CAPITAINE DE MON CHASTEAU D'IF

Mons' de Beausset, J'ay veu ce que m'escrivés par vostre lettre du XV* du passé, touchant les marchandises que vous avés en garde au chasteau d'If, appartenant à aulcuns marchands et bourgeois de Marseille, et arrestées entre vos mains, à l'instance du s'Gondy; sur quoy je vous diray que puisque les marchands ont envoyé homme par deçà pour poursuivre la vuidange de ce différent contre le dict Gondy, pourvoirés à ce qu'il leur soit rendu toute bonne et esgale justice. Mesme s'il est question d'y apporter quelque faveur, ils se peuvent asseurer qu'elle sera plustost de leur costé que aultrement. Je suis bien marry de la peine où vous [vous] en trouvés; et affm de vous en oster, je commanderay que le dict différend soit le plus promptement terminé que il sera possible. Ce pendant j'auray à plaisir que preniés l'occasion de venir faire un voyage par deçà ; car oultre le désir que j'ay de vous voir et cognoistre particulièrement, il se présente maintenant quelques

occurrences sur quoy je désire de comniuni({uer avec vous et de prendre vostre advis. Partant, je vous prie, vous disposés audict voyage, après Loutesfois avoir pourveu à la seureté de vostre place, et l'avoir laissée en mains de personnes de qui vous ayés fiance et qui en rendent bon compte, et estre ce pendant bien asseuré que vous serés icy aussybien veu et receu (jue vous le pourries désirer, et que recognoistrés que je n'ay pas perdu la souvenance de vos bons et signalez services que vous m'avés faicls, et aussy peu la volonté de les bien recognoistre, comme j'ay donné charge au s"" Pierricart, que je renvoie par delà, de le vous certifier de ma part. Sur ce, je prie Dieu, Mons'' de Bausset, vous avoir en sa saincte garde. Escript à Rouen, le xxiij^ jour de janvier i 697.

imprim('. — Mémoires et Correspondance de du Plessis-Mornay , édit. 182 'i, I. VII, p. 1 27

A MOiNS« DE SCHOMBERG.

Mons' de Schomberg, J'ay veu vostre lettre du x\*^ et les articles de la suspension d'armes qui ont esté accordez à Angers, lesquels je ne doubte pas que le duc de Mercœur n'accorde, si ce n'est pour le temps duquel les depputez d'une part et d'aultre n'ont pu convenir. Je desirerois que la dicte suspension n'eust lieu que jusques au dernier joui' de febvrier; et que dans le dict temps le traicté qu'avés commencé peust estre terminé par une bonne paix, comme il se pourroit la ire si le dict duc de Mercœur apportoit autant à l'avancement d'icelle comme je fais de ma part. Mais d'autant que les depputez d'une part et d'aultre n'y peuvent estre promptement assemblez prés de la Royne ma belle-SQîur, à cause des longueurs dont le dict duc de Mercœur et ses ministres ont accoustumé d'user, j'aurois agréable, au cas que le dict traité ne soit terminé dans la fin de febvrier, que la dicte suspension continue jusqu'à la fin de mars; laquelle prolongation la Royne et ceulx qui seront de ma part prés d'elle pourront accorder, aux cas si

fi78 LETTRES MISSIVES

toutesfois vous jugés que le traiclé doibve prendre ce long coiu^s, et que les deppulez du s"" duc de Mercœur soient résolus d'avoir dés à présent asseurances pour le dict temps. Vous ne romprés pour si petite occasion, faisant cognoistre à un chascun que mon intention est d'accourcir le temps , de laisser suspension pour avoir plus tost Tasseurance d'un plus grand repos pour une bonne paix. Vous tiendrés la main pour faire effectuer ce qui est contenu aux aultres articles de la dicte suspension; et parce que le payement qui a esté cy-devant faict au duc de Mercœui' durant la trefve doit continuer pendant l'aultre suspension, et que les levées requises pour le dict payement et pour fentretenement des gens de guerre qui ont esté ordonnez sur la frontière de Bretagne ne se pourroient lever sans beaucoup fouler mes subjects, et qu'à ceste occasion les deniers de mes tailles pourroient estre retardez, ma volonté est que le régiment de Nesle et les compagnies de cavalerie qui avoient esté establies en garnison sur la dicte frontière soyent retirées de ces susdictes garnisons, et licenciées, et que les deniers qui se payoient pour leur entretenement soient employez et tiennent lieu pour ce qui doibt estre fourny au duc de Mercœur durant la dicte suspension; à quoy je vous prie tenir la main et au licenciement prompt de ces forces , affin que mon peuple en reçoive soulagement.

