donc par effect, et nous rassemblons après au plus tost pour trouver moyen de sortir de cette misère, car elle n'est plus supportable. La charge m'en est trop pesante et me couste plus cher qu'à personne. La Varanne vous dira de mes nouvelles. A Dieu, Mons"^ de Bellievre. Ce xxvj^ juin , à Abbeville.

HENRY

LETTRES DE HENRI l\ . IV.

1596. — 3o JUIN.

Oriç;. — Archives du canton de Zurich. Copie transmise par M. l'ambassadeur de France en Suisse.

\ NOS TRES CIIERS ET GRANDS AMYS, ALLIEZ ET CONFEDEREZ LES BOLRGMAISTRES, ADVOYERS, AMANS, CONSEIL ET COMMUNAULTEZ ' DES TREIZE CANTONS DES LIGUES SUISSES.

Très chers et grands amys, aillez et confederez, La bonne allianee et amitié que sur tous aultres nous avons tousjours désiré de continuer avec vous nous faict grandement regretter l'absence du s"" de Sillery, nostre ambassadeiu* en vos Ligues, qui vous eust dignement représenté Testât des affaires de ce Royaulme et la cordiale et sincère affection que nous portons au gênerai de vos Ligues, et en particidier à tous vos cantons. Mais comme il est personnage qui affectionne ce qui est du debvoir et qu'il estime estre de vostre contentement, il nous a remonstré que son retour par devers vous ne vous seroit agréable , si par mesme moyen il ne vous portoit la certitude des payemens qui vous ont esté promis: en quoy nous avons désiré que ceulx de nostre conseil vacquassent avec tout soing et diligence , comme estant l'une des choses que nous avons le plus à cœur et recognoissons estre le plus obligez , ne voulans imputer ce retardement à deffault de bonne volonté de ceulx ausquels nous en avons donné la charge, qui avoient commencé de y donner l'acheminement que desirions; mais se trouvant ce Royaume apauvry des ruines qu'il a souffert depuis le renouvellement des troubles et continuation de la guerre estrangere , et ayans esté contraincts ceulx de nostre dict conseil de pourveoir aux despenses extresmes qu'il a convenu faire pour l'entretenement d'une puissante armée que nous avons tenue devant la Fere l'espace de sept mois, estans, depuis, les despenses augmentées pour satisfaire au payement des forces qui ont esté opposées en divers lieux à celle des ennemys de ceste Couronne, Il n'a pas esté au pouvoir de nos serviteurs de trouver si promptement les sommes de deniers qui vous sont deues, ainsy que l'avons ordonné, estans très marrys que ceste excuse soit fondée en raisons si vraies et qui nous sont si domma-

geables; ce que par vos prudences il vous plaira de prendre en la meilleure part : cl neanlmoins estant nostre resolution, à quelque prix que ce soit, de surmonter toutes ces difïicultez, nous avons donné charge au dict s"" de Sillcry de négocier pour cest efîect et traicter le recouvrement d'une somme bien notable avec aulcuns qui se sont déclare/, de nous vouloir faire ce secours, moyennant l'interest que leur avons très volontiers accordé. Nous estimons que dans peu de temps ceste négociation réussira selon nostre désir; et pour ce que c'est chose dont l'on nous a donné beaucoup d'asseurance, n'avons voulu faillir de vous en escrire la présente, esperans que en brief vous en sçaurés la certitude par le dict s"" de Sillery, que nous depescherons par devers vous aussy tost qu'il aura conclu ceste négociation. Vous prions cependant, Très chers et grands amys, alliez et confederez, de nous vouloii tousjoiu's conserver la mesme amitié, bonne volonté et affection donl vous nous avés desjà faict dételles et si grandes preuves, que nous n'en perdronsjamais la mémoire, et ne souffrir par vos boutez et prudences, qu'il soil innové aulcune chose en vos Ligues au préjudice de nos affaires, vous promettans que trouvères tousjours en nous toute correspondance avec un perpétuel désir de vous tesmoigner par tous bons offices que vous ne pouvés avoir voisin ny amy qui chérisse plus vostre amitié et qui désire davantage la grandeur et prospérité de vostre vertueuse nation, que nous faisons et ferons tout le temps de nostre vie. Nous remettans au surplus à ce qui vous sera dict de nostre part par le s' Vigier, nostre secrétaire, auquel vous prions d'adjouster foy comme à nous-mesmes, nous prions Dieu, Très chers et grands amys, alliez et confederez, qu'il vous ayt en sa saincte et digne garde. Donné à Ab-

beville, le dernier jour de juin 1696.