J'ay veu ce que vous me représentés par vostre dicte lettre, et Testât des affaires de mon pays de Bretagne , et ce que vous en escrit le s"" Turquam; sur quoy j'escriray particulièrement à mon cousin le marescbal de Brissac ce qu'il doibt faire pour se préparer davantage à la guerre, s'il faut reprendre les armes après la dicte suspension; vous priant d'adviser avec les s"^ de Malicorne, de la Rochepot, Duplessis et aultres, mes serviteurs, ce qu'ils doibvent faire pour la conservation des villes qui despendent de leur charge , et pour estre prests à s'opposer aux desseings du s" duc de Mercœm\ au cas que , pendant la dicte suspension, ou à la fin d'icelle, ils soient contraints de reprendre les armes. Par le bon ordre qu'ils peuvent donner, mes ennemys ne pourront entreprendre, et mon peuple sera deschargé de fen-

Iretenement et oppression des gens de guerre, ayant commandé que les garnisons des villes qui sont proches de la Bretagne demeurent en Testât de l'année dernière. Faictes, ce pendant, que tous mes sul^jects cognoissent que la longueur du traicté procède du duc de Mercœur, et travaillés autant que vous pourrés pourl'advancement du dict traicté, sur lequel le s"" de la Ragotiere a faict sentir l'intention du duc de Mercœur, qui tendent plus à ce qui touche son particulier qu'à ce qui concerne la religion, et qu'il se sert de ce prétexte avec artifice poiu* altérer les volonlez de mes subjects. Quant à ce qui concerne la réception des officiers et restitution des maisons , vous en serés mieux esclaircy quand vous recommencerés le traicté , ne pouvant à présent vous instruire davantage de ma volonté que par ce qui est porté par vostre instruction et mes lettres que je vous ay desjà envoyées. Et si le s"" de la Ragotiere continue en la volonté qu'il a faict paroistre de me venir trouver, se promettant plus de faveurs de moy, je vous prie luy persuader, autant que vous pourrés, d'y venir, et luy dire qu'il peut faire ce voyage, attendant que vous soyés tous ensemble prés de la Royne, où il pourroit estre de retour assez à temps. J'estime qu'ayant parlé à luy il rapporte fidellement au duc de Mercœur la créance que je luy donneray qu'il pourra se disposer davantage au repos.

J'ay receu la lettre de mon cousin le duc d'Elbœuf , et veu ce que vous m'escrivés sur ce qui a esté proposé pour la rupture de la neutralité d'Ancenis; à quoyje ne puis à présent faire d'aultre response, d'autant que la suspension d'armes ayant lieu, il n'est besoing de parler davantage des forces qu'il desiroit dans Ancenis, ny des conditions avec lesquelles il vouloit rompre la dicte neutralité. Le différend qui est entre le comte de Ghemilly et le s"" de la Bossonniere, pour le commandement d'ime compagnie, cesse par mesme moyen. Vous me pourrés donner advis de la recompense qui peut estre justement deue au s"" de la Bossonniere pour l'advance qu'il a faicte; sur quoyje vous manderay ma volonté. S'il reste quelque difl'erend entre les depputez sur les articles de la dicte suspension, vous m'en donnerés advis.

J'estime, comme vous m'escrivés, que mes ennemys jettent fœil

680 I.ETTKES MISSIVES

sur ce qui se passera en rassemblée qui se fait à Vendosnie; mais ceuix

quicognoislront rinlerieur de mes intentions, el qui voudront en juger

sincèrement, cognoislront que mon but ne tend qu'au bien de mon-

Hoyaumc el au repos de tous mes suJjjects, n'ayant rien accordé à

ceulx de la religion prétendue reformée dont les catholiques se puissent

plaindre; encore que ceulx de la dicte religion ayent occasion d'estre

contens. Je suis bien ayse que leur ayez faict fournir les deux mil

escuz qui leur avoient esté assignez. Voilà ce que je puis vous res-

pondre sur vostre dernière , et pour le regard du traicté , j'auray fort

agréable que vous vous rendiés prés de la Royne ma belle-sœur au

plus tost que vous pourrés, et que vous pressiés ceux^ du s"" duc de

Mercœur de s'y trouver incontinent, les y obligeant par la resolution

qui s'y prendra avant que la Ragotiere parte d'Angers. L'assemblée

qui est en ceste ville linira dans deux ou trois jours. Après que ceux

de la dicte assemblée m' amont rendu compte de ce qu'ils auront faict,

je partiray pour Paris , où vous me donnerés advis de ce qui se passera

pour le regard du dict traicté : et sur ce je prieray Dieu, Mons' de

Schomberg, vous avoir en sa garde.