HENRY

FORGET

r.op. — Arcli. nationales, secl. judic. Rcg. orig. du Parlement de Paris (conseil), vol. 281,

fol. 284 verso.

A NOS AMEZ ET FEAULX CONSEILLERS LES GENS TENANS NOSTRE COURT DE PARLEMENT DE PARIS.

Nos amez et feauk, Nous avons, il y a longtemps, preveu et faict entendre à nos subjects que la nécessité de moyens en laquelle Ton nous la issoit vivre, mesmes pour l'entretenement de nostre armée, sera enfin cause de quelques grands inconveniens à cet Estât, ce qui ne s'est que trop vérifié par les pertes et dommages qu'il a receu depuis quelque temps, lesquels ne sont advenus que par ce seid advantage que les ennemys ont sur nous, lequel surmonte tous les aultres que nous avons sur eulx, tant en quantité de bons effects que valeur de nos gens de guerre; et parce que ne continuant pas seulement ceste mesme nécessité, mais augmentant tous les jours, il sera encores pis pour y pourveoir autant qu'il peut despendre de nous, nous rechercherons tous les moyens que nous pouvons pour nous redimer de ceste incommodité, qui nous est plus malaisée à combattre que nos propres ennemys; et d'autant que nous avons estimé que nos officiers, oultre que par raison ils sont plus intéressez à la consécration de l'Estat, parce qu'ils en ont une bonne partie de l'administration, y doibvent estre aussy plus judicieux et plus affectionnez que les particuliers, nous avons résolu de les rechercher tous à un prest si modéré, qu'ils le pus- •sent faire sans aulcune incommodité, esperans que, par le grand nombre qu'il y en a, nous ne laisserons d'en recueillir un bon et prompt service : et affin que les plus simples feussent admonestez par fexemple des principaux , nous y avons faict comprendre indistinctement tous nos dicts officiers, mesmes ceulx de nos courts de parlement et aultres cours souveraines , et particulièrement ceulx de nostre court de parlement de Paris, vous en ayant deu advertir par le s*" de S* -Luc. Et comme il importe à nostre service et à fadvancement du dict prest, que

cest exemple commence par vous, ce que nous nous tenons asseui ez qu'il nous sera fort volontairement accordé, attendu mesmes que la modicité des taxes est telle que, quand nous l'aurions remis aux offres volontaires, le plus incommodé de la compagnie n'en eust peu honnestement présenter que six fois davantage que ne monte sa taxe; toutesfois, nous avons entendu que cela ayant esté proposé en nostre dicte court, il s'y est trouvé de la difficulté, ce que nous voulons croire procéder plustost de quelque appréhension sur la forme ou aultre léger scrupide, que non par faulte d'affection; qui seroit bien indécent et de mauvaise conséquence de faire recognoistre de telle compagnie, et veu (elle occasion; et par ce que nous importeroit trop et à la dignité de nostre dicte court, que l'on cogneust que nos affaires feussent si mal soutenus et favorisez par les officiers d'icelle , nous vous avons voulu faire ceste-cy pour vous exhorter et prier d'accorder promptement et volontairement le dict prest , que vous pouvés bien juger que nous ne recherchons pas pour la commodité qui nous en peut revenir, mais pour l'exenqjle et impulsion que nous desirons que vous donniés en cela aux aultres. Vous le pouvés prendre de nous, qui n'espargnons pas nostre vie pom- la conservation de cest Estât, dans lequel le vostre et toutes vos fortunes sont comprises, et nous asseurons que cela ne recepvra plus de vous aulcunes disputes. Nous ne vous retiendrons pas icy davantage, que pour vous asseurer que vous pouvés en cela, avec bien peu d'inconvénient, nous faire neantmoins un bon et agréable service. Donné à Abbeville, le ij^jour de juillet iôqG.

HENRY

POTIKR.

Cop. — \rcli. nationales , sert, judic. Reg. origin. du Parlement de Paris (conseil) , vol. 281,

fol. 2 9'i verso.