A Rouen, ce xxvj^ janvier 1597.

HENRY

imprimé. — Mémoires de messire Philippes de Mornaj, in-4°, t. II, p. 762.

[A MONS^' DU PLESSIS

Mons' du Plessis , J'ay appris par lettres du s' de Schomberg ce qui s'est passé à Angers quand le s' de la Ragotiere y est venu, et ce qui a esté accordé pour la suspension d'armes. J'eusse désiré qu'elle eust fini à la fin du mois de février, cognoissant combien la trefve est préjudiciable à mes affaires ; qui m'avoit faict resouldre d'envoyer mon cousin le Gonnestable en mon pays de Bretagne, préparer mon armée

^ C'est-à-dire les députés.

et l'employer, attendant que mes aiïaires de Picardie me peussent permettre d'y aller en personne. Mais considérant que la dicte suspension d'armes se faict pour continuer le traicté de la paix, laquelle je désire pour le bien de mon Royaume et le repos de mes subjects, j'ay mandé au dict s"^ de Schomberg qu'il accorde la dicte suspension jusques au dernier février, et qu'il la continue, avec l'advis de la Royne, jusques à la fin de mars, s'il juge qu'il faille autant de temps pour terminer le dict traicté. Le dict s^ de Schomberg, par la mesme lettre, me donne avis de vostre partement pour venir à Vendosme; dont j'ay receu contentement, estimant voslre présence très utile en la dicte assemblée pour retenir les esprits de ceulx qui se licencient par trop contre ce qui est démon auctorité et du bien de mon service. A quoy je vous prie travailler autant que vous aimés mon contentement et le bien de mes affaires. Je ne veux aussy laisser passer ceste occasion sans vous déclarer combien j'ay de contentement de vos services, mesmes de ceux que m'avés faict en l'occasion du dict traicté , lequel j'ay mandé au dict s"" de Schomberg de continuer; m'asseurant que si vous estes de retour avant qu'il soit terminé, vous continuerés de me servir en cela avec la mesme affection: et sur ce, je prieray Dieu, Mons"" du Plessis, vous avoir en sa saincte garde. A Rouen, le xxvj^ janvier 1597.

HENRY

POTIER

Orig. — Arch. municip. d'Abbeville, registre des délibérations de 1596-1597. Transcription

de M. Louandre , bibliothécaire.

A NOS TRES CHIERS ET BIEN AMEZ LES MAYEUR, ESCHEVINS ET HABITANS DE NOSTRE VILLE D'ABBEVILLE.

Chers etbien amez, Avantl'arrivée devosdepputez, nous vous avions sufQsamment informez par les lettres que vous aurés à présent receues de nous, quelle opinion nous avions eue des bruits qui ont couru par deçà, et le peu d'estat que nous en avons faict, sur l'entière coulettres DE HE.NRl IV. I\. 86

082 LETTHES iVIlSSJVES

liciiice (|ue nous avons eue et aurons tousjours en voslre fidélité; et n'esloit besoin*^ d'envoyer pour ce sidjject vos excuses, puisque nous ne avions laict instance d'aulcune piaincte sur ce subject, aucpicl , si nous eussions adjouxté tant soit peu de l'oy, nous eussions lil)rement rechercbé de vous la vérité et motifs de tels bimits, dont nous ne desi- I ons plus grande satisfaction que le continuel debvoir et l'obéissance que vous nous avés rendue avec tant de zèle et aflection jusques à cette heure, veillans à vostre conservation avec le plus grand soing qu'il vous sera possible, avec asseurance qu'il ne sera plus rien adjouxté [et sans que] médisance ou mauvais rapport quelconque apporte tant soit peu de diminution à la bienveillance que nous vous portons. Donné ;t Houen , ce dernier jour de janvier 1597.

HENRY

Cop. — Arch. de Belgique. Kecueil de dépêches, instructions, etc. adressées aux Etats généraux des Pays-Bas ou émanées d'eux. 1 583- 1698, fol. 61 5. Envoi de M. Gachard, archiviste général.

A -NOS TRES CHERS ET BONS AMYS, ALLIEZ ET CONFEDEREZ LES S" EST ATS GENERAULX DES PROVINCES UNIES DES PAYS-BAS.

Très chers et bons ainys, alliez et confederez, Conmie le s'' de Buzanval est arrivé icy, je vouiois vous envoyer ce porteur, estant en peine de n'avoir aucun advis de vous ny des provisions que vous avés données pour effectuer ce qui m'a esté promis par nos traictez. De quoy ayant esté de présent pleinement esclaircy par le dict s' de Buzanval, il ne me reste qu'à vous prier d'advancer l'accomplissement de vos bonnes intentions, lesquelles il m'a fidèlement représentées, de sorte que ce m'a esté grand contentement de l'ouïr, mesmement ayant sa venue esté accompagnée d'une si heureuse nouvelle que celle qu'il a apportée de la defTaicte des regimens de nostre ennemy, nagueres exécutée par vos forces, conduictes par mon cousin le prince Maurice; de laquelle, après avoir loué et remercié Dieu de tout mon cœur, je me réjouis avec vous, au nom du meilleur et plus asseuré de vos amys, et qui vous souhaite plus de prospérité; attendant en bonne

DE HENRT IV. 683

dévotion les particularitez de ceste victoire, dont je me promets (jue vous me ferés part par vos premières. Et d'autant que je n'ay encore receu la response de la royne d'Angleterre , ma bonne sœur et cousine, sur la conférence que je luy ay proposée faire à Dieppe pour délibérer et résoudre nos affaires, j'ay advisé de retenir le dict s"^ de Buzanval jusques à ce que j'en sois certain, pourmieulx et plus clairement vous informer par luy de toutes choses, dont j'espère m'acquitter bien tost, comme je cognois qu'il est nécessaire pour nostre commun bien et advantage sur les grandes levées de gens de guerre que nostre ennemy prépare et assemble de toutes parts, qui nous admonestent et obligent à nous fortifier aussy par tout moyen et ne rien obmettre à faire pour renverser sur luy les malheurs qui nous pourchassent; comme je vous prie vous asseurer que je mettray peine de faire de mon costé, avec toute la diligence possible, ayant mis fin assez heureusement, veu lestât présent de mon Royaulme, à l'assemblée des principaulx officiers d'iceluy, quej'avois convocquée en ceste ville, de manière que rien ne peut plus retarder ma resolution, que l'attente des volontez de la dicte Royne, ma sœur, sur les propositions susdictes. Cependant du Verger, mon porte-manteau, sera arrivé par delà avec les ratifications de nos traictez ^ que j'ay adressées au dict s' de Buzanval, lesquelles vous seront délivrées à l'arrivée de ce dict porteur, affin de les garder jusques au retour du dict s"" de Buzanval, lequel vous les présentera de ma part avec les cérémonies et déclarations de mon affection à l'observation de nos dicts traictez, que vous devés espérer de mon amitié et parole; dont je vous prie prendre entière asseurance comme je veulx faire de la vostre, et vous souvenir d'envoyer quelqu'un devers les princes delà Germanie nos amys, pour accompagner celuy que j'ay depesché devers eux, pour les convier d'entrer en nostre dicte confédération, affin que toutes choses s'effectuent comme elles ont esté accordées, à l'utilité publicque, à laquelle seule tendent toutes mes intentions :

M. du Verger avait déjà été chargé Voyez, ci-dessus, lettre du commenced'une pareille mission l'année précédente. ment de février.

sur quoyjeprieray Dieu, Très cliers et bons amys, alliez etconfederez,

qu'il vous ayt en sa saincie garde. Escript à Rouen, le iij*^ jour de

février 1597.

HENRY

DE NEUFVILLE

Ire

Orig. — Arch. des Médicis, Christine de Lorraine, liasse IX, Château d'IJ. Copie transmise par

M. le ministre de France à Florence.

A NOS TRES CHERS ET BIEN AMEZ, LES VIGUIER, CONSULZ, MANANS ET HABITANS DE NOSTRE VILLE DE MARSEILLE.

' Très chers et bien amez, Sur ce que l'on nous a faict entendre de la grande nécessité de bleds que vous avés en ceste présente année, nous vous en avons volontiers accordé une traicte de douze mille septiers, à les tirer de nostre province de Languedoc, dont vous aurés la commission par ce porteur, à laquelle nous avons ordonné à nos cousins le Connestable et les ducs de Joyeuse et de Ventadour de n'y mettre aulcun empeschement, ains au contraire de tenir la main à ce qu'elle soit effectuée, comme nous sommes asseurez qu'ils feront ; ne vous voulans au reste pas celer que nous avons trouvé fort mauvais que vous ayés arresté les bleds de nostre cousin le grand duc de Toscane, qu'il faisoit conduire en vertu de nostre passeport, estant ce faict de très grande importance, tant pour voir en mespris nos commandemens que pour avoir intéressé la bonne correspondance que nous voulons avoir avec les princes estrangers, nos voisins et bons amys, et spécialement à l'endroict de nostre dict cousin le grand duc ; duquel nous avons receu et recevons encore tous les jours infmys bons offices, desirans singulièrement conserver ceste bonne amitié qui est entre nous. Pour ceste occasion, nous avons faict expédier commission à nostre nepveu le duc de Guise et au s" président du Vair, pour en faire la main-levée ; à quoy nous voulons que de vostre part vous obeissiés et ne donniés aulcun empeschement,

' En tête est la formule : De par le Rov, comte de Provence.

comme nous nous asseurons que vous ferés, vous estans maintenant pourvus de la dicte traicte de bleds. C'est pourquoy nous ne vous en dirons pas davantage que pour vous recommander tousjours ce qui est de vostre dehvoir, et de veiller soigneusement à vostre conservation , et à vous maintenir en repos et tranquillité : à quoy nous aiderons de nostre part autant que nous pourrons. Donné à Rouen, ce nij*

febvrier 1697.

HENRY

FORGET

1597. k FÉVRIER. - II'"^

Cop. — Bibliothèque de l'Arsenal, Hist. litt. n'ô??, Mss. deConrart, vol. 5, p. i65.

A MONS" DE LIBERTAT

VIGUIER DE MA VILLE DE MARSEILLE

Mons' de Liberlat, Renvoyant ce porteur vers mon nepveu le duc de Guise, je n'ay pas voulu que ç'aye esté sans vous donner de mes nouvelles, et vous dire le grand contentement que j'ay eu de la prise qui a esté faicte de par delà, et particulièrement de ce qu'elle vous a donné commodité d'armer la chiourme des deux galères qui sont au port, lesquelles vous me ferés service bien agréable d'achever d'équiper le plus tost que vous pourrés, et les mettre en estât de servir, J'ay résolu Testât de mes galères, où elles sont employées, et dans peu de jours je resouldray celuy de mes finances de ceste année, où je feray reserver le fonds de l'entretenement de douze galères pour le moins ; de sorte que vous pouvés estre asseuré que les vostres seront bien payées et entretenues. J'ay entendu au reste avec desplaisir que l'on ayt arresté à Marseille les blez que mon cousin le grand duc faisoit transporter en vertu de mon passeport. J'envoye une commission à mon cousin le duc de Guise et au s"" du Vair , pour en faire la mainlevée; à quoy je vous prie, de vostre part, tenir la main pour pourveoir aussy à la nécessité des blez que je Vois que vous appréhendés. Pour le reste de ceste année, j'en ay accordé une traicte de douze mil

sepliers poiir les tirer de mon pays de Languedoc, dont vous aurés la depesche par ce dict porteur; outre laquelle j'ay ordonné à mes cousins le Conneslable et les ducs de Joyeuse et de Ventadour de nV donner aulcun empescliement, ains au contraire la favoriser le plus (ju ils pourront, comme je m'asseure qu'ils feront; vous priant au surplus d'avoir tousjours soin de la seureté et repos de la dicte ville, et de continuer d'y faire comme vous avés lousjom's faict jusquicy, et dont j'ay tout le contentement que vous pouvés désirer. Sur ce , je prie Dieu, Mons"^ de Libertat, vous avoir en sa saincte garde. Escript

à Rouen, ce nij'' febvrier lÔgy.

HENRY

FORGET

Cop. — Musée britannique , Mss. additionnels , vol. 4118, fol. 290 verso. Envoi de M. Delpit.